JEREMIA 4:13 - BUKUIT NE TILIIL Sireet ne Dutero Kanon

¹³ Ogeero, togosu ineendet ko uu poolik, ak uu kipchurchuryet kariisyekyik che po lugeet. Chepchep paraisisyekyik kosiir kipsichinik. Pwo eng' acheek, amu kageng'emech!

Bukuit Ne Tilil

¹³ Ogeero, togosu ineendet ko uu poolik, ak uu kipchurchuryet kariisyekyik che po lugeet. Chepchep paraisisyekyik kosiir kipsichinik. Pwo eng' acheek, amu kageng'emech!

BUKUIT NE TILIL

¹³ Ogeero, togosu ko u bolik, ak u kipchurjuriet karisiekyik che bo luget: chepcheb mbartanyisiekyik kosiir kipsichinik. Bwa eng’ achek! Amu kageng’emech.

JEREMIA 4:13 Referencias Cruzadas

2 SAMUEL 1:23

Ki korooron Saulo ak Jonathan, ak ki chamaatiin eng' saboonwekwak, Ak ma pesyo eng' sabeennywa anan eng' meennywa; Ki chepcheben kosiir kipsichinik, Ki kiimeen kosiir ng'etuunyik.

ISAIAH 13:5

Punu icheek emet ne loo, ole pooch tabandap kipsengwet, ineendet Kamuktaindet ne Toroor, ak kariigap nereegekyik, si kobiit kong'em emet komugul.

ISAIAH 19:1

Maotenet agobo Misiri. Ogeero, laanyei Kamuktaindet ne Toroor pooldet ne chepchep, ak nyoonei agoi Misiri. Ak kiitumdumgei kanamonigap Misiri eng' tainnyi, ak kochoot muguleldap Misiri eng' kwenunnyi.

ISAIAH 3:8

Amu kogong'emak Jerusalem, ak kogobut Judah; amu ki ingelelji Kamuktaindet ne Toroor eng' ng'elyebwekwak ak eng' poisyonikwak, koesyoi kimni toroornatennyi.

ISAIAH 5:28

Ng'atiben kipchabonikwak, ak ko riigotin kwangokwak tugul; kirogendoi keelyegap paraisisyekwak koik che uueen, ak uu tirookwak kipchurchuryet.

ISAIAH 66:15

Amu ogeero, nyoonei Kamuktaindet ne Toroor eng' maat, ak koigei kariisyekyik che po lugeet kipchurchuryet; koyaakta nereegekyik eng' koroomnateet, ak koyaakta kerennyi po kong' eng' liplibenetap maat.

JEREMIA 10:19

Pwo eng' anee, amu ng'wanindanyu! Ng'waan kaguotenennyu. Ago ki amwa ale, “Aragenennyu iman niito, ak kanyool amuita.”

JEREMIA 4:12

Nyonjino usoonet ne oo ne punu tuguuchuuto. Arwookyini anyun `agane icheek.

JEREMIA 4:31

Amu ki agas waagaat ne uu ne po kwondo ne machei kosich taaitanyi, kutitap cheptap Zion ne isyenyi, ne iitoi eunekyik ak komwaei koleen, pwo eng' anee! Amu tanui saboondanyu eng' taitap rumiik.

JEREMIA 46:18

Mwaei Laitoryat ne kainennyi ko Kamuktaindet ne Toroor ne po lugoosyek, kole, Ko uu ye asabe, nyoonei iman ineendet ko uu Tabor eng' tuloonook, ak ko uu Karmel eng' ole neegitee nyanjet.

JEREMIA 48:40

Amu mwaei Kamuktaindet ne Toroor kole, ogeero, tirireni ko uu kipsiichit, ak kouito kebebaikyik kotokyi Moab.

JEREMIA 49:22

Ogeero, togosu ineendet ak kotirireni ko uu kipsiichit, ak kouito kebebaikyik kotokyi Bosra: ak koigei eng' peetuunooto mugulelwegap piik che nyigoonen che po Edom, muguleldap kwondo ne tinyei ng'wanindo ye machei kosigiis.

JEREMIA 6:23

Tinyei kwanget ak ng'otit; ak koroomen, ama tinyei rireenet; morori cheennywa ko uu nyanjet, ak ketei paraisisyek; choboot age tugul ko uu chiito ne wendi lugeet, asi kobookyin, ee inyee cheptap Zion.

JEREMIA 9:19

Amu kigasei tuugeetap kateeiyet kobunu Zion, kole, kageng'emech ne tya! Kagetoptobense miising' amu kagebagaakte emet, amu kagobut icheek meng'otosyekyok.

RIREKAB JEREMIA 4:19

Che ki onatech ko ki chepcheben kosiir kipsichinigap parak, ki onatech eng' tuloonook, ki ripistos kogenech eng' surkwen.

EZEKIEL 26:10

Tuchin temburyegap paraisisyekyik amu chaang'indonywa: itumdumegei irimoiguk amu kirgirenetap paraisisyek che laanyei piik, ak ne po kariisyek che lau tuguuk, ak ne po kariisyek che po lugeet, ye tuun punei ineendet ormariichoguk, ko uu piik che pendi nganaseet oriit kobunei ole ki kobutok.

EZEKIEL 38:9

Ak itogosu, inyee ko uu usoonet, iige pooldet ne tuchei emet, inyee kobooto lugosyeguk tugul, komi pororyosyek che chaang' kobooten.

HOSEA 8:1

Kuut iryageet. Nyoonji kootap Kamuktaindet ne Toroor ko uu kipsiichit: amu ki kobistoe icheek kayomisennyu, ak kongelelji ng'atuutikyuk.

MIKAH 2:4

Mwaei eng' peetuunooto kalewenet agobo inyee, ak koriir eng' riirek che ng'woneen, kole, ka keng'emech kigeswech: walei kebebertap piikyuk: istoena kiito kot koit ano! Pchechin ngelelik mbareenikyok.

NAHUM 1:3

Ma sip konereechi Kamuktaindet ne Toroor, tinyei kimnateet ne oo ama pagaktoi kiptengekyot age tugul. Tinyei Kamuktaindet ne Toroor ooreennyi eng' kipchurchuryet ak eng' usoonet ne oo, ak poolik ko temburyegap keelyekyik.

HABAKUK 1:8

Chepcheben kogeny paraisisyekwak kosiir keteet, ak ko koroomen kosiir suik che po koskoleny; ak koboortogei piikwak che ketei paraisisyek: ee, punu pichooto ole loo; tirirendos ko uu kipsiichit ne choktoi kowendi koamisyei.

SEKARIA 6:1

Ki ang'eet met kogeny, ak ogeero! Ki ageer kariisyek ang'wan che po lugeet kobwanei kobunu kwenutap tuloonook aeng'; ak ki po sugunwet tuloonoochooto.

MATAYO 24:30

“Ak kotook anyun eng' kipsengwet kaboorunetap Weeriitap chii, ak koteiyo anyun pororyosyek tugul che po ng'wony, ak kogeer Weeriitap chii konyonei eng' pooligap kipsengwet kobooto kimnateet ak liilindo ne oo.

NG'ATUTIK 28:49

“Imutun Kamuktaindet ne Toroor pororyet ne punu ole loo eng' tabandap ng'wony ne megase ng'aleekwak konyo ko uu ye tirireni kipsiichit inyoo koboryenen

NG'ANG'UTYET 1:7

Ogeero! Nyoonei kobooto poolik; ak tuun keerei ineendet konda age tugul, kobooto icheek che kiga toor ineendet; ak koteiyo pororyosyek tugul che po ng'wony amu ineendet. Ee, uu nooto! Amen.