JEREMIA 8:13 - BUKUIT NE TILIIL Sireet ne Dutero Kanon

¹³ Ageesu icheek, mwaei Kamuktaindet ne Toroor. Ma ng'etu sabibuk eng' keetiik, ama ng'etu logoek eng' mogoonik ak koresyo sogeek, ak kobetyo eng' icheek tuguuk che kiga koochi.

Bukuit Ne Tilil

¹³ Ageesu icheek, mwaei Kamuktaindet ne Toroor. Ma ng'etu sabibuk eng' keetiik, ama ng'etu logoek eng' mogoonik ak koresyo sogeek, ak kobetyo eng' icheek tuguuk che kiga koochi.

BUKUIT NE TILIL

¹³ Agesu ichek, mwaei Jehovah: mang’etu sabibuk eng’ ketik, ama ng’etu logoek eng’ mogoonik ak koresyo sogek; ak kobetyo eng’ ichek tuguk che kigagochi.

JEREMIA 8:13 Referencias Cruzadas

ISAIAH 5:10

Amu yiei ekaisyek tamanu che po mbareetap sabibuk, debeinik aeng', ak kooi kesweegap kiloinik pogol agenge, kiloinik taman.”

JEREMIA 14:12

Agot ye irugutkei icheek, koma kase riirekwak, ak ye igoito kagoochinet ne kibeelei, kobooto kagoochinetap peek che ng'ootiin, ko mataache. Ago ageesu icheek eng' rotwetap chok, rubeet ak koroito.”

JEREMIA 14:15

Amu nooto anyun komwae Kamuktaindet ne Toroor ko uu ni agobo maotik che maoteni eng' kainennyu; Nga ma ayookte icheek, komwae komwaei icheek koleen, ma piitu rotwetap chok anan rubeet eng' emoni. Kigeesu maotichooto eng' rotwetap chok ak rubeet.

JEREMIA 17:8

Amu igeitu ineendet keetit ne ki kiminji ole neegitee peek, ak kowaktoi tigitikyik eng' ole neegitee aineet, amaiyweisyei ye piitu kiptoret, ago tuonitu sogekyik; ama arageni eng' kenyiitap kemeut, ama metoi kooi logoek.

JEREMIA 5:17

Amei `icheek peekwok ak amitwogikwok, amei kowong'u weeriiguk ak tiibiiguk; amei `icheek keechiireguk ak akwotisyeguk, amei keetiiguk che po sabibuk ak mogooniguk. Eng' rotwetap chok kobutei nganasook che ng'ootaatiin chooto imang'u.”

JEREMIA 7:20

Mwaei anyun Kiptaiyat Kamuktaindet ne Toroor kole; Ogeero, kiroong'jin olito nereegekyuk ak nereegekyuk che ng'woneen, kiroong'jin piik, tuuga, keetiigap timiin ak eng' logoegap mbar; ak laldos, ama kimisi.

EZEKIEL 22:31

Kaaroong'ji anyun nereegekyuk icheek amu nooto; kaagesu eng' maatap nereegekyuk: ki ande ortinwekwak metowekwak, mwaei Kiptaiyat Kamuktaindet ne Toroor.

HOSEA 2:12

Ang'eme keetiikyik che po sabibuk ak mogoonikyik, che mwaei koleen, “Chu ko tuguuk che ki alena chamanikyuk.” Ayae tuguuchooto koek timiin, ak koam tyong'igap timiin.

JOEL 1:7

Kagong'em ketinnyu ne po sabibuk, ak kobach mogoywennyu; ki kobony ak kowiirta; kagoleelagitu mooriikyik.

ATEPTAP LAWIK 26:20

Oboisyee puch kimnateeng'wong', amu ma koonu emeng'wong' rurateet, ak ma iitos keetiigap emet logoekwak.

HABAKUK 3:17

Amu ngot koma yiei mogoywet, Anan koma ruryo keetiigap sabibuk; Koek puch poisyetap mseituni, Ama piitu amitwogik eng' mbareenik; Ak kebar akwotisyegap keechiirek eng' piusyek, Ama komi akwotisyegap tuuga eng' piusyek:

HAGGAI 1:11

Ak ki ang'at kobiit kemeut eng' emet ak eng' tuloonook, eng' peek ak eng' divaik, eng' mwanik ak eng' tuguuk che piitos eng' ng'wony, eng' piik ak eng' tuuga, ak eng' poisyonik tugul che po eunek.”

HAGGAI 2:17

Ki abirenok chelalityet ak uchatet ak koigap ropta eng' poisyonik tugul che po eunekwok; ago ma oweekyagei, mwaei Kamuktaindet ne Toroor.

MALAKI 3:11

Ak agerwok kong' ne amisyoti, si ma ng'em ruroteetap emeng'wong'; ama koosu keetiikwok che po sabibuk kotomo koit peetuusyek, mwaei Kamuktaindet ne Toroor ne po lugoosyek.

MATAYO 21:19

Kingo keer mogoywet eng' tabandap ooreet, kwo ole mi ago ma nyoorchi kiy kobatee sogeek kityo. Ak ki leenji keetoto, “Kobooch ra, koma iyie logoek kogeny agoi!” Ak koma tyanit kores mogoywondonooto.

JAKOBO 1:11

Amu charu asiista kobooto usoonet ne peelei tuguuk, ak kobeel susweek koresyo; ak kobutyo taaptokwak, ak kobet karaaranindap itoondanywa. Petei ko uu nooto agine mogoryot eng' ortinwekyik.