JEREMIA 3:14 - BUKUIT NE TILIIL Sireet ne Dutero Kanon

¹⁴ Oweege, okweek lagok che motinye kayaneet, mwaei Kamuktaindet ne Toroor, Amu anee ko aa manong'otyot eng' okweek, amutu chii agenge agenge eng' nganaseet age tugul, ak piik aeng' che po ooreet agenge, ak amutak agoi Zion.

Bukuit Ne Tilil

¹⁴ Oweege, okweek lagok che motinye kayaneet, mwaei Kamuktaindet ne Toroor, Amu anee ko aa manong'otyot eng' okweek, amutu chii agenge agenge eng' nganaseet age tugul, ak piik aeng' che po ooreet agenge, ak amutak agoi Zion.

BUKUIT NE TILIL

¹⁴ Oweege, okwek lagok che kiogetyige let, mwaei Jehovah; amu a manong’otiot eng’ okwek; ak amut chito agenge eng’ nganaset agenge, ak bik aeng’ che bo oret agenge, ak amutwak obwa Sion.

JEREMIA 3:14 Referencias Cruzadas

2 ATEPTAP PEETUUSYEK 30:6

Ki ip anyun piik che kiga kiyookto, paronok che ki punu laitoryat ak pounikyik, koba Israel tugul ak Judah, ko uu ng'atuutyetap laitoryat, koleenji, “Okweek piigap Israel, oweekyigei Kamuktaindet ne Toroor, Kamuktaindetap Abraham, Isak ak Israel, si komuuch ineendet koweekyigei piik che ki ng'et, che kichililso eng' okweek eng' eunegap laitorinigap Assyria.

ISAIAH 1:9

Nda ki ma pagaakwech Kamuktaindet ne Toroor ne po lugoosyek ng'etunenik che ng'ering' miising', ta kiga kiwoongwech ko uu Sodom ak Gomorah.

ISAIAH 10:22

Agot nganda uu piiguk che po Israel ng'aniek che po nyanjet, koweeksei piik che ng'etu kityo eng' icheek. Kigeng'at kagesunet eng' icheek, ne ng'elyektoi eng' imanda.

ISAIAH 17:6

Nganda uu nooto, kong'etu turoonik, ko uu ye kitumdumi mseituni, ak kong'etune logoek aeng' anan ko somok eng' temeet ne tabanu parak, ak kong'etune ang'wan anan ko muut eng' mooriik che ki iwakta kolooegitu che po keetit ne rurei, mwaei Kamuktaindet ne Toroor, Kamuktaindetap Israel.

ISAIAH 27:12

Tuun pirei Kamuktaindet ne Toroor eng' peetuunooto logoekyik korara, kobooch nyiietap Aineetap Yufrets agoi kererutap Misiri, ak kiyumak agenge agenge, ee okweek lagogap Israel.

ISAIAH 31:6

Oweekyigei ineendet ne ki ongelelji miising', ee lagogap Israel.

ISAIAH 44:22

Ki aiste pistaosyeguk, ko uu pooldet ne oo, ak ki aiste tengekwogiguk, ko uu pooldet: weekyage; amu ki atyachin.

ISAIAH 54:5

Amu Yaindeng'ung' ko manong'otyondeng'ung'; Kamuktaindet ne Toroor ne po lugoosyek kainennyi ak Ineendet ne Tiliil ne po Israel ko katyagindeng'ung'. Kiguure ineendet Kamuktaindetap ng'wony komugul.

ISAIAH 55:7

ingometo kiptengekyot ooreennyi, ak ingometo ineendet ne ma po iman, kabwaatutikyik: ak ingoweekyigei Kamuktaindet ne Toroor, si koriiree; ak ingoweekyigei Kamuktaindennyo, amu nyochin kaat iman.

ISAIAH 57:17

Amu ki anereech agobo tengektap kasennyi ne po myat, ak abir ineendet, ki auny togeennyu ak anereech: ak kites komaasak eng' ooreetap muguleldanyi.

