JOEL 2:17 - BUKUIT NE TILIIL Sireet ne Dutero Kanon

¹⁷ Ingoriiryo tisiik, kiboitinigap Kamuktaindet ne Toroor, eng' kwenutap keterut ak kaptisisyet, ak ingomwa kole, ee Kamuktaindet ne Toroor, riiree piiguk, amegoochi poroteng'ung' kechot, kot koboi pororyosyek icheek: amu nee anyun si komwa pororyosyek kole, mi ano Kamuktaindennywa?

Bukuit Ne Tilil

¹⁷ Ingoriiryo tisiik, kiboitinigap Kamuktaindet ne Toroor, eng' kwenutap keterut ak kaptisisyet, ak ingomwa kole, ee Kamuktaindet ne Toroor, riiree piiguk, amegoochi poroteng'ung' kechot, kot koboi pororyosyek icheek: amu nee anyun si komwa pororyosyek kole, mi ano Kamuktaindennywa?

BUKUIT NE TILIL

¹⁷ Ingoririo tisiik, kiboitinikab Jehovah, eng’ kwenutab keterut ak kaptisisiet, ak ingomwa kole, Ee Jehovah, rire biguk, amegochi boroteng’ung’ kechot, kot koboi bororiosiek ichek: amu nee anyun si komwa bororiosiek kole, Mi ano Kamuktaindenywa?

JOEL 2:17 Referencias Cruzadas

1 LAITORINIK 6:3

Ki ek kooindap keterut ole kimandoe kebendi ko eng' taitap Hekaluut mitainik ang'wan ak kebeberyat, ko uu tebeesindap koot; ki ek mitainik sogool tebeesindanyi eng' taitap koot.

1 LAITORINIK 9:7

ang'etoi Israel anyun eng' emet ne ki agoochi, ak kooi ki atiliil agobo kainennyu, aistoi eng' tainnyu; si koek Israel kalewenet ak atindyot eng' piik tugul.

2 ATEPTAP PEETUUSYEK 7:20

atutu anyun icheek eng' emennyu ne ki agoochi; ak awirte kooi eng' tainnyu ne ki atabaanji kainennyu, ak ayai koek kalewenet ak atindyot eng' pororyosyek tugul.

2 ATEPTAP PEETUUSYEK 8:12

Ki igoochi anyun `Solomon Kamuktaindet ne Toroor kagoochinoik che kibeelei eng' kaptisisyetap Kamuktaindet ne Toroor, ne kiga koteech eng' taitap keterut,

NEEMIA 9:36

Keero, ki otwogik rani ak eng' emet ne ki igoochi kwanisyekyok koam logoekyik ak myeeindonyi. Keero, ki otwogik eng' emoniito.

TIENWOGIKAL 115:2

Amu nee si komwa pororyosyek kole, “Mi ano Kamuktaindennywa nguno?”

TIENWOGIKAL 42:10

Ko uu ye toorei rotweet kawekyuk; ko sasa puunikyuk, ak koteebena kotugul kole, “Mi ano Kamuktaindeng'ung'?”

TIENWOGIKAL 42:11

Amu nee si ing'uruuge, ee saboondanyu? Amu nee si iimige eng' anee? Imang'u Kamuktaindet; amu ta alasu ineendet, ineendet toretindennyu ak Kamuktaindennyu.

TIENWOGIKAL 42:3

Kaek peekyuk po kong' amitwogikyuk che po peet ak kemoi, ye teebena icheek peetuut komugul koleen, “Mi ano Kamuktaindeng'ung'?”

TIENWOGIKAL 42:4

Abwaati tuguuchu, ak ang'aanye saboondanyu eng' oriitinnyu, ko uu ye ki kibe ak tuiyet, ak andochi koba kootap Kamuktaindet, eng' kutit ne po poiboiyet ak kalasunet, kobooto tuiyet ne kiriibei peetuutap igoorto.

TIENWOGIKAL 74:10

Ee Kamuktaindet, rosu puunyoot kot kotyanit? Tos chubei puunyoot kaineng'ung' agoi koigeny?

TIENWOGIKAL 79:10

Amu nee si koleen pororyosyek, Mi ano Kamuktaindennywa? Ingonaak eng' pororyosyek eng' tainnyo Yaaktaetap korotiik che po kiboitiniguk che ki kitumda.

TIENWOGIKAL 79:4

Kigeegu che iteweerotin eng' piik che neegiteenech, Saseech ak kororechinech anyun, che mi komoswekyok tugul.

TIENWOGIKAL 89:41

Rebe ineendet tuguukyik piik che siirtoi: Ki koek ne iteweerat eng' piigap kokwennyi.

TIENWOGIKAL 89:51

Nooto ne ki kogerisye kong' puuniguk, ee Kamuktaindet ne Toroor, Che ki kogerate kong' kakwautigap neng'ung' ne iilaat.

