JOEL 3:3 - BUKUIT NE TILIIL Sireet ne Dutero Kanon

³ Ak kigoseer parbareek agobo piikyuk: ak ki kogoito ng'etet agobo chepkugoniot, ak ki alda chepto agobo divaik, si kobiit koe.

Bukuit Ne Tilil

³ Ak kigoseer parbareek agobo piikyuk: ak ki kogoito ng'etet agobo chepkugoniot, ak ki alda chepto agobo divaik, si kobiit koe.

BUKUIT NE TILIL

³ Ak kigoser barbarek agobo bikyuk: ak kigogoito ng’etet agobo chepkugoniot, ak kialda chepto agobo divaik, si kobiit koee.

JOEL 3:3 Referencias Cruzadas

Kitabuutap JOB 6:27

Omache oseer parbareek agobo ne ma tinyei sigiik, anan oyae mung'aaret chorweng'wong'.

EZEKIEL 27:13

Ki chemung'arainiguk Javan, Tubal, ak Meshek: kiyae mung'aaret piik ak tuguugap sugunonik koale tuguuguk.

JOEL 1:5

Kimaini chu! Ong'eetyee ak oriirye; owaakye, okweek tugul kimain, amu kumik che anyiny che ki istoi eng' kutusweekwok.

AMOS 2:6

Mwaei Kamuktaindet ne Toroor ko uu ni: Amu pistaosyekyik somok, ee agot ang'wan, ko ma aweechi pireet ne abire Israel amu kigoaldae che po iman fedha, ak koaldae che ma tinyei kiy kweonik.

OBADIA 1:11

Eng' peetuut ne ki itononi eng' pitoniin, eng' peetuut ne ki ibe toek tuguukyik, ak kochut kipsagarek ormariichokyik, ak koseer parbareek agobo Jerusalem, ko ki iige inyee age eng' icheek.

NAHUM 3:10

Ago ki kimut, ki kiluul, ki kitonaton kogeny lagokyik eng' tabanwegap ortinwek tugul; ak kiseer parbareek agobo piikyik che konyitotiin, ak kerate nyororosyek piikyik tugul che eecheen.

NG'ANG'UTYET 18:13

ak kinamon, ak nyamdutik, ak nyamdutik che kibeelei, ak mwanik che ki ilegei, ak tuguuk che nyamdut, ak divaik, ak mwanik, ak peek che ng'ootiin che tambulul, ak nganuuk, ak tuuga, ak keechiirek; ak paraisisyek ak chepkichutisyek ak mutwoorik; ak saboonwegap piik.