JOSHUA 1:7 - BUKUIT NE TILIIL Sireet ne Dutero Kanon

⁷ Kimitu ak inyiganitu miising', keer iman ile keyai ko uu ng'atuutik tugul che king'atin otwogindennyu Musa. Amemaste iwe eutap tai anan ko murot kaataam si kobiit kiberuurin miising' eng' oldo age tugul ole iwendi.

Bukuit Ne Tilil

⁷ Kimitu ak inyiganitu miising', keer iman ile keyai ko uu ng'atuutik tugul che king'atin otwogindennyu Musa. Amemaste iwe eutap tai anan ko murot kaataam si kobiit kiberuurin miising' eng' oldo age tugul ole iwendi.

BUKUIT NE TILIL

⁷ Ago kimitu ak inyiganitu mising’, si irib iyai ko u ng’atutik tugul, che king’atin otwogindennyu Musa: amemaste iwe eutab tai anan ko katam, si kobiit kiberurin mising’ eng’ oldo tugul ole iwendi.

JOSHUA 1:7 Referencias Cruzadas

1 LAITORINIK 2:2

“Neegit awo ole pendi piik tugul che po ng'wony. Kimitu anyun ak iegu muren.

1 LAITORINIK 2:3

Riip kayomisetap Kamuktaindet ne Toroor Kamuktaindeng'ung', iwendote ortinwekyik, iriip kaneetisyosyekyik, ng'atuutikyik, kirwoogutikyik ak paornatosyekyik, ko uu chooto ki kisir eng' Ng'atuutyetap Musa, si kiberuurin eng' tugul che iyae, eng' oldo tugul ole iwendi,

2 LAITORINIK 22:2

Ki yai ne myee eng' taitap Kamuktaindet ne Toroor ak kowendote ortinwek tugul che po Daudi kwandanyi, ama masta kwo tai anan ko kaataam.

1 ATEPTAP PEETUUSYEK 22:13

Ibore anyun, ngot iriip ak iyai kosupkei ak ng'atuutik ak kirwoogutik che ki iyomis `Kamuktaindet ne Toroor Musa agobo Israel. Kimitu ak nyiganitu. Meiywei anan itoptoben.

2 ATEPTAP PEETUUSYEK 15:7

Ago ogimegitu, among' kochorirenso eunekwok, amu onyooru melekto eng' poisyonikwok.”

2 ATEPTAP PEETUUSYEK 26:5

Ki igiil muguleldanyi kocheeng' Kamuktaindet eng' peetuusyegap Zekariah, ne ki tinyei kaguiyet agobo ng'ang'utyetap Kamuktaindet; ak eng' peetuusyek tugul che ki cheeng' Kamuktaindet ne Toroor, ko ki iberuur `Kamuktaindet ineendet.

Kitabuutap JOB 1:8

Koleenji `Kamuktaindet ne Toroor Setani, “Tos ko igeer otwogindennyu Job, amu ma mi ne kergei ak ineendet eng' ng'wony? Ititaat ak ko po iman inee, iywei Kamuktaindet ak koistoegei yaityo.”

TIENWOGIKAL 80:19

Ee Kamuktaindet ne po Toroornatet ne po lugoosyek, weektech kogeny; Ingokweng'is togeng'ung', si kesarwech.

KALEWANAIK 4:27

Amemaste iwe eutap tai anan ne po kaataam; istoe keeldong'ung' yaityet.

KALEWANAIK 8:20

Awendotee ooreetap imanda, asubi ortinwegap imanda.

KAITOSYEK 27:23

Yeityo kogonoor Musa eunekyik ineendet ak kong'at ineendet, ko uu ye ki kamwa Kamuktaindet ne Toroor eng' Musa.

NG'ATUTIK 11:8

Oriip anyun ng'atuutyet komugul ne kaang'atak rani si ogimegitu ak oit emet ne obendi oname kobunjook.

NG'ATUTIK 12:32

“Oriip kiy age tugul ne ang'atook oyai. Amat otes anan ichuchuch.

NG'ATUTIK 28:14

ne meistoegei ng'olyoo age tugul ne ang'atiin rani, iwe tai anan kaataam isup kanamonik ioot.

NG'ATUTIK 29:8

ak ki kinam emennywa ak ki kigoochi piigap Reuben, che po Gad ak kebebertap ooreetap Manasseh koek poroteet.

NG'ATUTIK 29:9

Oriip anyun ng'aleegap kayomisoni ak oyai, si kiberuurok eng' tugul che oyae.

NG'ATUTIK 31:7

Yeityo koguur `Musa Joshua, ak koleenji eng' taitap Yahudik tugul, “Kimitu, nyiganitu. Amu obendi kobooto pichu oite emet ne ki iyasyechi `Kamuktaindet ne Toroor kwanisyekwok kole igoochin ak igoochini icheek konyaban.

NG'ATUTIK 4:2

Amotesyi kiy ng'olyoot ne ang'atook anan ochuchuch alak, si kobiit oriip ng'atuutigap Kamuktaindet ne Toroor Kamuktaindeng'wong' che ang'atook.

NG'ATUTIK 5:32

“Oriip anyun si oyai ko uu ye king'ataak Kamuktaindet ne Toroor Kamuktaindeng'wong'; amomaste obe tai anan kaataam.

JOSHUA 1:1

Kingo kagome `Musa otwogindetap Kamuktaindet ne Toroor, kong'alaalji `Kamuktaindet ne Toroor Joshua weeriitap Nun kiboityotap Musa koleenji,

JOSHUA 1:8

Amat komanda bukuini po ng'atuutik eng' kuting'ung', ago ibwaat peet ak kemoi si iriip ak iyai ko uu tugul che ki kisirchi bukuiniito. Ngiriip, iyaei anyun oreng'ung' kotunen ak kiberuurin miising'.

JOSHUA 1:9

Tos ma anee ne ki ang'atiin? Kimitu ak inyiganitu. Meiywei anan itoptoben amu mi Kamuktaindet ne Toroor Kamuktaindeng'ung' kobooten eng' ui tugul ole iwendi.”

JOSHUA 11:15

Ko uu ye ki kang'at `Kamuktaindet ne Toroor Musa otwogindennyi, koging'at `Musa Joshua ko uu nooto, ak ki yai `Joshua ko uu nooto. Ma pagaakta kiy age tugul ne ma yai eng' tuguuk tugul che ki ng'at `Kamuktaindet ne Toroor Musa.

JOSHUA 23:6

Onyiganitu anyun miising' si oriip ak oyai tuguuk tugul che ki kisir eng' bukuitap Ng'atuutik ne po Musa, si momaste oistoegei tuguuchooto obe eutap tai anan ko ne po kaataam,