JEREMIA 44:23 - BUKUIT NE TILIIL Sireet ne Dutero Kanon

²³ Amu ki obeel nyamdutik, ak amu ki oyachi Kamuktaindet ne Toroor tengekto, ama ogas iit kutitap Kamuktaindet ne Toroor, anan obendate ng'atuutikyik, anan kayomisutikyik, anan paornatosyekyik; konyonjok anyun yaityoni ko uu ye uu rani.

Bukuit Ne Tilil

²³ Amu ki obeel nyamdutik, ak amu ki oyachi Kamuktaindet ne Toroor tengekto, ama ogas iit kutitap Kamuktaindet ne Toroor, anan obendate ng'atuutikyik, anan kayomisutikyik, anan paornatosyekyik; konyonjok anyun yaityoni ko uu ye uu rani.

BUKUIT NE TILIL

²³ Amu kiobeel nyamdutik, ak amu kioyachi Jehovah tengekto, ama ogas it kutitab Jehovah, anan obendate ng’atutikyik, anan kayomisutikyik, anan baornatosiekyik; konyonjok anyun yaitioni ko u ye u rani.

JEREMIA 44:23 Referencias Cruzadas

1 LAITORINIK 9:9

Kowol piik kole, ‘Amu kimeto icheek Kamuktaindet ne Toroor Kamuktaindennywa, ne ki imut kwanisyekwak komong' eng' emetap Misiri, ak konamgei ak kanamonik, kogutung'ji ak koot icheek. Ki ipchi anyun `Kamuktaindet ne Toroor icheek yaityoni tugul amu nooto.’ ”

2 LAITORINIK 17:15

Ki eesyo ng'atuutikyik ak kayomisennyi ne ki iyomiskei ak kwanisyekwak, ak paornatosyekyik che kibaoryan agobo icheek. Ki isup icheek tuguuk che po puch ak ki ek puch. Ki isup pororyosyek che kiga yiem icheek, che kiga ng'at `Kamuktaindet ne Toroor icheek agobo pichooto, koleenji, “Amat oyai ko uu ye yaei icheeget.”

2 ATEPTAP PEETUUSYEK 36:16

Ago ki reeny pichooto ki iyooktoi Kamuktaindet, ak ki sas ng'aleekyik, kogengenie maotikyik, agoi konereekyi `Kamuktaindet ne Toroor piikyik, kot koma komi kiit ne kinyae.

NEEMIA 13:18

Tos ki ma yai ko uu nooto kwanisyekwok ak tos ki ma ibwech Kamuktaindennyo yaityoni tugul ak nganasani? Ang'ni ra koipchi Israel nereegek che siirei eng' ng'emetap sabato.”

TIENWOGIKAL 119:136

Isururunee peek che chaang' konyekyuk, amu ma isubi icheek ng'atuutyeng'ung'.

TIENWOGIKAL 119:150

Karik icheek che isubi tengekto; ki kolooegitu eng' ng'atuutyeng'ung'.

TIENWOGIKAL 119:155

Loo yetunet eng' kiptengeginik; amu ma cheeng'ei icheek ng'atuutiguk.

TIENWOGIKAL 78:10

Ki ma riip kayomisetap Kamuktaindet, Ak ki eesyo kobendatee ng'atuutyennyi:

TIENWOGIKAL 78:56

Ago kityem ak kongelelji Kamuktaindet Ne Toroor Miising', ak ki ma riip paornatosyekyik.

JEREMIA 26:4

Ak ileenji icheek, Kamwa Kamuktaindet ne Toroor kole: Ngot ko mocham ogasa, obendate ng'atuutikyuk, che ki ande taing'wong',

JEREMIA 40:3

ak kagoip yaityonooto konyo, ak koyai ko uu ye ki mwa; amu ki oyachi Kamuktaindet ne Toroor tengekto, ama ogas iit kutinnyi, kagonyonjok anyun kiito.

JEREMIA 44:10

Ma iming'ingei agoi rani, anan koiyweis, anan kobendatee ng'atuutikyuk, anan kayomisutikyuk, che ki ande taing'wong', ak eng' taitap kwanisyekwok.

JEREMIA 44:18

Ago kobooch ngap kebagaakte kebeelji nyamdutik laitoryatap kipsengwet ne kwondo, ak keroong'jini kagoochinoik che kieei, korarwech tuguuk tugul, ak kigeswech eng' rotwetap chok ak rubeet.

JEREMIA 44:2

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Ki ogeer yaityet tugul ne ki apchi Jerusalem, ak nganasook tugul che po Judah; ak ogeero, karatwek rani nganasochooto, ama mi chii ne menyei olooto;

JEREMIA 44:21

Tos ki ma ibwaat `Kamuktaindet ne Toroor icheek ama chut metinnyi, nyamdutik che ki obeele eng' nganasoogap Judah, ak eng' ortinwek che po Jerusalem, okweek ak kwanisyekwok, laitorinikwok, ak pounikwok, ak piigap emet,

JEREMIA 44:3

amu yaityennywa ne ki koyai kotacha anereech, amu ki pa kobeel nyamdutik, koot kamuktaik che ki ma kongen, icheeget, anan okweek, anan kwanisyekwok.

JEREMIA 44:8

amu otagena poisyonigap eunekwok, obeeljini nyamdutik kamuktaik eng' emetap Misiri, ole ki obe otebee; si kobiit kigeswok, ak oegu che kisasei ak che kichotei eng' pororyosyek tugul che po ng'wony?

RIREKAB JEREMIA 1:8

Ki koyai Jerusalem tengekto ne ya miising'; kogoek anyun kiit ne murwoon amu nooto. Sasei ineendet tugul che ki konyiti ineendet, amu ki kogeer aach ngorinnyi. Ee, tigeni, ak koweechigei let.

1 KORINTOEK 10:20

Ago tuguuk che igoitoi Pororyosyek koeng'jin oik, ago ma Kamuktaindet: ama mache koyai yamdaet ak oik.

2 KORINTOEK 6:16

Ak ting'egei nee Hekaluut ne po Kamuktaindet ak kanamonik? Amu ki Hekaluut ne po Kamuktaindet ne sabei; ago ko uu ye ki mwa Kamuktaindet kole, Amenye icheek, ak awendotee icheek; Ak aegu Kamuktaindet nenywa, Ak koek icheek piikyuk.