JEREMIA 5:7 - BUKUIT NE TILIIL Sireet ne Dutero Kanon

⁷ Amuktoi ano anyoun kaat? Ki kometa lagoguk, ak ki koyosyo agobo kanamonik che ma kamuktaik. Kingo kaabai kobiyong'so, koyai ibeetapkei ak koyumjinotkei kooriigap chepkugonik.

Bukuit Ne Tilil

⁷ Amuktoi ano anyoun kaat? Ki kometa lagoguk, ak ki koyosyo agobo kanamonik che ma kamuktaik. Kingo kaabai kobiyong'so, koyai ibeetapkei ak koyumjinotkei kooriigap chepkugonik.

BUKUIT NE TILIL

⁷ Amuktoi ano anyoun kaat? Kigometa lagoguk, ak kigiyosio agobo kanamonik che ma cheptalelisiek: kingo kaabai kobiyong’so, koyai ibetab ge, ak koyumjinotgei gorikab chepkugonik.

JEREMIA 5:7 Referencias Cruzadas

2 ATEPTAP PEETUUSYEK 13:9

Tos ma oonu tisiigap Kamuktaindet ne Toroor, weeriigap Aron, ak Lawiik, ak olewenjigei tisiik, osubi pitonwegap piigap emotinwek alak? Si age tugul ne nyoonei koanyinyegei kirgit anan mengichik tisap, koegu nooto tisiindetap tuguuk che ma tilei kiy.

Kitabuutap JOB 31:12

Amu nooto ko maat ne igeesu agoi Ng'emisyet, ak kotut ruratennyu tugul.

TIENWOGIKAL 50:18

Ye ki igeer choorindet, ochamyechi tuwai, ak itinye yamdaet ak che ibegei.

JEREMIA 12:16

Ak ngot koneetkei ko ki iljigei ooreetap piikyuk, ak koyasyo eng' kainennyu kole, “Ko uu ye sabei Kamuktaindet ne Toroor ak ko uu ye ki ineet piikyuk koyasyo eng' Baal, keteechei anyun icheek eng' kwenutap piikyuk.

JEREMIA 13:27

Ki ageer tuguuguk che kiwechei, ibeetapkei neng'ung' ak kateeng'ung' ne po mageet, tengektap kugoinateng'ung' eng' tuloonook che mi kewanin. Pwo eng' inyee, ee Jerusalem! Memache itiliiliitu, yaaksei niito kot kotyanit?

JEREMIA 16:11

Ileenji anyun icheek, Amu ki kometa kwanisyekwok, mwaei Kamuktaindet ne Toroor, ak kosubot kanamonik che teer, ak koot ak kolas, ak kometaa, ama riip ng'atuutikyuk;

JEREMIA 16:20

Tos yachingei chiito kanamonik, che ma kamuktaik?

JEREMIA 2:11

Tos ki kowal `pororyo kamuktaikyik, agot ngo ma kamuktain? Ago ki kowal piikyuk toroornatennywa agobo kiit ne ma koonu kelunet.

JEREMIA 2:31

Ee ibini, ogas ng'olyootap Kamuktaindet ne Toroor! Tos ki aegu emetap melewet ne oo eng' Israel? Amu nee anyun si komwa piikyuk kole, “Ki kityaachech, ma kebwane kogeny ole imi?”

JEREMIA 23:10

Amu nyiitaat emet piik che yaei ibeetapkei; amu riirei emet amu kayasyoet; ki koyaam ole agete akwotisyek eng' surkwen; ya pandanywa, ak ma po iman kimnateennywa.

JEREMIA 3:19

Ago ki ale, “Imuktoi ano andein otebi ak lagok ak agoonin emet ne karaaran, poroteet ne myee ne po lugosyegap pororyosyek? Ki abwaati ale, oguureno ‘Abba’; ama omastoi ometa.

JEREMIA 3:8

Ki aroo agobo ng'olyoondoniito, ye kingo kagoyai Israel ibeetapkei, kogiaoon ineendet ak agoochi parweetap peesyet, ago ma iyweis Judah chepkamennyi kaberberindet. Ago ki wo agine koyai kugoinatet.

JEREMIA 7:9

Tos nyolu ochoorsei, orumisyei, oyaei ibeetapkei, oyosye eng' lembech, obeelji nyamdutik Baal ak osubote kamuktaik che teer che mongen,

JEREMIA 9:1

Kata myee nda ka peei kityo metinnyu, ak ko kondametutap peegap kong' konyekyuk, si kobiit ariir peet ak kemoi agobo che ki kibar che po piikyuk!

JEREMIA 9:2

Kata myee nda katinye eng' surkwen ole ruei kipruitoinik, si kobiit abagaakta piikyuk ak awechigei! Amu icheeget tugul koyaei ibeetapkei, ak ko tuiyetap piik che iberberisyei.

