JEREMIA 36:4 - BUKUIT NE TILIIL Sireet ne Dutero Kanon

⁴ Ki kuur anyun Jeremiah Baruk weeriitap Neriah; ak kisir Baruk ng'aleek tugul che po Kamuktaindet ne Toroor che kimwaei Jeremiah, che kiga komwachi `Kamuktaindet ne Toroor ineendet, kosirchi bukuit ne mamanat.

Bukuit Ne Tilil

⁴ Ki kuur anyun Jeremiah Baruk weeriitap Neriah; ak kisir Baruk ng'aleek tugul che po Kamuktaindet ne Toroor che kimwaei Jeremiah, che kiga komwachi `Kamuktaindet ne Toroor ineendet, kosirchi bukuit ne mamanat.

BUKUIT NE TILIL

⁴ Kiguur anyun Jeremia Baruk weritab Neria; ak kisir Baruk ng’alek tugul che bo Jehovah che kimwaei Jeremia, che kiga komwachi Jehovah inendet, kosirji bukuit ne mamanat.

JEREMIA 36:4 Referencias Cruzadas

ISAIAH 30:8

Ui anyun nguno, sirchi kiy ne kisire eng' tainnywa, ak isirchi bukuit, si kobunji peetuusyek che pwoonei koek paornateet ne po koigeny ak koigeny.

ISAIAH 8:1

Ki leenjo Kamuktaindet ne Toroor, “Ipchigei kiit ne oo ne kisirei, ak isire kalamitap chiito, ‘Agobo Maer-salal-hasbas’; ”

JEREMIA 25:13

Ak aipchi emonooto ng'aleekyuk tugul che ki amwa agobo olooto, tuguuk tugul che ki kisirchi bukuini, che ki komaoten Jeremiah agobo pororyosyek tugul.

JEREMIA 30:2

mwaei Kamuktaindet ne Toroor, Kamuktaindetap Israel, kole, sirchi bukuit ng'aleek tugul che koamwaun.

JEREMIA 32:12

Ak ki agoochi anyun parwaanooto po kayanjinet ne po alyet Baruk weeriitap Neriah weeriitap Maseia, eng' taitap Hanamel weeriitap imamennyu, ak eng' taitap paorinik che ki sirchi kainaikwak parwaanooto po kayanjinet ne po alyet, eng' taitap Yahudik tugul che kitebyei eng' seremutap riibiik.

JEREMIA 36:14

Koyookto anyun pounik tugul Jeudi weeriitap Netania, weeriitap Selemya, weeriitap Kusi, kwo ole mi Baruk, koleenji nam eng' eung'ung' bukuit ne kesomanjini piik kogas, ak inyoo. Konam anyun Baruk weeriitap Neriah eng' eunnyi bukuinooto, ak konyo ole mi pichooto.

JEREMIA 36:21

Koyookto anyun laitoryat Jeudi kwo koip bukuit: ak ki inem eng' koot ne po oriit ne po Elisama siriindet. Ak kisooman Jeudi kogas laitoryat, ak kogas pounik tugul che kitonondos eng' ole neegitee laitoryat.

JEREMIA 36:23

Ak kingo kagosoman Jeudi kartasisyek somok anan ang'wan, kotil laitoryat eng' rotweet, ak kowiirchi maata kimi kisigirit, agoi kolal bukuit komugul kogeskei eng' maata.

JEREMIA 36:26

Ak ki ng'at laitoryat Jerameel weeriitap laitoryat, kobooto Seraiah weeriitap Asriel, ak Selemya weeriitap Abdeel, konam Baruk siriindet ak maotyot Jeremiah: ago kiuny `Kamuktaindet ne Toroor icheek.

JEREMIA 36:27

Ki nyoonji anyun `ng'olyootap Kamuktaindet ne Toroor Jeremiah, ko kagobeel laitoryat bukuit, ak ng'aleek che kisirei Baruk komwaei Jeremiah, koleenji

JEREMIA 36:28

nam bukuit age kogeny, ak isirchi ng'aleechooto tugul po tai che ki mi bukuit ne po tai ne kibeelei Jehoiakim laitoryatap Judah.

JEREMIA 36:32

Ki nam anyun Jeremiah bukuit age ne mamanat, ak kogoochi Baruk siriindet, weeriitap Neriah; ne ki sirchi ng'aleek tugul che kimwaei Jeremiah che ki mi bukuit, ne kiga kobeel Jehoiakim laitoryat ne po Judah: ak ki kitesyi ng'aleek alak che chaang' che kergei ak chugiche.

JEREMIA 36:6

ui anyun isoman bukuiniito, ne kaisirchi che kegasena, ng'aleegap Kamuktaindet ne Toroor, soman kogasei piik eng' kootap Kamuktaindet ne Toroor eng' peetuutap karugutetapkei, ak isoman kogeny kogasei piik tugul che po Judah che punu nganasookwak.

JEREMIA 43:3

ago kaiberberin Baruk weeriitap Neriah si kogirindech, si kobiit kondeech eutap Kaldeik, si kobarech, ak komutech keebe Babilon keegu luulenik. ”

JEREMIA 51:59

Ni ng'olyoot ne king'atyi maotyot Jeremiah Seraiah weeriitap Neriah, weeriitap Maseia, ye kibendi Babilon kobooto Zedekiah, laitoryatap Judah eng' kenyiitap ang'wan ne po laitornatennyi. Ki riibindet ne oo Seraiah eng' kootap laitoryat.

JEREMIA 51:60

Ak ki sirchi Jeremiah bukuit yaityet tugul ne tuun nyoonjin Babilon, ng'aleechuuto tugul che ki kisir agobo Babilon.

EZEKIEL 2:9

Ki ageer anyun, ak ogeero ki kiyogoiywa euut ne kinamei bukuit ne mamanat.

SEKARIA 5:1

Ki ang'eet met anyun kogeny ak ageerte, ak ogeero, kitabuut ne mamanat ne tirireni.

ROMANIK 16:22

Anee Tertio ne kasirei parwaani, agatok eng' Kiptaiyat.