JOSHUA 23:14 - BUKUIT NE TILIIL Sireet ne Dutero Kanon

¹⁴ “Awendi anyun rani ooreet ne pendi piik tugul che po ng'wony. Ongen eng' mugulelwekwok tugul ak eng' saboonwekwok tugul, ole ma pet ng'olyoo agot agenge eng' tuguuk tugul che myachen che ki mwa Kamuktaindet ne Toroor Kamuktaindeng'wong' agobo okweek. Ago ki isulda chooto tugul eng' okweek ama pet kiy agot agenge eng' chooto.

Bukuit Ne Tilil

¹⁴ “Awendi anyun rani ooreet ne pendi piik tugul che po ng'wony. Ongen eng' mugulelwekwok tugul ak eng' saboonwekwok tugul, ole ma pet ng'olyoo agot agenge eng' tuguuk tugul che myachen che ki mwa Kamuktaindet ne Toroor Kamuktaindeng'wong' agobo okweek. Ago ki isulda chooto tugul eng' okweek ama pet kiy agot agenge eng' chooto.

BUKUIT NE TILIL

¹⁴ Ak ogeero, awendi rani oret ne bendi bik tugul che bo ng’ony: ongen eng’ mugulelwekwok tugul ak eng’ sobonwekwok tugul, ole ma bet ng’olyo agot agenge eng’ tuguk tugul che miachen che kimwa Jehovah Kamuktaindeng’wong’ agobo okwek; kiisulda choto tugul eng’ okwek, ma bet kiy agot agenge eng’ choto.

JOSHUA 23:14 Referencias Cruzadas

TAUNET 47:29

Ye kingo riik anyun peetuusyek che po kalilotetap Israel, koguur anyun weeriinnyi Joseph ak koleenji, “Ngo kaanyooru chameet eng' taing'ung', inde anyun eung'ung' kubestanyu, iyaiywo ne myee, ak ne po iman. Kaigai ametupcha Misiri,

1 LAITORINIK 2:2

“Neegit awo ole pendi piik tugul che po ng'wony. Kimitu anyun ak iegu muren.

1 LAITORINIK 8:56

“Iberuurot Kamuktaindet ne Toroor, ne Ki kogoochi kamuung'et piikyik Israel, ko uu tuguuk tugul che kiga koaror. Ma pet ng'olyoot agot agenge eng' arorutyennyi tugul ne myee, ne ki iaror eng' otwogindennyi Musa.

Kitabuutap JOB 30:23

Ak angen ale imutyina meet, imutyina koot ne ki kichopchi piik tugul che saptos.

KOMONG'U 3:8

Kachooruge anyun si kobiit asar icheek eng' eunegap Misiriik, ak amutu icheek kotogos komong' eng' emonooto koba emet ne myee ne paraa. Emet ne nyiitaat cheego ak komi kumyat eng' chaang'indo; emetap Kanaanik, Hitik, Amorik, Perisik, Hibik, ak Jebusik.

AMDOINDET 12:5

Ye iywei chii kobun toroorinwek ak kobiit kamuiset eng' ooreet, ak koiyesyo taaptogap keetit ne kiguure almond ak konyigiisit talamwet ak kobet mageet. Amu wendi chiito koonnyi ne po koigeny ak kobendat che riiryoti eng' ortinwek;

AMDOINDET 9:10

Kiit age tugul ne iyae eng' eung'ung', iyai eng' kimnateng'ung', amu ma mi poisyet anan chobutik anan naet anan utaatyet eng' kererit ne iwendi.

EZEKIEL 20:28

Amu ye kinga muutu icheek kobwa emet, ne ki aitoochi eunnyu agoochi, kogeer tulweet age tugul ne kooi, ak keetit age tugul ne nyigiis, ak ki igoito eng' olooto korosekwak, ak ki igoito eng' olooto kagoochinoikwak che po tagisyet, kibeelei kogeny nyamdutikwak, ak koroong'ji olooto kagoochinoikwak che kieei.

KAITOSYEK 23:19

Ma chiito Kamuktaindet, kot komwa lembech, anan weeriitap chii, kot kowal kabwaatutikyik. Tos kagomwa, ak ma yaei? Anan kagomwa, ama yaei kosulda?

LUKA 21:33

Siirtoi kipsengwet ak ng'wony: ago ma koi siirto ng'aleekyuk.

HEBRANIK 9:27

Ak ko uu ye ki king'at agobo piik kobek konyil agenge, ak ye ibata niito koek kirwooget;

1 SAMUEL 3:19

Ki eet Samuel ak ki mi Kamuktaindet ne Toroor kobooto ineendet, ak ki ma komi kiy eng' ng'aleek che kiga komwa Samuel ne ma isulda.