RIREKAB JEREMIA 3:42

Ki kibistoe ak ki kingelelse; ak tomo inyoiywech kaat.

EZEKIEL 22:11

Ak ki koyai age kiit ne kiwechei kobooto osotyotap chiitap kokwennyi, koyai age yaityet kong'wanit osotyotap weeriinnyi; ak kigosuup age chepkamet, cheptap kwandanyi, eng' inyee.

HOSEA 11:8

Amuktoi ano ameteen, inyee Ephraim? Amuktoi ano asaruun, inyee Israel? Amuktoi ano ayain iige Adma? Amuktoi ano ayain iige Seboim? Kagowalak muguleldanyu, kagorira moo.

HOSEA 13:6

Kibiyong'so ko uu kiit ne ki uu ole ki agete; kibiyong'so, ak kiitoroorgei eng' mugulelwekwak: kigoutyeno anyun.

HOSEA 4:2

Ma mi kiit age kobatee chubisyet, lembechek ak rumisyet, choorseet ak ibeetapkei, tesoksei ak isubegei rumisyet.

HOSEA 7:4

Icheek tugul ko piik che yaei ibeetapkei; uu kapkoima ole ilaali peelindetap magatiinik; ma iywokyin maat kobooch kityo kokwonykwonyi magatyat agoi koguut.

ATEPTAP LAWIK 20:10

“Chiito ne ibegei ak osotyotap chiito age, agot ne ibegei ak osotyotap chiitap kokwennyi, kebarei iman chiichooto ak osotyondonooto.

AMOS 8:14

Icheeget che iyastos eng' tengektap Samaria, kole, ‘Ee Dan, ko uu ye sabei kamuktaindeng'ung'’; ak, ‘Ko uu ye sabei ooreetap Beer-sheba’; ibutos chooto ak icheek, amagoi ng'eetyo kogeny.”

SEPANIA 1:5

ak icheek che ilasu tuguuk tugul che po kipsengwet, eng' kooriik parak; kobooto icheeget che ilasu, che iyasyechin Kamuktaindet ne Toroor, ak koyastos eng' kainetap Malkam;

MALAKI 3:5

Ak arikyok eng' kirwooget, ak achepchebi agoon paornateet agobo inyee aegu, arwookyi icheek che ma iywea: pooniik, che ibegei, piik che iyastos eng' lembechek, icheek che sastoe otwogindet ne kisirei eng' melektanyi, che sastoe kwony ne ki kosiirtoe manong'otyot ak ne ma tinyei sigiik, ak ne imaasi toondet, mwaei Kamuktaindet ne Toroor ne po lugoosyek.

1 KORINTOEK 6:9

Anan mongen ole ma tuun nyooru icheeget che ma po iman laitornatetap Kamuktaindet? Amat kiberberak: ma mi eng' che soksei, anan che saaei kanamonik, anan che ibegei, anan chemuulkwonyiik, anan chemogorgoinik,

1 KORINTOEK 8:4

Nooto anyun eng' ameet ne po tuguuk che kieng'jin kanamonik, kingen keele ma mi kanamwet ne kiy eng' ng'wony, ama mi Kamuktaindet age kobatee agenge.

GALATYEK 4:8

Ago eng' peetuunooto, ki ma ongen Kamuktaindet, ko ki oo otwogigap icheeget che ki ma ko kamuktaik che ma po iman:

NG'ATUTIK 32:15

Ago kiner Jesurun, ak kotyaris, kiner, kinyigiisitu ak koakwait eng' amitwogik. Yeityo kobagaakta anyun Kamuktaindet ne ki yai icheeget, ak kosas Rwandetap ne yetunennyi.

NG'ATUTIK 32:21

Ki koono ng'etkonda eng' otetap che ma Kamuktaindet; Kitacha eng' tangoitanywa: Ara anyun nguno ko kagoochi icheek ng'etkonda eng' che ma poror; Atache icheek eng' pororyet ne abusat.

HEBRANIK 13:4

Ingogonyit tugul katunisyet, amat koek itoogut ne tinyei simdo: amu tuun irwookyin Kamuktaindet che soksei ak che ibegei.

JAKOBO 4:4

Okweek che oibegei, mongen ole chorwanditap ng'wony ko puunyoondit eng' Kamuktaindet? Chiito age tugul anyun ne machei koek chorweetap ng'wony koyaegei koek puunyootap Kamuktaindet.

JOSHUA 23:7

si mobe kwenutap pororyosyechu chuuto kong'et eng' kwenung'wong' anan omwa kainaigap kanamonikwak anan oyosye eng' icheek anan oot anan ogutung'ji.