KOMONG'U 34:9

Yeityo komwa kole, “Ngo kaanyooru nguno chameet eng' taing'ung', Ee Kiptaiyat, asaain ale ingocham Kiptaiyat keebe tugul amu uueen kaat pichu. Nyoiywech kaat tengekwogikyok ak chalwogikyok ak inamech keegu poroteng'ung'.”

ISAIAH 22:12

Eng' peetuunooto ko ki kuurso Kiptaiyat Kamuktaindet ne Toroor ne po lugoosyek, si kobiit oriirye ak oteiye, si ocheru metowek ak olaach kuniok.

ISAIAH 37:20

Ara anyun, ee Kamuktaindet ne Toroor, Kamuktaindennyo, sarwech eng' eunnyi, si konai laitornatosyek tugul che po ng'wony kole ii Kamuktaindet ne Toroor, inyee inyegei.

EZEKIEL 20:9

Ago ki aboisye amu kainennyu, si ma kimurwon kogeerei pororyosyek, che ki mi icheek kwenunnywa, pororyosyek che kigeerei aboorchinigei icheek, amutu komong' eng' emetap Misiri.

EZEKIEL 8:16

Ak ki imutwaa seremut ne po oriit ne po kootap Kamuktaindet ne Toroor, ak ogeero, kimi piik che neegit tiptem ak muut eng' kurgeetap Hekaluutap Kamuktaindet ne Toroor, eng' kwenutap keterut ak kaptisisyet, che kaituktoochi patai Hekaluutap Kamuktaindet ne Toroor, ak kotokyigei kong'asiis; ak ki sa asiista kotokyingei kong'asiis.

HOSEA 14:2

Ip ng'aleek, ak iweekyigei Kamuktaindet ne Toroor: ileenji ineendet: Iste tengekwogik tugul, ak itaach che myach: kigoitoi anyun kagoochinetap kutusweekyok ne kata kigoitoi kiruugik.

JOEL 1:13

Ogermenegei kuniok ak oteeiye, okweek tisiik; owaach, okweek kiboitinigap kaptisisyet; obwa, osyep kuniok kemout komugul, okweek kiboitinigap Kamuktaindennyu! Ka kiet kagoochinetap peek che ng'ootiin ak kagoochinet ne kieei eng' kootap Kamuktaindeng'wong'.

JOEL 1:9

Kageisto kagoochinetap peek che ng'ootiin ak kagoochinet ne kieei eng' kootap Kamuktaindet ne Toroor. Riirtos tisiik, kiboitinigap Kamuktaindet ne Toroor.

AMOS 7:2

Ak ye kingo kagoam susweek kogees eng' emet, ale anyun, “Ee Kiptaiyat Kamuktaindet ne Toroor, asaain ale, nyochi kaat. Tonondoi ano Jakobo? Ming'in inee miising'!”

AMOS 7:5

Yeityo amwa ale, “Ee Kiptaiyat Kamuktaindet ne Toroor, asaain ale isiis! Tonondoi ano Jakobo? Ming'in inee miising'!”

MIKAH 7:10

Yeityo kogeer anyun punyondennyu, ak kotuch `teweernateet ineendet ne ki leenjo, “Mi ano Kamuktaindet ne Toroor Kamuktaindeng'ung'?” Abaoryani eng' konyekyuk agobo kabutennyi; ak ketyekyin ng'wony ko uu ng'atateek che mi ortinwek.

MALAKI 1:9

Asoomok anyun ale, osoom chametap Kamuktaindet si kobiit korirenech. Ye ogoonu chooto kobun eunekwok, ko tos taach age eng' okweek ye keer? Mwaei Kamuktaindet ne Toroor ne po lugoosyek.

KAITOSYEK 25:6

Eng' yooto, ko ki nyo age eng' Yahudik komutu kwony ne po Midianik konyo koonnyi eng' taitap Musa ak eng' taitap tuiyet komugul ne po piigap Israel, ye kita koriirtos eng' kurgeetap emait ne kituiyechin.

MATAYO 23:35

Ak tebee paragung'wong' korotiigap che po imanda tugul che kigetumda eng' ng'wony, kobooch korotiigap Abel ne ki po iman agoi korotiigap Zekariah weeriitap Barachiah, ne ki obar eng' kwenutap Hekaluut ak kaptisisyet.

MATAYO 27:43

Imang'u Kamuktaindet; ingosar ineendet nguno ngot komachei amu ki le, ‘Aa Weeriitap Kamuktaindet.’ ”

NG'ATUTIK 28:37

Ak iegu kwang'utyet, kalewenet ak atindyot, eng' kwenutap piik tugul ole imutyinin Kamuktaindet ne Toroor.

NG'ATUTIK 32:27

Nda ki ma aiywei tagisyetap puunyoot, Si ma ibwaat puunikwak perberyo, ak komwa kole, ‘Kagotororit eunnyo, ak ma yai Kamuktaindet ne Toroor chooto tugul.’ ”

JOSHUA 7:9

Tuun kasei Kanaanik ak tugul che menyei emet agobo kiito, koyiemech ak kotil kainennyo kobet eng' ng'wony. Tos iite nee kaineng'ung' ne oo?”