JEREMIA 44:22 - BUKUIT NE TILIIL Sireet ne Dutero Kanon

²² kot ko mata komuuch Kamuktaindet ne Toroor komuita, amu yaityetap poisyonikwok, ak amu tuguuk che kiwechei che ki oyai? Ki ek anyun emeng'wong' ne kuberot, ak ne kikwong'ee, ak ne kisasei, ama menyei chii, ko uu ye uu rani.

Bukuit Ne Tilil

²² kot ko mata komuuch Kamuktaindet ne Toroor komuita, amu yaityetap poisyonikwok, ak amu tuguuk che kiwechei che ki oyai? Ki ek anyun emeng'wong' ne kuberot, ak ne kikwong'ee, ak ne kisasei, ama menyei chii, ko uu ye uu rani.

BUKUIT NE TILIL

²² kot ko mata komuch Jehovah komuita, amu yaitietab boisionikwok, ak amu tuguk che kiwechei che kioyai? Kiek anyun emeng’wong’ ne kuberot, ak ne kikwong’e, ak ne kisasei, ama menyei chi, ko u ye u rani.

JEREMIA 44:22 Referencias Cruzadas

TAUNET 19:13

Kimache keng'em nganasani, amu kogoeet waagaat agobo icheeget eng' taitap Kamuktaindet ne Toroor, ak kagoyakwech Kamuktaindet ne Toroor keng'em.”

TAUNET 6:3

Ki mwa Kamuktaindet ne Toroor kole, “Ma tebee `Kabuusennyu chii agoi amu ineendet ko poorto. Ko uu nooto anyun, ko egu peetuusyekyik kenyiisyek pogol ak tiptem.”

2 LAITORINIK 17:15

Ki eesyo ng'atuutikyik ak kayomisennyi ne ki iyomiskei ak kwanisyekwak, ak paornatosyekyik che kibaoryan agobo icheek. Ki isup icheek tuguuk che po puch ak ki ek puch. Ki isup pororyosyek che kiga yiem icheek, che kiga ng'at `Kamuktaindet ne Toroor icheek agobo pichooto, koleenji, “Amat oyai ko uu ye yaei icheeget.”

ISAIAH 1:24

Mwaei anyun Kiptaiyat, Kamuktaindet ne Toroor ne po lugoosyek, Ineendet Ne po Kamuktaet ne po Israel, kole haa, aroong'jini nereegekyuk icheek che wecho, ak ayooktochigei mugetuut eng' puunikyuk.

ISAIAH 43:24

Ma ialunena fedha tuguuk che uu mutweek che nyamdut, ama igoono abiyo eng' mwanigap tiseiyweguk: ago ki imena tengekwogiguk, ki igoono ang'et agobo yaitwogiguk.

ISAIAH 7:13

Ak ki mwa Isaiah kole, “Ogas anyun, ee kootap Daudi! Tos kiit ne ming'in eng' okweek ogoochi piik kong'etyo, kot ogoochi Kamuktaindennyu kong'et agine?

JEREMIA 15:6

Ki oeesya, mwaei Kamuktaindet ne Toroor, ak ki ochuchuige. Ara achuule anyun eunnyu atokyin, asi ang'emin, amu kaang'et eng' muitaet.

JEREMIA 18:16

si koyai emennywa koek kwong'eet, ak koek ne kireenyei kotugul; kwong'ee age tugul ne siirtoi eng' yooto, ak kolelechi metinnyi.

JEREMIA 21:12

Ee kootap Daudi, mwaei Kamuktaindet ne Toroor kole, oyai kirwooget karon, osaru ne ki kiluul komong' eng' eutap usiindet, si ma mong' nereegekyuk che koroomen ko uu maat, ak kolal kot koma mi ne imuuchi komis, amu yaityetap poisyonikwok.

JEREMIA 23:2

Mwaei anyun Kamuktaindet ne Toroor, Kamuktaindetap Israel, ko uu ni, agobo mestoweek che paei piikyuk, kole, ki oiyeste akweennyu, ak oon, ama obe ogeer; ogeero, aitwok pireet ne po yaityetap poisyonikwok, mwaei Kamuktaindet ne Toroor.

JEREMIA 24:9

agoitoi icheek koek che ki wiirchin komosi ak komosi eng' pounatosyek tugul che po ng'wony si konyoor taiyet; koek teweernateet, ak kalewenet, chotisyet ak sasisyet, eng' komoswek tugul ole aoonjini icheek.

JEREMIA 25:11

Ak koek karaatya emoni komugul, ak kwong'eet; ak koot pororyosyechu laitoryatap Babilon kenyiisyek tamanwogik tisap.

JEREMIA 25:18

chooto ko Jerusalem, ak nganasoogap Judah, ak laitorinikyik, ak pounikyik, si koyai icheek koek karaatya, kwong'eet, ne kireenyei, ak ne kisasei; ko uu eng' peetuuni;

JEREMIA 25:38

Ki kometo ole ung'egei, ko uu ng'etundo: amu ki koek emennywa ne kikwong'ee amu koroomnatetap rotwetap chok ne usiisyei, ak amu nereegekyik che koroomen.

