JEREMIA 5:6 - BUKUIT NE TILIIL Sireet ne Dutero Kanon

⁶ Ara anyun parei icheek `ng'etundo ne mang'une timiin, parei icheek suiyot ne po surkwen. Sapchin `cheplanget nganasookwak, kitonatoni age tugul ne mong'u eng' olooto, amu chaang' pistaosyekwak, ak ki kotesak kachuchugennywa pogei.

Bukuit Ne Tilil

⁶ Ara anyun parei icheek `ng'etundo ne mang'une timiin, parei icheek suiyot ne po surkwen. Sapchin `cheplanget nganasookwak, kitonatoni age tugul ne mong'u eng' olooto, amu chaang' pistaosyekwak, ak ki kotesak kachuchugennywa pogei.

BUKUIT NE TILIL

⁶ Barei anyun ichek ng’etundo ne mong’une osnet, barei ichek suiyot ne bo ong’atet, sapchin cheblanget nganasokwak, kitonatoni age tugul ne mong’u eng’ oloto: amu chang’ bistaosiekwak, ak kigotesak kachuchugenywa bo ge.

JEREMIA 5:6 Referencias Cruzadas

2 ATEPTAP PEETUUSYEK 36:14

Ki ingelelso kogeny miising' tisiik tugul che eecheen, ak piik, koosup tuguuk tugul che kiwechei che po pororyosyek; ak ki imurwon kootap Kamuktaindet ne Toroor ne kiga kotabaan eng' Jerusalem.

EZRAH 10:10

Yeityo kotonon anyun Ezrah tisiindet ak koleenji icheek, “Ki ochiliil ak ki otun tiibiik che salu saang' ak otes ng'oogistap Israel.

EZRAH 9:6

ak ale, “Ee Kamuktaindennyu, alilani miising' ak kagowalak togeennyu kot koma muuch anyalin, inyee Kamuktaindennyu, amu kogotesak tengekwogikyok kot ko maluuchech ak ki koeet ng'oogistonyo kot koit kipsengwet.

Kitabuutap JOB 10:16

Ngot ang'eet metinnyu, isapchino ko uu ng'etundo; ak iboorwogei kogeny eng' kwong'eet.

TIENWOGIKAL 104:20

Iyae mesundeito, ak koek kemoi, eng' nooto anyun, koguiguiyon tyony age tugul ne po timiin komong'.

TIENWOGIKAL 80:13

Ng'emei icheek toret ne punu timiin, Ak koamei tyong'igap warenget.

ISAIAH 1:23

Ngelelik pouniguk, ak ko choronogap chooriik. Chamei age tugul asoya, ak kosuboti tuguuk che kigeerchin. Ma ibesyechin ne ma tinyei sigiik, ama ki ipchin icheek ng'aleegap mosoget.

ISAIAH 59:12

Amu ki kotesagis pistaosyekyok eng' taing'ung', ak paoryanjinech tengekwogikyok: amu mi kobootech pistaosyekyok, ak kingen tengekwogikyok:

JEREMIA 14:7

Nga paoryanjinech tengekwogikyok, iboisye ee Kamuktaindet ne Toroor, amu kaineng'ung'. Amu chaang' kachuchugosyekyok pogei, ak kigeyaun acheek tengek.

JEREMIA 2:15

Kigoborisenji `ng'etuunyik ineendet, ak komororso miising'. Kigong'em emennyi koek karaatya, ki kebeel nganasookyik, ak ma komenyei chii.

JEREMIA 2:17

Tos ki ma icheeng'jige niito, amu ki imete Kamuktaindet ne Toroor Kamuktaindeng'ung', ye ki imutin eng' ooreet?

JEREMIA 2:19

Pirin yaityeng'ung', ak kogerin kong' mastaeng'ung'. Nai ak iguiye ile kiit ne ya ak ko ng'waan, eng' imete Kamuktaindet ne Toroor Kamuktaindeng'ung', ametinye kaiyweisyet ne iywea, mwaei Kiptaiyat, Kamuktaindet ne Toroor ne po lugoosyek.

JEREMIA 2:31

Ee ibini, ogas ng'olyootap Kamuktaindet ne Toroor! Tos ki aegu emetap melewet ne oo eng' Israel? Amu nee anyun si komwa piikyuk kole, “Ki kityaachech, ma kebwane kogeny ole imi?”

