JOSHUA 10:20 - BUKUIT NE TILIIL Sireet ne Dutero Kanon

²⁰ Kingo kagobar Joshua ak piigap Israel icheek kogees eng' pareet ne oo miising' kot koek tutigin che ki ng'et ak koba nganasook che ng'ootaatiin.

Bukuit Ne Tilil

²⁰ Kingo kagobar Joshua ak piigap Israel icheek kogees eng' pareet ne oo miising' kot koek tutigin che ki ng'et ak koba nganasook che ng'ootaatiin.

BUKUIT NE TILIL

²⁰ Ak kingo kagobar Josua ak lagokab Israel ichek koges eng’ baret ne o mising’, kot kogesgei, ak koba che king’et nganasok che ng’ototin,

JOSHUA 10:20 Referencias Cruzadas

2 SAMUEL 20:6

Koleenji `Daudi Abisai, “Yaiywech yaityet Sheba weeriitap Bikri nguno kosiir ne ki yai Absalom. Imut anyun otwogigap kiptaiyandeng'ung' ak isup ineendet, si ma namjigei nganasook che ng'ootaatiin ak kochilil si mata kegeer.”

1 LAITORINIK 20:21

Ki manda laitoryatap Israel, ak kobar paraisisyek ak kariisyek, ak kobar piigap Syria eng' pareet ne oo.

2 ATEPTAP PEETUUSYEK 13:17

Ki par `Abijah ak piikyik icheek eng' pareet ne oo; kobek anyun piik che ki kilewen eliphuusyek pogol muut.

JEREMIA 4:5

Omwaite eng' Judah, ak obaraste eng' Jerusalem: oguut iryageet eng' emet! Owaach miising' ak omwa ole: Oyumgei, ak ongebe agoi nganasook che ng'ootaatiin!”

JEREMIA 8:14

Amu nee si ketebi ak kesistosi? Oyumgei ak ongebe nganasook che riibootin, ak kesisye eng' olooto. Amu kagoonech Kamuktaindet ne Toroor, Kamuktaindennyo kesisye, ak kogoonech peegap kipsegetetyet kee, amu kigeyachi Kamuktaindet ne Toroor tengekto.

NG'ATUTIK 20:16

Ago eng' nganasook che po pororyosyechu che koonin Kamuktaindet ne Toroor Kamuktaindeng'ung' koek poroteet, ko memete kiy age tugul ne mi yooto kosap,

JOSHUA 10:10

Ki iyeesta `Kamuktaindet ne Toroor icheek eng' taitap Israel ak kobar icheek eng' pareet ne oo eng' Gibeon. Ak koon icheek kobun ooreet ne togostoi Beth-horon ak kobarat kot koit Aseka ak Makeda.

JOSHUA 10:19

Amat otebi okweeget, oon puunikwok ak obar che mi let, amat ochamji koba nganasookwak oriit. Amu kagonde Kamuktaindet ne Toroor Kamuktaindeng'wong' icheek eunekwok.”

JOSHUA 10:21

Ki week anyun piik tugul eng' kaalyeet koba nganaseet ole mi Joshua eng' Makeda. Ma piit chii ne kitwek komwa ng'olyoo ne ya agobo piigap Israel.

JOSHUA 11:12

Ki nam Joshua nganasook tugul che po laitorinichooto ak laitorinikwak tugul; ak kobar kooges icheek eng' rotwetap chok ko uu ye ki kang'at `Musa otwogindetap Kamuktaindet ne Toroor.

JOSHUA 11:8

Ak ki inde `Kamuktaindet ne Toroor icheek eunegap Israel, si kobar ak koon kot koit Sidon ne oo ak Misrepot-maim agoi atebweetap Mispe ole tokyingei kong'asiis. Ki par icheek kowong' kot koma ng'et agot agenge.

JOSHUA 8:24

Kingo kagogees Israel pareetap piik tugul che ki menyei Ai eng' warenget eng' surkwen ole ki oonee icheek, ak kingo kagobutyo tugul eng' rotwetap chok kot kogeskei, koweektagei anyun Israel tugul koba Ai, ak koba kobare Ai rotwetap chok.