JEREMIA 26:6

ayae anyun kooi koigei Shiloh, ak ayai nganasani koek ne sasei pororyosyek tugul che po ng'wony.

JEREMIA 29:18

Ak asube icheek rotwetap chok, ak rubeet, ak koroito, ak agoite icheek kewiirchi komosi ak komosi eng' pounatosyek tugul che po ng'wony, si koek che chubootiin ak che kikwong'ee, che kireenyei ak che kiteweeri, eng' pororyosyek tugul che ki aoonji;

JEREMIA 29:19

amu ma kas ng'aleekyuk, mwaei Kamuktaindet ne Toroor, che ki ayooktochine icheek otwogikyuk maotik, ang'eete karon miising' ak ayookte icheek; ago ma ocham ogas, mwaei Kamuktaindet ne Toroor.

JEREMIA 30:14

Kigoutyenen chamaniguk tugul: ma cheeng'in: amu kaaguotenin eng' kaguotenetap puunyoot eng' katigonetap ineendet ne koroom; amu ooindap yaityeng'ung', amu kitesagis tengekwogiguk.

JEREMIA 34:22

Ogeero, ang'ate, mwaei Kamuktaindet ne Toroor, ak aweekyi icheek nganasani; ak kobargei ak nganasani, ak koluul, ak kobeel: ak ayai nganasoogap Judah koek surkwen, ole ma komenyei chii.

JEREMIA 4:4

Omuratange obunji Kamuktaindet ne Toroor, omuratan mugulelwekwok, okweek piigap Judah ak che omenye Jerusalem, si ma mong' nereegekyuk che koroomen ko uu maat, ak kolalyo kot koma imuuchi chii komis, amu yaityetap poisyonikwok.

JEREMIA 42:18

Amu mwaei Kamuktaindet ne Toroor ne po lugoosyek, Kamuktaindetap Israel, ko uu ni kole; Ko uu ye kigeroong'ji nereegekyuk ak nereegekyuk che ng'woneen, piik che menyei Jerusalem, keroong'jinok anyun ko uu nooto nereegekyuk che ng'woneen, ye obe Misiri: ak oegu che kichubei, ak che kikwong'ee ak che kisasei, ak che kichotei; ama ogeere olito kogeny.

JEREMIA 44:12

Ak anam che ng'etu che po Judah, che kitokyigei emetap Misiri, koba kotebee olooto, ak kigeesu icheek tugul: ibutos eng' emetap Misiri; kigeesu icheek eng' rotwetap chok ak eng' rubeet; pegu icheek, kong'etee ne ming'in agoi ne oo, eng' rotwetap chok ak eng' rubeet: ak koek che kichubei, ak che kikwong'ee, ak che kisasei, ak che kichotei.

JEREMIA 44:2

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Ki ogeer yaityet tugul ne ki apchi Jerusalem, ak nganasook tugul che po Judah; ak ogeero, karatwek rani nganasochooto, ama mi chii ne menyei olooto;

JEREMIA 44:6

Kirong'kei anyun nereegekyuk che ng'woneen, ak kong'waanityi nganasoogap Judah ak eng' ortinwek che po Jerusalem; ak ki koek karatwek ak kigoguber ko uu kiit ne uu peetuusyechu.

JEREMIA 48:9

Igoochi Moab kebebaik, si kobiit kotiriren komwei: ak koek nganasookyik karatwek, ne ma mi chii ne menyei.

JEREMIA 5:9

Tos manyone abire agobo tuguuchuuto? Mwaei Kamuktaindet ne Toroor; ak tos mayaaktochinigei mugetuut eng' pororyet ne uu ni?

EZEKIEL 39:23

Ak konai pororyosyek kole ki kiluul kootap Israel amu tengektonywa; amu ki ingelelja, ak ki aung'e icheek togeennyu: ki ande anyun icheek eutap puunikwak, ak kobek icheek tugul eng' rotwetap chok.

EZEKIEL 5:13

Isuldoi anyun nereegekyuk ko uu nooto, ak anereekyini icheek eng' nereegekyuk che ng'woneen, kot koyama, si kigaigaa: si konai icheek kole anee Kamuktaindet ne Toroor ne ki ang'alaal eng' kagiilennyu pogei, ye kaayai nereegekyuk che ng'woneen kosulda eng' icheek.

AMOS 2:13

Ogeero, agiichok eng' ole omi, ko uu ye chiilsei chepkichutit ne nyiitaat ratuutigap peek.

MALAKI 2:17

Kooiim Kamuktaindet ne Toroor eng' ng'aleekwok. Ago oteebe ole, “Ki kiime nee?” Amu omwae ole, Myee age tugul eng' taitap Kamuktaindet ne Toroor ne yaei yaityet ak koboiboitune pichooto. Anan ye oteebe ole, “Mi ano Kamuktaindet ne po kirwoogetap imanda?”

ROMANIK 9:22

Tos nee anyun, ngo machei Kamuktaindet kobarta nereeknatennyi, ak kong'aany kimnateennyi, komuita eng' talasyet ne oo agobo tereenik che po nereegek che nyoljin ng'emisyet: