JOEL 2:10 - BUKUIT NE TILIIL Sireet ne Dutero Kanon

¹⁰ Potani emet eng' tainnywa; potandos kipsengwet: imenitu asiista ak arawet, ama kooluu kecheik.

Bukuit Ne Tilil

¹⁰ Potani emet eng' tainnywa; potandos kipsengwet: imenitu asiista ak arawet, ama kooluu kecheik.

BUKUIT NE TILIL

¹⁰ Botani emet eng’ tainywa; botandos kipsengwetisiek: imenitu asista ak arawet, ama koluu kecheik.

JOEL 2:10 Referencias Cruzadas

TIENWOGIKAL 114:7

Potan, inyee ng'wony eng' taitap Kiptaiyat, eng' taitap Kamuktaindetap Jakobo,

TIENWOGIKAL 18:7

Ki kirgiren ng'wony anyun ak kobotan, kitwagei lumeiywegap tuloonook, ak kotumdumgei, amu kinereech.

ISAIAH 13:10

Amu kecheigap kipsengwet ak kecheikyik che iyumigei koma kogoonu lapkeiyennywa; imenitu asiista komachei kochor, ak ma kooluu arawet agine.

ISAIAH 34:4

Ak kochoot lugeet tugul ne po kipsengwet, ak kemaman kipsengwet ko uu kartasit. Ak kowandagei lugeennywa tugul, ko uu sogoot ne ibuti eng' keetitap sabibuk, ak ko uu sogoot ne ibuti eng' mogoywet.

ISAIAH 5:30

Ak komororchi icheek eng' peetuunooto ko uu mororetap nyanjet. Ak ngo keer chii emet, ogeero, mi mesundeito ak pichiindo, ak koimenit lapkeiyet eng' polikyik.

JEREMIA 4:23

Ki ageer ng'wony, ak ki ma komi kiy ak ki ma kotinyei itoon; ki ageer kipsengwet ak ki ma kotinyei lapkeiyet.

JOEL 2:2

peetuutap mesundeito ak tuindo, peetuutap poolik ak mesundeito ne nyigiis. Ko uu ye machei koorir emet eng' tuloonook; kabwa lugeet ne oo ak ko kiim, ne ki tomo kobiitu ne uu nooto, ama kobiitu ne uu icheek kogeny, eng' kenyiisyegap ibinwek che chaang'.

JOEL 2:31

Ak koimenit asiista, ak koigei korotiik arawet, kotom koit peetuut ne oo ne imuisei ne po Kamuktaindet ne Toroor.

JOEL 3:4

Ee Tyro, ak Sidon, ak komoswek tugul che po Philistia, otile nee eng' anee? Tos ogeerwo kiy ne po kageeret? Ak ngot ogeerwo, aweekwok kioto konyo meting'wong' eng' yooto, eng' chokyinet.

AMOS 5:8

Ineendet ne yaei Koremerik ak Kapsomoguk, ak kowalei mesundeito ne nyigiis koek karonet, ak koyaei peetuut koek kemoi; ineendet ne kuurei peegap nyanjet, ak koroong'ji ng'wony; Kamuktaindet ne Toroor kainennyi;

NAHUM 1:5

Potandos tuloonook eng' tainnyi, ak kochootyo tuloonook che mengeechen; potani ng'wony eng' tainnyi, ee ng'wony ak tugul che menyei olooto.

MATAYO 24:29

“Ne ma tyanit ko kagogeskei nyalilda ne po peetuusyechooto, koimenit asiista, ama kooluu arawet, ak rorogu kecheik eng' kipsengwet, ak kitumdum kimnatosyek che po kipsengwet.

MATAYO 27:51

Ogeero, ki kereer angeet ne ki kioiye Hekaluut koek aeng' kobooch parak agoi ng'wony, ak kobetogis rwandosyek.

POISYONIGAP CHE KIYOKTOI 2:20

Kiwolei asiista koek mesundeito, ak kewal arawet koek korotiik, kotom koit peetuutap Kiptaiyat, peetuut ne oo ak ko ne tagunoot.

NG'ANG'UTYET 20:11

Ki ageer ng'echereet ne oo ak ko leel ne po laitornatet, ak ineendet ne kitebee, ne kimwee togeennyi ng'wony ak kipsengwet; ama ki sikyi ole tebee.

NG'ANG'UTYET 6:12

Ak ki ageer ye kingo yaat ng'ookset ne po lo, ak ki piit potanet ne oo ne po ng'wony; ak ki tuit asiista ko uu kuniet ne ki kiyae koroorik, ak ki igei arawet komugul korotiik;

NG'ANG'UTYET 8:12

Ki kuut malaikaiyatap ang'wan, ak ki kikwer kebeberta agenge eng' somok ne po asiista, ak kebeberta agenge eng' somok ne po arawet, ak kebeberta agenge eng' somok ne po kecheik, si koimenit kebeberta agenge eng' somok ne po tuguuchooto. Ak kebeberta agenge eng' somok ne po peetuut koma iluu, ak koigei nooto agine kemout.

NG'ANG'UTYET 9:2

Kingo yaat keriingonooto; kotogosta iyeto komang'une yooto, ne uu iyeto ne po maat ne oo miising'. Ak ki imenit asiista ak soet amu iyetap keriingonooto.