JOSHUA 23:15 - BUKUIT NE TILIIL Sireet ne Dutero Kanon

¹⁵ Ago onai anyun ole, ko uu ye ki pwanjok tuguuk tugul che myachen che kimwaiwok Kamuktaindet ne Toroor Kamuktaindeng'wong', koibwok Kamuktaindet ne Toroor ko uu nooto, tuguuk tugul che yaacheen agoi kogeswok eng' emoni karaaran ki koonok Kamuktaindet ne Toroor Kamuktaindeng'wong'.

Bukuit Ne Tilil

¹⁵ Ago onai anyun ole, ko uu ye ki pwanjok tuguuk tugul che myachen che kimwaiwok Kamuktaindet ne Toroor Kamuktaindeng'wong', koibwok Kamuktaindet ne Toroor ko uu nooto, tuguuk tugul che yaacheen agoi kogeswok eng' emoni karaaran ki koonok Kamuktaindet ne Toroor Kamuktaindeng'wong'.

BUKUIT NE TILIL

¹⁵ Ak koek ko u ye kibwanjok tuguk tugul che miachen che kimwawok Jehovah Kamuktaindeng’wong’, koibwok Jehovah ko u noto, tuguk tugul che yaachen, agoi kogeswok eng’ emoni kararan kigonok Jehovah Kamuktaindeng’wong’.

JOSHUA 23:15 Referencias Cruzadas

1 LAITORINIK 14:15

Kong'eete nguno kobarei Kamuktaindet ne Toroor Israel, ko uu ye kitumdumi morong'yot eng' peek. Itutu `ineendet Israel eng' emoni karaaran, ne ki igoochi kwanisyekwak, ak koseer kosiir aineet pitoniin; amu kiyachigei Aserik ak kotaach Kamuktaindet ne Toroor.

1 LAITORINIK 8:56

“Iberuurot Kamuktaindet ne Toroor, ne Ki kogoochi kamuung'et piikyik Israel, ko uu tuguuk tugul che kiga koaror. Ma pet ng'olyoot agot agenge eng' arorutyennyi tugul ne myee, ne ki iaror eng' otwogindennyi Musa.

ISAIAH 24:6

Ki koam anyun chubisyet ng'wony, ak ki konam ng'oogisto che menyei. Ki kibeel piik che menyei ng'wony, ak ki ng'et che ng'ering'.

JEREMIA 32:24

Ogeero karurugutigap ng'ung'unyek ole punu piik kobwanei koluulei nganasani; ak kagigoochi nganasani eutap Kaldeik che paregei ak nganasanooto, amu rotwetap chok, ak rubeet, ak koroito: ak kagosulda nooto ki imwa; ak keero, igeere nooto.

JEREMIA 32:42

Amu mwaei Kamuktaindet ne Toroor kole: Ko uu ye ki aipchi pichu yaityoni oo tugul, aipchini ko uu nooto myeeindo tugul ne ki arorchi icheek.

JEREMIA 35:17

mwaei anyun Kamuktaindet ne po Toroornatet ne po lugoosyek, Kamuktaindetap Israel, kole: Ogeero, aipchini Judah ak piik tugul che menyei Jerusalem, yaityet tugul ne ki amwa agobo icheek: amu ki ang'alaalji, ago ma kas; ago ki aguur icheek, ago ma wol.

ATEPTAP LAWIK 26:3

“Ngo pendate kaneetisyosyekyuk ak oriip ng'atuutikyuk, ak oyai,

1 THESSALONIKEK 2:16

etenech keng'alaalji Pororyosyek si kobiit kesar; inyiiti kotugul tengekwogikwak: ago nyoonjin icheek nereeknateet agoi let.

KIRUOGIK 13:1

Ki yai piigap Israel yaityet kogeny eng' taitap Kamuktaindet ne Toroor, ak ki inde `Kamuktaindet ne Toroor icheek eutap Philistiik kenyiisyek artam.

KIRUOGIK 3:12

Ki yai ne ya piigap Israel kogeny eng' taitap Kamuktaindet ne Toroor, ak ki igimit Kamuktaindet ne Toroor Eglon laitoryatap Moab kobargei ak Israel, amu ki yai ne ya eng' taitap Kamuktaindet ne Toroor.

KIRUOGIK 3:8

Nooto anyun kinereech kot Kamuktaindet ne Toroor agobo Israel, ak ki alda icheek koba eunegap Kusan-risataim laitoryatap Mesopotamia. Ki oot anyun piigap Israel Kusan-risataim kenyiisyek sisiit.

KIRUOGIK 6:1

Ki yai piigap Israel yaityet eng' taitap Kamuktaindet ne Toroor; ak ki inde `Kamuktaindet ne Toroor icheek eunegap Midian kenyiisyek tisap.