JEREMIA 36:3 - BUKUIT NE TILIIL Sireet ne Dutero Kanon

³ Abeere tamangap kogas kootap Judah yaityet tugul ne kaatil ale ayachini icheek; si koweek chii tugul eng' icheek kometo ooreennyi ne ya, si anyochi kaat amu yaityennywa ak tengektonywa.

Bukuit Ne Tilil

³ Abeere tamangap kogas kootap Judah yaityet tugul ne kaatil ale ayachini icheek; si koweek chii tugul eng' icheek kometo ooreennyi ne ya, si anyochi kaat amu yaityennywa ak tengektonywa.

BUKUIT NE TILIL

³ Abere tamangab kogas gotab Juda yaitiet tugul ne kaatil ale ayachini ichek; si koweek chi tugul eng’ ichek kometo orennyi ne ya, si anyochi kaat amu yaitienywa ak tengektanywa.

JEREMIA 36:3 Referencias Cruzadas

NEEMIA 1:9

ago ngot oweekyage, oriip ng'atuutikyuk ak oyai, ko agot ngo ki kiyestochok tabandap kipsengwet, ayumi kobwa eng' olooto ak amutu kobwa ole ki alewen ande kainennyu kotebee.’

TIENWOGIKAL 139:24

Keer ngo mi oor age tugul ne po tengek eng' anee, ak indoiywa eng' ooreet ne po koigeny.

ISAIAH 6:10

Yai mugulelwegap pichu konyigiisitu, ak kotimogis itiikwak, ak kogerogis konyekwak, si ma keertoe konyekwak, ama kastoe itiikwak, anan koguiyo eng' mugulelwekwak, ak kowalogis, ak kisoop.

JEREMIA 18:11

Ara anyun, ui ng'alaalji piigap Judah, ak piik che menyei Jerusalem, ileenji, mwaei Kamuktaindet ne Toroor kole: Ogeero, achobe yaityet agobo okweek ak achobe kiit ne aitook: ingoweigei age tugul eng' okweek, kometo ooreennyi ne ya, ak olitiit ortinwekwok ak poisyonikwok.

JEREMIA 18:8

ngot kosik eng' yaityennywa pororyonooto kaamwa, awale kabwaatutukyuk eng' yaityet ne kitayachini icheek.

JEREMIA 23:14

Ki ageerchi maotigap Jerusalem ak icheek kiit ne samis miising'; yaei ibeetapkei, ak kobendote lembechek, ak kogimit eunegap yaigap yaityet, kot koma mi chii ne weeksei eng' yaityennyi: kaigei icheek tugul Sodom eng' anee, ak kaigei che menyei yooto, Gomorah.

JEREMIA 24:7

Ak agoochi icheek muguleldo ne naena, kole, aa Kamuktaindet ne Toroor: ak koek piikyuk, ak aegu Kamuktaindennywa: amu weekyinagei eng' mugulelwekwak tugul.

JEREMIA 26:3

Abeere imuuchi kogas, ak koweek chii age tugul eng' ooreennyi ne ya; si kobiit awal kabwaatutikyuk eng' yaityet ne kiga achop ale ayachini icheek amu yaityetap poisyonikwak.

JEREMIA 35:15

Ak ki ayookwok kogeny otwogikyuk tugul che maotik, ang'eete karon miising' ak ayoogu icheek, amwae ale, Oweege anyun chii age tugul eng' ooreennyi ne ya, ak olitit poisyonikwok, amosup kamuktaik che teer oot icheek, si omeny emet ne ki agoonok kobooto kwanisyekwok: ago ma oep iit, anan ogasa iit.

JEREMIA 36:7

Tamangap komwaita soomutikwak eng' taitap Kamuktaindet ne Toroor, ak koweek chii age tugul kometo ooreennyi ne ya, amu eecheen nereegek kobooto nereegek che ng'woneen che ki komwa Kamuktaindet ne Toroor agobo pichu.

EZEKIEL 12:3

Ara anyun, inyee weeriitap chii, rat tuguuk agobo kautoet, ak iuu peet kogeerei icheek; ak iuu eng' komostang'ung' iwe komosta age kogeerei icheek: abeere imuuchi kobwaat, nganda icheek ko koot ne ngelelyot.

