JEREMIA 3:22 - BUKUIT NE TILIIL Sireet ne Dutero Kanon

²² Oweege, okweek lagok che ki ogetyigei let, si asoop kachuchugeng'wong' pogei. Ak owolu oleen, Kagibwonjin, amu ii Kamuktaindet ne Toroor, Kamuktaindennyo.

Bukuit Ne Tilil

²² Oweege, okweek lagok che ki ogetyigei let, si asoop kachuchugeng'wong' pogei. Ak owolu oleen, Kagibwonjin, amu ii Kamuktaindet ne Toroor, Kamuktaindennyo.

BUKUIT NE TILIL

²² Oweege, okwek lagok che kiogetyigei let, si asoob kachuchugeng’wong’ bo ge. Keero, kagibwanjin; amu i Jehovah Kamuktaindennyo.

JEREMIA 3:22 Referencias Cruzadas

TYENDO NE SIIREI TUGUL 1:4

Imuta, ngechakte keebe tuwai. Kagomutwaa laitoryat anyo kooriikyik che po oriit. Kigasigei ak keboiboitu eng' inyee, kimwaitoi acheek chamyeng'ung' kosiir divaik. Chamin icheek eng' iman.

ISAIAH 1:2

Ogas, ee kipsengwet! Oep iit, inyee ng'wony! Amu kagotwek Kamuktaindet ne Toroor, kole: Ki aguu ak ki aneet lagok, ago ki kongelelja.

ISAIAH 27:8

Ki oborye ak ineendet ne yamei, ye ki ioone; ki isto ineendet eng' usoonennyi ne ng'waan eng' peetuutap usoonetap kong'asiis.

ISAIAH 31:6

Oweekyigei ineendet ne ki ongelelji miising', ee lagogap Israel.

ISAIAH 57:17

Amu ki anereech agobo tengektap kasennyi ne po myat, ak abir ineendet, ki auny togeennyu ak anereech: ak kites komaasak eng' ooreetap muguleldanyi.

JEREMIA 3:12

Ui, mwachi ng'aleechu komostap murot kaataam, ileenji, weege, inyee Israel ne ki iweekyigei let, mwaei Kamuktaindet ne Toroor. Ma ageerok eng' nereegek. Amu atinye rireenet, mwaei Kamuktaindet ne Toroor, Manereechi agoi.

JEREMIA 30:17

Amu asaabin, ak anyaa mooguk, mwaei Kamuktaindet ne Toroor; amu kigoguurenen ne ki kitimda, kole Zion niito, ne ma mage kiy chii.

JEREMIA 31:18

Koagas iman koteechingei Ephraim, koleen, Ki itigoono, ak ki atigoonage: ko uu moita ne tomo konai chogit: welela, si awelelok; amu ii Kamuktaindet ne Toroor Kamuktaindennyu.

JEREMIA 33:6

Ogeero, anyaai ak asoobi, ak asoobi icheek; ak ang'aang'ji icheek chaang'indap kaalyeet ak imanda.

JEREMIA 4:1

“Ngot iweege, ee Israel, iweekyinage,” mwaei Kamuktaindet ne Toroor “Ngot iiste tuguuguk che kiwechei eng' tainnyu, koma keistoin anyun,

EZEKIEL 18:30

Arwookwok anyun, ee kootap Israel, chii age tugul ko uu ortinwekyik, mwaei Kiptaiyat Kamuktaindet ne Toroor. Oweege, ak owalage, omete pistaosyekwok tugul; si ma ek tengekto ng'emisyeng'wong'.

EZEKIEL 33:11

Mwachi icheek ileenji, ko uu ye asabe, mwaei Kiptaiyat Kamuktaindet ne Toroor, koma paibaitune meetap kiptengekyot; ago abaibai ngo week kiptengekyot kometo ooreennyi, ak kosap: oweege, oweege, omete ortinwekwok che yaach; amu nee si obegu, ee kootap Israel?

HOSEA 13:4

Ago, aa Kamuktaindet ne Toroor Kamuktaindeng'ung' kobooch emetap Misiri: amecheeng'jigei kamuktain ne teer, kobatena aneege, ama mi yetindet age kobatena.

HOSEA 14:1

Ee Israel, weekyigei Kamuktaindet ne Toroor Kamuktaindeng'ung'; amu ki ibut eng' tengektong'ung'.

HOSEA 14:4

Asoobi kachuchugeng'wong' pogei, achame icheek miising': amu kogoistoegei ineendet nereegekyuk.

HOSEA 14:5

Aigeitu rewoot eng' Israel: yiei ineendet ko uu taapteet ne karaaran, ak kowakta tigitikyik ko uu Lebanon.

HOSEA 14:8

Tuun mwaei Ephraim kole, ta keting'egei nee kogeny ak kanamonik? Kaawolu, ak ageer ineendet: auu piribiret ne tuon; punwa logoeguk.

HOSEA 3:5

Ye ibata koweek piigap Israel ak kocheeng' Kamuktaindet ne Toroor Kamuktaindennywa ak Daudi laitoryandenywa; pwaanjin `icheek Kamuktaindet ne Toroor ak myeeindonyi eng' kaiyweisyet eng' peetuusyek che po let.

JOEL 2:12

Ago mwaei Kamuktaindet ne Toroor kole oweekyage agot nguno eng' mugulelwekwok tugul, eng' karugutetapkei, ak eng' riirek, ak eng' kateeiyet:

SEKARIA 13:9

Ak amut kebeberato po somok kobun maat, ak atiliil icheek ko uu ye kitiliili fedha ak atyem icheek ko uu ye kityemei thahabu: kuurei icheek kainennyu, ak agas icheek: amwae ale, Icheeget ko piikyuk; ak kole, Kamuktaindet ne Toroor ko Kamuktaindennyu.