JEREMIA 3:8 - BUKUIT NE TILIIL Sireet ne Dutero Kanon

⁸ Ki aroo agobo ng'olyoondoniito, ye kingo kagoyai Israel ibeetapkei, kogiaoon ineendet ak agoochi parweetap peesyet, ago ma iyweis Judah chepkamennyi kaberberindet. Ago ki wo agine koyai kugoinatet.

Bukuit Ne Tilil

⁸ Ki aroo agobo ng'olyoondoniito, ye kingo kagoyai Israel ibeetapkei, kogiaoon ineendet ak agoochi parweetap peesyet, ago ma iyweis Judah chepkamennyi kaberberindet. Ago ki wo agine koyai kugoinatet.

BUKUIT NE TILIL

⁸ Ak kiageer agobo ng’olyondonito, ye kingo kagoyai Israel ne kiga kogetyigei let, ibetab ge, ko kiaon inendet ak agochi baruetab besiet, ago ma iyweis Juda chepkamennyi kaberberindet; ago kiwa agine koyai kugoinatet.

JEREMIA 3:8 Referencias Cruzadas

2 ATEPTAP PEETUUSYEK 21:11

Ma nooto kityo, ago ki teech kogeny komoswek che torooreen eng' tuloonoogap Judah, ak koyai che ki menyei Jerusalem koibotkei, ak kobeet Judah.

ISAIAH 50:1

Mwaei Kamuktaindet ne Toroor kole, mi ano parweetap pesyetap kamenng'ung', ne ki aoone ineendet? Anan ki aaldachok ng'oo ne yaacha? Ki kialdak amu yaitwogikwok, ak ki kioon kamenng'ung' amu pistaosyekwok.

JEREMIA 2:19

Pirin yaityeng'ung', ak kogerin kong' mastaeng'ung'. Nai ak iguiye ile kiit ne ya ak ko ng'waan, eng' imete Kamuktaindet ne Toroor Kamuktaindeng'ung', ametinye kaiyweisyet ne iywea, mwaei Kiptaiyat, Kamuktaindet ne Toroor ne po lugoosyek.

JEREMIA 3:1

Mwaei icheek kole, Ngot koon chii osotyonnyi, ak kobagaakta ineendet ak koek osotyotap chiito age, ko tos ta koweekyigei chiichooto kwonyooto kogeny? Tos ma imurwoni emet miising'? Ago ki iyai kugoinatet kobooto chamanik che chaang', ago tos oweekyage kogeny? Mwaei Kamuktaindet ne Toroor.

JEREMIA 33:24

tos mebwaati kiit ne kagomwa pichu kole ki gotimda `Kamuktaindet ne Toroor koorchooto aeng' che ki kolewen? Sasei icheek ko uu nooto piikyuk, si ma koegu kogeny pororyet eng' tainnywa.

JEREMIA 5:7

Amuktoi ano anyoun kaat? Ki kometa lagoguk, ak ki koyosyo agobo kanamonik che ma kamuktaik. Kingo kaabai kobiyong'so, koyai ibeetapkei ak koyumjinotkei kooriigap chepkugonik.

EZEKIEL 16:46

Chepkameng'ung' ne oo ko Samaria, ne menyei komostap eung'ung' ne po kaataam, ineendet ak tiibiikyik; ak chepkameng'ung' ne ming'in, ne menyei komostap eung'ung' ne po tai, ko Sodom ak tiibiikyik.

EZEKIEL 16:47

Ago ma isup ortinwekwak, anan isup iyai tuguukwak che kiwechei; ago, nda ki kiit ne ming'in nooto, ko ki iyaitu inyee kosiir icheek eng' ortinweguk tugul.

EZEKIEL 16:51

Ama yai Samaria tengekwogik che siirei kebebertap tengekwogiguk; ago koites tuguuguk che kiwechei, kosiir icheek, ak koiityi imanda chepkametwogiguk eng' tuguuk tugul che kiwechei che koiyai.

EZEKIEL 23:44

Ak ki ipkei ak ineendet, ko uu ye ibegei ak chepkugoniot: ki ipkei anyun ko uu nooto kobooto Oholah ak Oholibah, kwonyiik che yaacheen.

EZEKIEL 23:9

Ki ande anyun ineendet eunegap chamanikyik, kwo eunegap piigap Assyria, che ki chamei miising'.

HOSEA 3:4

Amu tebyei piigap Israel peetuusyek che chaang' ama tinyei laitoryat, ama tinyei pounindet, ama tinyei tiseiywot, ama tinyei toloita, ama tinyei ephod anan terapik.

NG'ATUTIK 24:1

Ngo tunis mureno ama nyoor osotyonnyi chameet eng' tainnyi amu kageerchi chiichooto kiy ne ya kwonyooto, kosirchi anyun sireetap peesyet konde eunnyi ak koon eng' koonnyi.

NG'ATUTIK 24:3

Ngo wech ineendet manong'otyot ne po let ak kosirchi sireetap peesyet ak konde eunnyi yeityo koon eng' koonnyi anan ngo me manong'otyot ne po let ne ki itun ineendet,