EZEKIEL 18:23

Tos abaibai eng' meetap kiptengekyot? Mwaei Kiptaiyat Kamuktaindet ne Toroor: tos ma abaibai ngo week kometo ooreennyi si kosap?

SEPANIA 2:3

Ocheeng' Kamuktaindet ne Toroor, okweek tugul che oo talaen, che oo po ng'wony, okweek che oyae kirwoogutikyik; ocheeng' imanda, ocheeng' talasyet: imuuch tuun kiunyok eng' peetuutap nereegegap Kamuktaindet ne Toroor.

MATAYO 13:15

Amu kwalilenotin mugulelwegap pichu, ak ma kastoi komyee iitiikwak, ak ki kogeer konyekwak, si ma keer eng' konyekwak, anan kogas eng' iitiikwak, anan koguiyo eng' mugulelwekwak, si koweek kogeny ak asoop icheek.’

MARIKO 4:12

si eng' ‘keeret kogeerei ama ibestos, ak eng' kaseet kogasei ama iguitos; si ma week ak kenyochi kaat.’ ”

LUKA 20:13

Ak ki le chiitap ko po mbareet, Ayai nee anyun? Ayooktoi weeriinnyu chamanennyu: tamangap kogonyit ineendet.

POISYONIGAP CHE KIYOKTOI 26:18

si kobiit ing'aany konyekwak, ak koweek eng' mesundeito kobwonji lapkeiyet, ak eng' kimnateetap Setani kobwonji Kamuktaindet, si konyoor icheek nyoetap kaat ne po tengekwogik ak poroteet eng' icheek che ki kitiliil amu kayaneet ne mi eng' anee.

POISYONIGAP CHE KIYOKTOI 26:20

ago ki aboorchi che mi Damasko korook, ak eng' Jerusalem, ak eng' emet komugul ne po Judea, ak eng' Pororyosyek ak icheek, si kosik ak koyan Kamuktaindet, koyaei poisyonik che nyoljin siguunet.

POISYONIGAP CHE KIYOKTOI 28:27

Amu kwolilenotin mugulelwegap pichu, ak ma kastoi komyee iitiikwak, ak kiger icheeget konyekwak; si ma keer eng' konyekwak, anan kogas eng' iitiikwak, anan koguiyo eng' mugulelwekwak, si koweek kogeny, ak asoop icheek.’

POISYONIGAP CHE KIYOKTOI 3:19

Osigu anyun ak owalage, si kobiit kibukto tengekwogikwok, si kobwa anyun peetuusyek che po kamuung'et che punu taitap Kiptaiyat;

NG'ATUTIK 30:2

ak ngiweekyigei Kamuktaindet ne Toroor Kamuktaindeng'ung', igas iit kutinnyi ko uu tugul che kang'atiin rani inyee ak lagoguk eng' muguleldang'ung' komugul eng' saboondang'ung' komugul,

NG'ATUTIK 30:8

Ak iweege igas iit kutitap Kamuktaindet ne Toroor ak iyai ng'atuutikyik tugul che ang'atiin rani.

NG'ATUTIK 5:29

Kata myee anyun nda tinyei kotugul muguleldo ne uu nooto si koiywea ak koriip ng'atuutikyuk tugul si komyeeit eng' icheek ak eng' lagokwak agoi.

2 PETERO 3:9

Ma igaegei Kiptaiyat eng' arorutyennyi, ko uu ye iiti alak kagaetapkei; ago muitoi agobo okweek, ma machei kolus chii age tugul, ago machei kobwonji tugul siguunet.

1 SAMUEL 7:3

Ki leenji `Samuel koot tugul ne po Israel, “Ngot oweekyinigei Kamuktaindet ne Toroor eng' mugulelwekwok tugul, ko nyolu oiste kamuktaik che pororyosyek alak ak Astarot eng' kwenung'wong' ak otokyi mugulelwekwok Kamuktaindet ne Toroor ak oot ineendet ineegei, si kosarwok eng' eunegap Philistiik.”