JOEL 2:28 - BUKUIT NE TILIIL Sireet ne Dutero Kanon

²⁸ Ak ye ibata chooto, ko tuun aroong'jini Kabuusennyu piik tugul; ak komaoten weeriikwok ak tiibiikwok, irwotyin poisyekwok karwotitaosyek, keerei murenikwok ng'ang'utik:

Bukuit Ne Tilil

²⁸ Ak ye ibata chooto, ko tuun aroong'jini Kabuusennyu piik tugul; ak komaoten weeriikwok ak tiibiikwok, irwotyin poisyekwok karwotitaosyek, keerei murenikwok ng'ang'utik:

BUKUIT NE TILIL

²⁸ Ak ye ibata choto, ko tun arong’jini Tamirmiriennyu bik tugul; ak komaoten werikwok ak tibikwok, iruotyin boisiekwok karuotitaosiek, keerei murenikwok ng’ang’utik:

JOEL 2:28 Referencias Cruzadas

KALEWANAIK 1:23

Ogas oriip kateunennyu, ogeero, aroong'wok kabwaatutikyuk, ak ang'ang'wok ng'aleekyuk.

ISAIAH 32:15

agoi keroong'wech Kabuuset ne Tiliil eng' parak, ak koek surkwen mbareet ne rurei, ak kiroge mbareet ne rurei, timiin.

ISAIAH 40:5

Ak tuun king'aanyei toroornatetap Kamuktaindet ne Toroor, ak keerei piik tugul niito; mwaei Kamuktaindet ne Toroor niito.”

ISAIAH 44:3

Amu aroong'jini peek ne amei melel, aroong'jini ainoosyek emet ne yaamaat: aroong'jini Kabuusennyu iyoteng'ung', ak aroong'jini perurtanyu lagoguk:

ISAIAH 49:26

Ak abae icheek che usin poorwekwak; ak kobogityo eng' korotiikwak, ko uu ye pogiti chii eng' divaik che leelachen: si konai piik tugul kole, aa Kamuktaindet ne Toroor yetindeng'ung', ak ko katyagindeng'ung', Ineendet Ne po Kamuktaet ne po Jakobo.

ISAIAH 49:6

ee, mwaei kole, kiy ne ming'in iegu otwogindennyu, si kobiit ing'eet pororyosyek che po Jakobo, ak iweech che ki kiriip che po Israel: agoonin kogeny iegu lapkeiyetap Pororyosyek, si kobiit iegu yetunennyu agoi ole poochin ng'wony.

ISAIAH 54:13

Ak ineeti Kamuktaindet ne Toroor lagoguk tugul; ak koeet kaalyeetap lagoguk.

JEREMIA 23:25

Ki agas kiit ne ki mwa maotik, che maoteni lembechek eng' kainennyu kole, koarwotyi, koarwotyi.

JEREMIA 23:28

Ingomwa maotyot karwotitoet ne koirwotyi; ak ineendet ne tinyei ng'olyoondennyu komwa eng' imanda. Ting'egei nee meteteek ak nganuuk? Mwaei Kamuktaindet ne Toroor.

EZEKIEL 36:27

Ak andeok Kabuusennyu, ak agoonok obendate ng'atuutikyuk, ak oriip kirwoogutikyuk ak oyai.

EZEKIEL 37:14

Ak andeok Kabuusennyu, si osapche, ak andeok emeng'wong' si kobiit onai ole anee Kamuktaindet ne Toroor ne kamwae ng'olyoondoniito, ak ayai, mwaei Kamuktaindet ne Toroor.

EZEKIEL 39:29

ama aung'e icheek togeennyu kogeny; amu kaaroong'ji Kabuusennyu kootap Israel, mwaei Kiptaiyat Kamuktaindet ne Toroor.

SEKARIA 12:10

Ak ande muguleldap myeeindo ak ne po saaet kootap Daudi, ak piik che menyei Jerusalem, ak konyala icheek che kitoora: ak kootee agobo ineendet ko uu ye iteei chii agobo weeriinnyi ne ki kiii inegeik ak konyo ng'wanindo agobo ineendet, ko uu ineendet ne mi eng' ng'wanindo agobo taaitanyi.

KAITOSYEK 11:17

Achoorugei anyoone keng'alaal ak inyee eng' olooto, ak anemunenen kebebertap kabuuset ne miten inyee ak ande pichooto. Yeityo kogesen icheek mileetap piik kobooten si ma igeseni inyegei.”

KAITOSYEK 12:6

Ki leenji anyun Kamuktaindet ne Toroor, “Ogas anyun ng'aleekyuk: Ngo mi maotyot kwenung'wong', aboorchinigei anee Kamuktaindet ne Toroor eng' ng'ang'utyet, ang'alaaljini eng' karwotitoet.

LUKA 1:67

Ki nyi anyun Kabuuset ne Tiliil kwandanyi Zekariah, ak ki maoten, kole:

LUKA 3:6

ak tuun keerei piik tugul yetunetap Kamuktaindet.’ ”

JOHANA 7:39

Ago ki mwaei niito agobo Kabuuset ne Tiliil, ne tuun taachei icheek che iyani ineendet: amu ki tom kegon Kabuuset ne Tiliil; amu kitom kitoroor Jeso.”

POISYONIGAP CHE KIYOKTOI 2:33

Amu itoroorot ineendet eng' eutap tai ne po Kamuktaindet, ak ko kagetaach eng' Kwanda kayomiset ne po Kabuuset ne Tiliil, ko kagoroong' anyun niito ogeere ak ogase.

POISYONIGAP CHE KIYOKTOI 2:39

Amu neng'wong' kayomisoni, ak lagokwok, ak tugul che mi ole loo, ak tugul che ta koguurei Kiptaiyat Kamuktaindet nenyo kobwonji ineendet.”

POISYONIGAP CHE KIYOKTOI 21:9

Ki tinyei chiichito tiibiik ang'wan, pergeinik, che ki maoteni.

GALATYEK 3:28

Ma imugaksei keele mi Yahudyot anan Yunanindet, ama mi otwogindet anan ne ityagat, ama mi ne muren anan ne tye: amu okweek tugul ko oo agenge eng' Kristo Jeso.

HEBRANIK 1:1

Kamuktaindet, ne ki ng'alaalji kwanisyekyok keny eng' maotik, eng' kebeberwek che chaang' ak eng' ortinwek che chaang',

1 SAMUEL 19:20

Ara anyun ki iyookto `Saulo piik koba konam Daudi, ak kingo keer tuiyetap maotik komaotendos ng'aleek, kotononi Samuel kondochin icheek, konyonji `Kabuusetap Kamuktaindet piigap Saulo ak komaotenso ak icheek.

1 SAMUEL 19:21

ki ngemwachi Saulo ng'aleechooto, koyookto piik alak ago ki maotenso ak icheek. Ki iyookto `Saulo piik ne po somok ak ki maotenso ak icheek.

1 SAMUEL 28:6

Ye kingo leen koteebe `Saulo Kamuktaindet ne Toroor, koma kowolji `Kamuktaindet ne Toroor eng' karwotitaosyek anan eng' Urim, anan eng' maotik.