JEREMIA 34:16 - BUKUIT NE TILIIL Sireet ne Dutero Kanon

¹⁶ ago ki owalage ong'wanit kainennyu, ak koweech chii age tugul otwogindennyi, ak otwogindennyi ne tye, che koga otyach koba eng' poiboiyennywa, ak koomutu icheek kogas iit, koek otwogik ak otwogik che tiibiik, eng' okweek.

Bukuit Ne Tilil

¹⁶ ago ki owalage ong'wanit kainennyu, ak koweech chii age tugul otwogindennyi, ak otwogindennyi ne tye, che koga otyach koba eng' poiboiyennywa, ak koomutu icheek kogas iit, koek otwogik ak otwogik che tiibiik, eng' okweek.

BUKUIT NE TILIL

¹⁶ ago kiowalage ong’wanit kainennyu, ak koweech chi age tugul otwogindennyi, ak otwogindennyi ne tie, che koga otiach koba eng’ boiboiyenywa, ak koomutu ichek kogas it, koek otwogik ak otwogik che tibik, eng’ okwek.

JEREMIA 34:16 Referencias Cruzadas

KOMONG'U 20:7

Amemwa kainetap Kamuktaindet ne Toroor Kamuktaindeng'ung' eng' tangoi. Amu iityin Kamuktaindet ne Toroor ng'oogisto ne mwaei kainennyi eng' tangoi.

JEREMIA 34:11

ago eng' let, kowalak icheek, ak koweech kogeny otwogik ak otwogik che tiibiik, che kiga kotyach koba, ak komut icheek kogas iit koek otwogik, ak otwogik che tiibiik.

EZEKIEL 13:22

Amu ki ogoochi muguleldap chii ne po iman koaragen eng' lembechek, chiito ne ma agoochi koaragen; ak ogimiit eunegap kiptengekyot, si ma week kometo ooreennyi ne ya, ak kesar kosap:

EZEKIEL 18:24

Ago ye week ne po iman kometo imandanyi, ak koyai tengekto, ak koyai ko uu tuguuk tugul che kiwechei che yaei chiito ne ya, ko tos sap? Ma kibwaati agot agenge eng' poisyonikyik che po iman che ki koyai: meei amu kachililutyennyi ne ki koyai, ak amu tengektanyi ne ki koyai.

EZEKIEL 20:39

Ago eng' okweek, ee kootap Israel, mwaei Kiptaiyat Kamuktaindet ne Toroor ko uu ni kole: Ngot ko moepcha iit; obe anyun ak koot chii tugul kanamonikyik eng' peetuusyek che pwoonei ak icheek: ago ma omurwoni kainennyu ne tiliil kogeny eng' kagoochinoikwok, ak eng' kanamonikwok.

EZEKIEL 3:20

Kogeny, ngo masta chiito ne po iman, kometo imandanyi, ak koyai tengekto, ak ande kanagutyet tainnyi, komeei ineendet; ko amu ma iteechi, komeei anyun eng' tengektanyi, ama kibwaati poisyonikyik che po iman, che kiga koyai; ago amagenen korotiikyik.

EZEKIEL 39:7

Ak abarte kainennyu ne tiliil eng' piikyuk Israel; ama achamdoi kainennyu ne tiliil king'wanit kogeny: si konai pororyosyek kole aa Kamuktaindet ne Toroor, Ineendet ne Tiliil eng' Israel.

ATEPTAP LAWIK 19:12

Amoyosyechigei eng' kainennyu eng' lembech, agoi ireeny kainetap Kamuktaindeng'ung'. Aa Kamuktaindet ne Toroor.

MALAKI 1:12

Ago ong'waniti ye omwae ole, Murwon meesetap Kamuktaindet ne Toroor, ak ko sasootin logoekyik, agot amitwogikyik.

MALAKI 1:7

Ogoitoi magatiinik che murwonen eng' kaptisisyennyu ak omwae oleen, “Ki kimurwonden ano?” Ye omwae oleen sasaat meesetap Kamuktaindet ne Toroor.

1 SAMUEL 15:11

“Ki ma ta myee aeet Saulo koek laitoryat. Amu kagoweektagei let mata kosuba, ama yai ng'atuutikyuk.” Ki nereech anyun Samuel ak koriirchi Kamuktaindet ne Toroor kemout komugul.