JEREMIA 25:38

Ki kometo ole ung'egei, ko uu ng'etundo: amu ki koek emennywa ne kikwong'ee amu koroomnatetap rotwetap chok ne usiisyei, ak amu nereegekyik che koroomen.

JEREMIA 30:14

Kigoutyenen chamaniguk tugul: ma cheeng'in: amu kaaguotenin eng' kaguotenetap puunyoot eng' katigonetap ineendet ne koroom; amu ooindap yaityeng'ung', amu kitesagis tengekwogiguk.

JEREMIA 30:15

Amu nee si iriir eng' kaguoteneng'ung'? Ma inyaaksei ng'wanindang'ung'. Koayaun anyun tuguuchuuto, amu ooindap yaityeng'ung', ak amu kitesagis tengekwogiguk.

JEREMIA 30:24

Ma weeksei nereegek che ng'woneen che po Kamuktaindet ne Toroor agoi koyai kogees, agoi koyai magutigap muguleldanyi kosulda: oguitosi ng'olyoondoniito eng' peetuusyek che po let.

JEREMIA 4:7

Kamong' ng'etundo eng' sondinnyi, ne ng'emindetap pororyosyek, kagomong' eng' oldanyi, si kobiit koyai emeng'ung' koguber, ak koek nganasoguk karaatya, ama komenyei chii.

JEREMIA 49:19

Ogeero, togosu ineendet ko uu ng'etundo kobunu Jordan ko kanyi peek miising' kobargei ak meng'ooteet ne kiim: ago achee, aoone komwei ineendet; ak age tugul ne kileweni, agoochini koboi ineendet: amu ng'oo ne kegerge? Ak ng'oo ne ng'atwa peetuut? Ak ng'oo mestowot ne tononi eng' tainnyu?

JEREMIA 8:5

Amu nee anyun si kochuchuigei pichu po Jerusalem eng' kachuchuget ne po agoi? Namei miising' ng'aalseet, eesyoi koweek.

JEREMIA 8:7

Ee, ingen kong'wonyot eng' soet peetuusyekyik; ak riibei cheptuget ak kibiswet ak cheptalamyat peetuusyekwak che pwonune, ago ma ingen piikyuk ng'atuutyetap Kamuktaindet ne Toroor.’ ”

RIREKAB JEREMIA 1:5

Ki koek `usiikyik kandoik, ak koboor puunikyik. Kogonyaliil `Kamuktaindet ne Toroor ineendet amu chaang'indap pistaosyekyik. Kogimut lagokyik keluul eng' taitap puunyoot.

EZEKIEL 16:25

Ki iteech oldang'ung' ole kitororit eng' tabandap ooreet age tugul, ak iyai karaaranindang'ung' koek kiit ne kiwechei, ak oipkei ak age tugul ne siirtoi, ak ites kugoinateng'ung'.

EZEKIEL 22:27

Kaigei pounikyik eng' kwenunnyi suik che parisyei; si kotumda korotiik, ak kong'em saboonwek, si kobiit konyoor poroteet ne ma po iman.

EZEKIEL 23:19

Ago kites kugoinatosyekyik, kobwaati peetuusyegap ming'inatennyi, ye kingo yaei kugoinatet eng' emetap Misiri.

HOSEA 5:14

Amu aigeitu ng'etundo eng' Ephraim, ak aigeitu ng'etundo ne neran eng' kootap Judah. Agereeri aneendet ak awe; amuti ama piitu chii ne saru.

HABAKUK 1:8

Chepcheben kogeny paraisisyekwak kosiir keteet, ak ko koroomen kosiir suik che po koskoleny; ak koboortogei piikwak che ketei paraisisyek: ee, punu pichooto ole loo; tirirendos ko uu kipsiichit ne choktoi kowendi koamisyei.

SEPANIA 3:3

Uu pounikyik che mi kwenunnyi ng'etunyik che porisendos, ak ko uu suigap koskoleny kirwoogikyik, che ma ituuchi kiy agoi koeech.

KAITOSYEK 32:14

Ara oyaei nguno ko uu ye ki yai kwanisyekwok, oegu kiptengeginik che tesoksei, otes nereegek che koroomen che po Kamuktaindet ne Toroor eng' Israel.

NG'ANG'UTYET 13:2

Ak ki uu tyondo ne ki ageer cheplanget, ak ki uu keelyekyik keelyegap magalaluut, ak ki uu kutinnyi kutitap ng'etundo: ak ki igoochi maswetit ineendet kamugennyi, ak ng'echerennyi ne po laitornatet, ak kimnateet ne oo.