JOSHUA 4:24 - BUKUIT NE TILIIL Sireet ne Dutero Kanon

²⁴ si kobiit konai piik tugul che po ng'wony kole kiim eutap Kamuktaindet ne Toroor ak koywei Kamuktaindet ne Toroor Kamuktaindeng'wong' koigeny.”

Bukuit Ne Tilil

²⁴ si kobiit konai piik tugul che po ng'wony kole kiim eutap Kamuktaindet ne Toroor ak koywei Kamuktaindet ne Toroor Kamuktaindeng'wong' koigeny.”

BUKUIT NE TILIL

²⁴ si kobiit konai bik tugul che bo ng’ony eutab Jehovah, kole kim; si kobiit koiywei Jehovah Kamuktaindeng’wong’ koigeny.

JOSHUA 4:24 Referencias Cruzadas

1 LAITORINIK 8:40

si kobiit koiywein peetuusyek tugul komenyei emet ne ki igoochi kwanisyekyok.

1 LAITORINIK 8:60

si kobiit konai piik tugul che po ng'wony kole, Kamuktaindet ne Toroor ko Kamuktaindet; ma mi age.

2 LAITORINIK 19:19

Ara anyun, ee Kamuktaindet ne Toroor, Kamuktaindennyo, asaain ale sarwech eng' eunnyi, si konai laitornatosyek tugul che po ng'wony kole ii Kamuktaindet ne po Toroornatet, inyee inyegei.”

2 LAITORINIK 5:15

Ki week kwo ole mi chiitap Kamuktaindet, ineendet ak piikyik tugul che ki mi ak ineendet, ak ki nyo ak kotonon eng' tainnyi: ak kole, “Kaanai anyun nguno, ale ma mi Kamuktaindet eng' ng'wony tugul, kobatee eng' Israel. Ara asaain nguno anyun ale, taach konunet eng' otwogindeng'ung'.”

1 ATEPTAP PEETUUSYEK 29:12

Punun mogornatosyek ak teegisto, ak ibou tugul. Mi eung'ung' kimnateet ak kamuktaet, inyee ne ieeti ak igoochini tugul kimnateet.

Kitabuutap JOB 40:9

Anan itinye euut ne uu ne po Kamuktaindet? Ak imuuchi itul eng' tuugeet ko uu ineendet?

TIENWOGIKAL 106:8

Ago ki sar icheek amu kainennyi, si kobiit konaak kimnateennyi ne po kamuktaet.

TIENWOGIKAL 89:13

Itinye euut ne po kamuktaet: Kiim eung'ung', ak toroor eung'ung' ne po tai.

TIENWOGIKAL 89:7

Ineendet Kamuktaindet ne kiywei miising' eng' tuiyetap che tiliileen, Ne kiywei kosiir tugul che kiyiem ineendet?

KOMONG'U 14:31

Ki keer Israel poisyet ne kiim ne ki yachi `Kamuktaindet ne Toroor Misiriik. Ki iywei anyun `piik Kamuktaindet ne Toroor ak koyan `icheek ineendet ak Musa otwogindennyi.

KOMONG'U 15:16

Kanam icheek kamuiset ak kaiyweisyet; eng' etunatetap eung'ung', ko siisyo ko uu koita; agoi kolanda piiguk, ee Kamuktaindet ne Toroor, agoi kolanda piik che ki ial.

KOMONG'U 20:20

Koleenji `Musa piik, “Amoiywei, amu kanyo Kamuktaindennyo kotyemak si kotebee taing'wong' kaiyweisyennyi ne oiywei ineendet asi moyai tengek.”

KOMONG'U 9:16

ago kaachamun isap, si kobiit aboorun kimnateennyu, ak kemwaita kainennyu konaak eng' ng'wony komugul.

ISAIAH 52:10

Amu ki kobarta Kamuktaindet ne Toroor eunnyi ne tiliil eng' taitap pororyosyek tugul; ak keerei tabanwek tugul che po ng'wony yetunetap Kamuktaindennyo.

JEREMIA 32:40

ak kiyomisigei ak icheek kayomiset ne po koigeny, ale matuktochini patai icheek ago ayachini ne myee; ak ande kaiyweisyennyu mugulelwekwak, si ma istoenagei.

NG'ATUTIK 28:10

Ye keer pororyosyek tugul che po ng'wony kole kiguurtoenen kainetap Kamuktaindet ne Toroor, koiywein.

NG'ATUTIK 6:2

si kobiit igonyit Kamuktaindet ne Toroor Kamuktaindeng'ung', inyee ak weeriing'ung' ak mochogoreng'ung' eng' peetuusyeguk tugul kotee isabe. Ak iriip kaneetisyosyekyik tugul ak ng'atuutikyik che ang'atiin, si kochang'a peetuusyeguk.

1 SAMUEL 17:46

Indein rani Kamuktaindet ne Toroor eunnyu. Awirin abariin ak atil meting'ung' yeityo agoochi rani muuswegap lugeetap Philistiik toriitik che po parak, ak tyong'igap timiin che po ng'wony, si kobiit konai ng'wony tugul kole mi Kamuktaindet Israel.