JEREMIA 4:14 - BUKUIT NE TILIIL Sireet ne Dutero Kanon

¹⁴ Ee Jerusalem, iunde tengekto eng' muguleldang'ung', si kesaruun. Teben oriing'ung' kot kotyanit kabwaatutiguk che yaacheen?

Bukuit Ne Tilil

¹⁴ Ee Jerusalem, iunde tengekto eng' muguleldang'ung', si kesaruun. Teben oriing'ung' kot kotyanit kabwaatutiguk che yaacheen?

BUKUIT NE TILIL

¹⁴ Ee Jerusalem, iunde tengekto eng’ muguleldang’ung’, si kesorun. Tebenen kabwatutiguk che yaachen kot kotianit?

JEREMIA 4:14 Referencias Cruzadas

TIENWOGIKAL 119:113

Aweche icheek che po kabwaatutik aeng'; ago achame ng'atuutyeng'ung'.

TIENWOGIKAL 51:2

Iundoena inne tengektonyu, ak itiliilo eng' ng'oogistonyu.

TIENWOGIKAL 66:18

Ye abwaat tengekto eng' muguleldanyu, koma kaswa Kiptaiyat.

KALEWANAIK 1:22

“Ochame abusnateng'wong' kot kotyanit, okweek che oo abusatiin? Poiboitune chotiik chotisyennywa kot kotyanit, ak wechei che perber naet?

ISAIAH 55:7

ingometo kiptengekyot ooreennyi, ak ingometo ineendet ne ma po iman, kabwaatutikyik: ak ingoweekyigei Kamuktaindet ne Toroor, si koriiree; ak ingoweekyigei Kamuktaindennyo, amu nyochin kaat iman.

JEREMIA 13:27

Ki ageer tuguuguk che kiwechei, ibeetapkei neng'ung' ak kateeng'ung' ne po mageet, tengektap kugoinateng'ung' eng' tuloonook che mi kewanin. Pwo eng' inyee, ee Jerusalem! Memache itiliiliitu, yaaksei niito kot kotyanit?

JEREMIA 17:1

Ki kisire lelutiktap Judah kalamitap karnet kobooto ng'atibindap koita ne ui; ki kimolji mugulelwekwak ak eng' kimnateet ne po kuinoigap kapkorosusyekwak;

JEREMIA 18:11

Ara anyun, ui ng'alaalji piigap Judah, ak piik che menyei Jerusalem, ileenji, mwaei Kamuktaindet ne Toroor kole: Ogeero, achobe yaityet agobo okweek ak achobe kiit ne aitook: ingoweigei age tugul eng' okweek, kometo ooreennyi ne ya, ak olitiit ortinwekwok ak poisyonikwok.

JEREMIA 2:22

Amu agot ngiunegei munyat, ak iboisyee sabunit ne oo, ko taagu kora yaityeng'ung' eng' tainnyu, mwaei Kiptaiyat Kamuktaindet ne Toroor.

JEREMIA 6:19

Ogas okweek ng'wony, aipchini pichu yaityet, kosupkei ak logoegap kabwaatutikwak, amu ma epchi iit ng'aleekyuk, ak ki koeesyo ng'atuutikyuk.

EZEKIEL 18:31

Omete pistaosyekwok tugul che ki kogoonok obistoe; ak ochopchigei muguleldo ne leel ak sabeet ne leel: amu nee si obegu, ee kootap Israel?

SEKARIA 8:17

Amat kobwaat chii age tugul eng' okweek yaityet eng' muguleldanyi agobo chiitap kokwennyi, amocham kayasyoet age tugul ne po lembech; amu aweche tuguuchuuto tugul, mwaei Kamuktaindet ne Toroor.”

MATAYO 12:33

“Oyai keetit komyeeit, ak myagitu logoekyik, anan oyai keetit koyait, ak yagitu logoekyik, amu kinae keetit logoekyik.

LUKA 11:39

Koleenji `Kiptaiyat, Okweek Pharisaik, ouni parak kigombet ak sanit; ago nyiitaat oriing'wong' rebisyet ak yaityet.

JOHANA 13:9

Koleenji Simion Petero ineendet, Kiptaiyat, ma keelyekyuk kityo, ago eunekyuk ak icheek ak metinnyu.

POISYONIGAP CHE KIYOKTOI 8:22

Sigu anyun eng' tengeging'ung'et ak isaa Kiptaiyat, tamangap kenyoun kaat amu kabwaatetap muguleldang'ung'.

ROMANIK 1:21

amu kingo kagonai Kamuktaindet, koma kolas ko uu Kamuktaindet, anan koweekyi kongoi; ago ki perberitu eng' kabwaatutikwak, ak ki imenitu mugulelwekwak che ma tinyei naet.

1 KORINTOEK 3:20

ak kogeny, “Ingen Kiptaiyat kabwaatutigap che utaatiin, kole puch.”

JAKOBO 4:8

Oriikyi Kamuktaindet, si koriikyok. Oun eunekwok, okweek kiptengeginik; ak otiliil mugulelwekwok, okweek che oo po kabwaatutik aeng'.