JOSHUA 24:19 - BUKUIT NE TILIIL Sireet ne Dutero Kanon

¹⁹ Koleenji `Joshua piik, “Momuuchi oboisyechi Kamuktaindet ne Toroor, amu ineendet ko Kamuktaindet ne Toroor ne tiliil. Ineendet ko Kamuktaindet ne Toroor ne amei ng'etkong'; ma nyoiywok kaat eng' pistoeng'wong' anan ko eng' tengekwogikwok.

Bukuit Ne Tilil

¹⁹ Koleenji `Joshua piik, “Momuuchi oboisyechi Kamuktaindet ne Toroor, amu ineendet ko Kamuktaindet ne Toroor ne tiliil. Ineendet ko Kamuktaindet ne Toroor ne amei ng'etkong'; ma nyoiywok kaat eng' pistoeng'wong' anan ko eng' tengekwogikwok.

BUKUIT NE TILIL

¹⁹ Ak kilenji Josua bik, Momuchi oboisiechi Jehovah; amu inendet ko Kamuktaindet ne tilil; inendet ko Kamuktaindet ne amei ng’etkong’; manyoiywok kaat bistoeng’wong’ anan ko tengekwogikwok.

JOSHUA 24:19 Referencias Cruzadas

2 ATEPTAP PEETUUSYEK 36:16

Ago ki reeny pichooto ki iyooktoi Kamuktaindet, ak ki sas ng'aleekyik, kogengenie maotikyik, agoi konereekyi `Kamuktaindet ne Toroor piikyik, kot koma komi kiit ne kinyae.

TIENWOGIKAL 99:3

Ingolas icheek kaineng'ung' ne oo ne imuisei. Tiliil ineendet.

TIENWOGIKAL 99:5

Otoroor Kamuktaindet ne Toroor, Kamuktaindennyo, Ak ogutung'ji eng' ng'echereetap keelyekyik keel: Tiliil ineendet.

TIENWOGIKAL 99:9

Otoroor Kamuktaindet ne Toroor, Kamuktaindennyo, Ak ogutung'ji eng' tulweennyi ne tiliil; Amu tiliil Kamuktaindet ne Toroor, Kamuktaindennyo.

KOMONG'U 20:5

ameng'uruukyi anan ioot icheek, amu anee Kamuktaindet ne Toroor Kamuktaindeng'ung', ko aa Kamuktaindet ne ama ng'etkong'. Ageerchini lagok tengektap kwanisyekwak agoi ibindap somok ak ne po ang'wan eng' icheek che wecho.

KOMONG'U 23:21

Oriipkei eng' tainnyi ak ogas iit ng'aleekyik; ama ta obistoe ineendet. Amu ma nyochin kaat pistoeng'wong' amu mi kainennyu eng' ineendet.

KOMONG'U 34:14

among'urukyi kamuktain age tugul. Amu Kamuktaindet ne Toroor ne kainennyi ko ng'etkong', ineendet Kamuktaindet ne amei ng'etkong'.”

KOMONG'U 34:7

ne italachingei eliphuusyek, ne nyochin kaat piik tengekto ak pistoet ak chalwokto, ma pagaaktoi kiptengekyot age tugul. Igeerchin lagok tengektap kwanisyekwak ak eng' lagogap lagokwak agoi ibindap somok ak ne po ang'wan.”

ISAIAH 2:9

Ing'uruuksei chiito ne nyeraat, ak kiming'ini chiito ne oo, ko uu nooto anyun amenyochi kaat icheek.

ISAIAH 27:11

Ye kagoresyo mooriikyik, koilyo; pwoonei kwonyiik ak kobeel. Amu pororyot ne ma tinyei kaguiyet; nooto anyun ma riiree icheek `ineendet ne kiyai, ama tiytiy icheek `ineendet ne kimimii.

ISAIAH 30:11

oistegei eng' ooreet, omaste eng' ooreet, ogoochi Ineendet ne Tiliil ne po Israel kosiis eng' tainnyo.

ISAIAH 30:15

Amu komwa Kiptaiyat Kamuktaindet ne Toroor, Ineendet ne Tiliil ne po Israel, kole, “Kisarwok ye oweege ak omuuny; egu kimnateeng'wong' siisek ak kamang'unet.” Ago ma ocham,

ISAIAH 5:16

Ago itoroorot Kamuktaindet ne Toroor ne po lugoosyek eng' kirwoogetap imanda, ak Kamuktaindet ne Tiliil koboortoigei kole itabaanat eng' imanda.

ATEPTAP LAWIK 10:3

Ki leenji Musa anyun Aron, “Ni kiit ne ki mwa Kamuktaindet ne Toroor kole, ‘Eng' icheek che riikyino aegu ne tiliil, ak eng' taitap piik tugul anyooru toroornatet.’ ” Ak ki siis Aron.

ATEPTAP LAWIK 11:44

Amu aa Kamuktaindet ne Toroor Kamuktaindeng'wong', otabaangei anyun ak oegu che tiliileen amu aa tiliil. Amomurwongei eng' kiy age tugul ne ichuutegei ng'wony.

ATEPTAP LAWIK 11:45

Aa Kamuktaindet ne Toroor ne ki amutwak otogosu omang'une emetap Misiri, aek Kamuktaindeng'wong'; otiliiliitu anyun amu aa tiliil.”

ATEPTAP LAWIK 19:2

“Mwachi tuiyet komugul ne po piigap Israel, ileenji, Oegu che tiliileen, amu aa tiliil anee, Kamuktaindet ne Toroor Kamuktaindeng'wong'.

ATEPTAP LAWIK 20:26

Oegu che tiliileen eng' anee, amu aa tiliil anee Kamuktaindet ne Toroor, ne ki atabaanenak pororyosyek, si oegu chechuuk.

ATEPTAP LAWIK 20:7

Otabaange anyun, oegu che tiliileen; amu aa Kamuktaindet ne Toroor Kamuktaindeng'wong'.

NAHUM 1:2

Kamuktaindet ne Toroor ko Kamuktaindet ne amei ng'etkong' ak koyaaktoi mugetuut; yaaktoi Kamuktaindet ne Toroor mugetuut ak tinyei nereek; yaakyin Kamuktaindet ne Toroor mugetuut puunikyik, ak kogonorchin puunikyik nereegek.

HABAKUK 1:13

Inyee ne itinye koonyek che tiliileen kot ko mechame igeer yaityet, amechame igeer kamaaset, amu nee anyun si igeere che yaei kaberberisyet, ak isise ye igeere kiptengekyot kolugui chiito ne po iman kosiir ineendet;

MATAYO 6:24

Ma mi chii ne imuuchi koot kiptainik aeng'; amu imuuch kowech age ak kocham age, anan konamgei ak age ak kosas age. Momuuchi oot Kamuktaindet ak mogornatosyek.

JOSHUA 24:18

Ki oon `Kamuktaindet ne Toroor piik tugul koba eng' tainnyo, chooto Amorik che ki menyei emoniito. Nooto anyun kiboisyechini Kamuktaindet ne Toroor agacheek, amu ineendet ko Kamuktaindennyo.”

JOSHUA 24:23

Ara anyun, oiste kanamonik che too che mi kwenung'wong' ak otokyi mugulelwekwok Kamuktaindet ne Toroor, Kamuktaindetap Israel.

RUTH 1:15

Koleenji `Naomi Ruth, “Keero, kagoweek kwondap pomurtang'ung' kwo ole mi piikyik ak kamuktaindennyi. Weektegei aginye! Isup ne po pomurtang'ung'.”

1 SAMUEL 3:14

Nooto anyun ki ayosye agobo kootap Eli ale, ma kitisei tengektap kootap Eli eng' tiseiywot anan ko eng' kagoochinoik agoi.”

1 SAMUEL 6:20

Ki le piigap Beth-shemesh, “Ng'oo ne imuuchi kotonon eng' taitap Kamuktaindet ne Toroor Kamuktaindani tiliil? Ak togostoi eng' olinnyo kowendi ole mi ng'oo?”