JEREMIA 8:14 - BUKUIT NE TILIIL Sireet ne Dutero Kanon

¹⁴ Amu nee si ketebi ak kesistosi? Oyumgei ak ongebe nganasook che riibootin, ak kesisye eng' olooto. Amu kagoonech Kamuktaindet ne Toroor, Kamuktaindennyo kesisye, ak kogoonech peegap kipsegetetyet kee, amu kigeyachi Kamuktaindet ne Toroor tengekto.

Bukuit Ne Tilil

¹⁴ Amu nee si ketebi ak kesistosi? Oyumgei ak ongebe nganasook che riibootin, ak kesisye eng' olooto. Amu kagoonech Kamuktaindet ne Toroor, Kamuktaindennyo kesisye, ak kogoonech peegap kipsegetetyet kee, amu kigeyachi Kamuktaindet ne Toroor tengekto.

BUKUIT NE TILIL

¹⁴ Amu nee si ketebi ak kesistosi? Oyumge, ak ongebe nganasok che ribotin, ak kesisye eng’ oloto: amu kagonech Jehovah Kamuktaindennyo kesisye, ak kogonech beekab kipsegetetiet kee, amu kigeyachi Jehovah tengekto.

JEREMIA 8:14 Referencias Cruzadas

2 SAMUEL 20:6

Koleenji `Daudi Abisai, “Yaiywech yaityet Sheba weeriitap Bikri nguno kosiir ne ki yai Absalom. Imut anyun otwogigap kiptaiyandeng'ung' ak isup ineendet, si ma namjigei nganasook che ng'ootaatiin ak kochilil si mata kegeer.”

TIENWOGIKAL 39:2

Kinamak kutinnyu ak ki asiis, ki asiisigei ak ma walak kiy; ak kitesak aragenennyu,

TIENWOGIKAL 69:21

Ki koono tuguuk che ng'woneen koek amitwogik; Ak ye ki ama melel konaga siki aee.

ISAIAH 47:5

Tebi eng' siisek, ak iwe mesundeito, ee cheptap Kaldeik: amu ma keguurenen kogeny Chebyosetap laitornatosyek.

JEREMIA 14:20

Ee Kamuktaindet ne Toroor, king'aanye tengektonyo, ak yaityetap kwanisyekyok, amu kigeyaun tengekto.

JEREMIA 14:7

Nga paoryanjinech tengekwogikyok, iboisye ee Kamuktaindet ne Toroor, amu kaineng'ung'. Amu chaang' kachuchugosyekyok pogei, ak kigeyaun acheek tengek.

JEREMIA 23:15

Mwaei anyun Kamuktaindet ne Toroor ne po lugoosyek agobo maotik kole: Ogeero, abae icheek ng'wonet, ak agoochi peek koe: amu ki koyom emet tugul murwoonindap maotigap Jerusalem.

JEREMIA 3:25

Ongeruiye eng' kalilanennyo ak ingotuchech teweernatennyo. Amu kigeyachi tengekto Kamuktaindet ne Toroor Kamuktaindennyo, acheek ak kwanisyekyok kobooch ming'inatennyo agoi peetuuni; ak ma ki kas iit kutitap Kamuktaindet ne Toroor Kamuktaindennyo.

JEREMIA 35:11

Ago ye ki nyo Nebukadresar laitoryatap Babilon emoni, ko ki kile, Obwa keebe Jerusalem amu kiyweei lugeetap Kaldeik ak lugeetap piigap Syria; kemeny anyun Jerusalem.

JEREMIA 9:14

Ago kibendatee uuindap mugulelwekwak ak koosup Baalik, che ki ineeti kwanisyekwak.

JEREMIA 9:15

Mwaei anyun Kamuktaindet ne Toroor ne po lugoosyek, Kamuktaindetap Israel, kole, “Abae pichuuto ng'wonet ak anage icheek peek che po kipsegetetyet koe.

RIREKAB JEREMIA 3:19

Kabwaatetap nyalildanyu ak ombenateet, ng'wonet ak kipsegetetyet.

ATEPTAP LAWIK 10:3

Ki leenji Musa anyun Aron, “Ni kiit ne ki mwa Kamuktaindet ne Toroor kole, ‘Eng' icheek che riikyino aegu ne tiliil, ak eng' taitap piik tugul anyooru toroornatet.’ ” Ak ki siis Aron.

AMOS 6:10

Ak ye sut chii `imamet, ne ineendet ne peelei muusto, si koip kawek komong' eng' ko, ak koleenji ineendet ne mi komoswek che po oriit che po koot, “Tos ta omi ak age?” Kowol anyun kole, “Achicha!” Kole anyun, “Siis! Amu ma ki chamwech kemwa kainetap Kamuktaindet ne Toroor.”

HABAKUK 2:20

Ago mi Kamuktaindet ne Toroor hekalunnyi ne tiliil; ingosiis ng'wony komugul eng' tainnyi.

SEKARIA 2:13

Osisye, okweek piik tugul eng' taitap Kamuktaindet ne Toroor; amu kagong'eet eng' meng'ootennyi ne tiliil.

MATAYO 27:34

kogoochi ineendet siki koe che ki kiburukto tuguuk che ng'woneen, ak ye kingo chamcham, koeesyo koe.

NG'ATUTIK 29:18

Si ma piit chii eng' okweek mureno anan kwondo, anan kapchii, anan ooreet, ne mastoi muguleldanyi rani kobagaakta Kamuktaindet ne Toroor, Kamuktaindennyo kwo koot kanamonigap pororyosyechooto si ma piit eng' okweek tigityotap ng'wanindo ak ng'wonet.

NG'ATUTIK 32:32

Amu ketinnywa ne po sabibuk kobunu keetitap Sodom, ne punu mbareenigap Gomorah; murmuri piich sabibukwak, ak ko ng'woneen sabibukwak.