JEREMIA 34:17 - BUKUIT NE TILIIL Sireet ne Dutero Kanon

¹⁷ Mwaei anyun Kamuktaindet ne Toroor kole: Ma oepcha iit, si omwaite katyaget, eng' chii age tugul eng' tupchennyi, ak eng' chii age tugul eng' chiitap kokwennyi: ogeero, amwaiwok katyaget, mwaei Kamuktaindet ne Toroor, ne po rotwetap chok, ne po koroito, ak ne po rubeet; ak agoitook kewiirchok komosi ak komosi eng' pounatosyek tugul che po ng'wony.

Bukuit Ne Tilil

¹⁷ Mwaei anyun Kamuktaindet ne Toroor kole: Ma oepcha iit, si omwaite katyaget, eng' chii age tugul eng' tupchennyi, ak eng' chii age tugul eng' chiitap kokwennyi: ogeero, amwaiwok katyaget, mwaei Kamuktaindet ne Toroor, ne po rotwetap chok, ne po koroito, ak ne po rubeet; ak agoitook kewiirchok komosi ak komosi eng' pounatosyek tugul che po ng'wony.

BUKUIT NE TILIL

¹⁷ Mwaei anyun Jehovah ko u ni kole: Ma oepcha it, si omwaite katiaget, eng’ chi age tugul eng’ tupchennyi, ak eng’ chi age tugul eng’ chitab kokwennyi: ogeero, amwawok katiaget, mwaei Jehovah, ne bo rotwetab chok, ne bo koroito, ak ne bo rubet; ak agoitook kewirjok komosi ak komosi eng’ bounatosiek tugul che bo ng’ony.

JEREMIA 34:17 Referencias Cruzadas

JEREMIA 15:2

Ak ngo teebenen koleenjin, kibendi ano? Imwachi anyun ileenji, mwaei Kamuktaindet ne Toroor kole, Che po meet, kobendi meet, che po rotwetap chok, kobendi rotwetap chok, che po rubeet, kobendi rubeet, ak che po luuleet, kobendi luuleet.

JEREMIA 15:4

Ak agoite icheek kewiirchi komosi ak komosi eng' pounatosyek tugul che po ng'wony, amu kiit ne ki yai Manasseh weeriitap Hezekiah ko laitoryatap Judah eng' Jerusalem.

JEREMIA 21:7

Ak ye ibata, mwaei Kamuktaindet ne Toroor, asaru Zedekiah laitoryatap Judah, ak otwogikyik, ak piik, piik che ng'etu eng' nganasaniito, asaru eng' koroito, ak eng' rotwetap chok, ak eng' rubeet, agoite koba eutap Nebukadresar laitoryatap Babilon, ak koba eunegap puunikwak, ak eunegap icheeget che cheeng'ei saboonwekwak: ak kobar icheek eng' rotwetap chok; ma pagaaktoi, ama riiree, ama rireegei.

JEREMIA 29:17

mwaei Kamuktaindet ne Toroor ne po lugoosyek kole: Ogeero, ayookyini icheek rotwetap chok, ak rubeet, ak koroito, ak ayai icheek koigei logoegap mogoonik che samis, che ma kimuuchi keam, amu yaacheen miising'.

JEREMIA 29:18

Ak asube icheek rotwetap chok, ak rubeet, ak koroito, ak agoite icheek kewiirchi komosi ak komosi eng' pounatosyek tugul che po ng'wony, si koek che chubootiin ak che kikwong'ee, che kireenyei ak che kiteweeri, eng' pororyosyek tugul che ki aoonji;

JEREMIA 32:24

Ogeero karurugutigap ng'ung'unyek ole punu piik kobwanei koluulei nganasani; ak kagigoochi nganasani eutap Kaldeik che paregei ak nganasanooto, amu rotwetap chok, ak rubeet, ak koroito: ak kagosulda nooto ki imwa; ak keero, igeere nooto.

JEREMIA 32:25

Ee Kiptaiyat Kamuktaindet ne Toroor, ki imwaiwo ileenjo, Aljige mbareet eng' fedha, ak iguur paorinik; nganda ki kigoochi nganasani eutap Kaldeik.

JEREMIA 32:36

Mwaei anyun Kamuktaindet ne Toroor, Kamuktaindetap Israel, agobo nganasani, ne omwae ole, Kagigoochi eutap laitoryatap Babilon eng' rotwetap chok, ak eng' rubeet, ak eng' koroito, kole,

JEREMIA 34:8

Ki nyoonji Jeremiah `ng'olyoot ne ki punu Kamuktaindet ne Toroor, ye kingo kagoyai Laitoryat Zedekiah arorutyet kobooto piik tugul che ki mi Jerusalem, kole, komwaita katyaget eng' icheek;

JEREMIA 38:2

mwaei Kamuktaindet ne Toroor kole, ineendet ne tebee nganasani, kebarei eng' rotwetap chok, ak eng' rubeet, ak eng' koroito: ago ineendet ne wendi kap Kaldeik kosabei ak koek sabeennyi ne kiluulei.

RIREKAB JEREMIA 1:8

Ki koyai Jerusalem tengekto ne ya miising'; kogoek anyun kiit ne murwoon amu nooto. Sasei ineendet tugul che ki konyiti ineendet, amu ki kogeer aach ngorinnyi. Ee, tigeni, ak koweechigei let.

MATAYO 7:2

Amu kirwooget ne orwoochi ko tuun kirwoogunenok nooto, ak eng' kerutyet ne ogere, ko tuun kigerunenok nooto.

GALATYEK 6:7

Amat kegenaak; ma kigengenie Kamuktaindet; amu kiit age tugul ne koolei chii, kotun kesei nooto agine.

NG'ATUTIK 19:19

oyachi anyun ko uu ye kata machei koyachi ne tupcho. Iste ko uu nooto anyun yaityet eng' kwenung'ung'.

NG'ATUTIK 28:25

“Igoitoin Kamuktaindet ne Toroor koterteerin puuniguk. Ibookyini eng' ooreet agenge ak imwee eng' tainnywa eng' ortinwek tisap ak konaatiin laitornatosyek tugul che po ng'wony.

NG'ATUTIK 28:64

Ak koiyestak Kamuktaindet ne Toroor obe pororyosyek tugul, kobooch tabanda age ne po ng'wony agoi tabanda age. Iote kanamonik eng' olooto che po keetiik ak che po koik, che mengen inyee anan kwanisyeguk.

JAKOBO 2:13

Amu ma tinyei kirwooget rireenetapkei eng' ineendet ne ma iboor rireenetapkei: itorooregei rireenetapkei kogirindoi kirwooget.

NG'ANG'UTYET 16:6

Amu kitumda korotiigap piik che tiliileen ak che po maotik, ak kaigoochi icheek korotiik koe; amu nyoljin icheek ko uu nooto.”