ISAIAH 6:13

Ak ngot kota komi kebeberta agenge eng' taman, keamei kogeny, keetit ne kiguure alayet anan keetit age ne uu tarakwet, che ng'etu musugikwak ye kageep.” Uu nooto musugyet, iyoteet ne tiliil ko tigitikyik.

JEREMIA 2:19

Pirin yaityeng'ung', ak kogerin kong' mastaeng'ung'. Nai ak iguiye ile kiit ne ya ak ko ng'waan, eng' imete Kamuktaindet ne Toroor Kamuktaindeng'ung', ametinye kaiyweisyet ne iywea, mwaei Kiptaiyat, Kamuktaindet ne Toroor ne po lugoosyek.

JEREMIA 2:2

“Ui, ititenji Jerusalem, ileenji, mwaei Kamuktaindet ne Toroor: ‘Abwaatin agobo myeeindap ming'inateng'ung', chamyetap katunisyeng'ung', ko uu ye ki isubwo eng' surkwen, eng' emet ne ki ma kegolei.’

JEREMIA 23:3

Ak ayum che ki ng'et che po akweennyu komong' eng' emotinwek tugul ole kigaonji, ak amutu kogeny kobwa piusyekwak; ak koiiyo kotesagis.

JEREMIA 29:14

Ak onyoorwo, mwaei Kamuktaindet ne Toroor, ak awal luuleng'wong', ak ayumak omang'une pororyosyek tugul, ak eng' komoswek tugul ole ki aoonjok, mwaei Kamuktaindet ne Toroor; ak amutwak kogeny obwa olito ki agoitoenok.

JEREMIA 3:1

Mwaei icheek kole, Ngot koon chii osotyonnyi, ak kobagaakta ineendet ak koek osotyotap chiito age, ko tos ta koweekyigei chiichooto kwonyooto kogeny? Tos ma imurwoni emet miising'? Ago ki iyai kugoinatet kobooto chamanik che chaang', ago tos oweekyage kogeny? Mwaei Kamuktaindet ne Toroor.

JEREMIA 3:12

Ui, mwachi ng'aleechu komostap murot kaataam, ileenji, weege, inyee Israel ne ki iweekyigei let, mwaei Kamuktaindet ne Toroor. Ma ageerok eng' nereegek. Amu atinye rireenet, mwaei Kamuktaindet ne Toroor, Manereechi agoi.

JEREMIA 3:8

Ki aroo agobo ng'olyoondoniito, ye kingo kagoyai Israel ibeetapkei, kogiaoon ineendet ak agoochi parweetap peesyet, ago ma iyweis Judah chepkamennyi kaberberindet. Ago ki wo agine koyai kugoinatet.

JEREMIA 31:12

Ak kobwa kotyen eng' ole toroor eng' Zion, ak koroot koba tugul ole mi myeeindap Kamuktaindet ne Toroor, ole mi peek, divaik, ak mwanik, ak ole mi aaregap keechiir ak moek, ak koigei saboonwekwak mbareet ne kibisi; ama koaragendos kogeny agot kitigin.

JEREMIA 31:32

ma ko uu kayomiset ne ki kiyomiske ak kwanisyekwak eng' peetuut ne ki anamanu icheek amutu komong' eng' emetap Misiri; kayomiset nootonyu ne king'em icheek, nganda ki aa manong'otyot eng' icheek, mwaei Kamuktaindet ne Toroor.

JEREMIA 31:6

Amu piitu peetuut ye ititendos riibiik eng' tuloonook che po Ephraim: kole, “Ong'eetyee, keebe Zion kootap Kiptaiyat Kamuktaindennyo.”

HOSEA 5:15

Aweekyinigei anyun oldanyu, agoi kong'aany chalwoktanywa ak kocheeng'a. Eng' nyalildanywa ko cheeng'a icheek eng' kagiiletapkei.

SEKARIA 1:4

Amoigei kwanisyekwok, che kiga iteechi maotik che po tai, koleenji, “Mwaei Kamuktaindet ne Toroor ne po lugoosyek kole, ‘Oweege anyun nguno omete ortinwekwok che yaach ak poisyonikwok che yaach.’ ” Ago ki ma kas icheek anan koepcha iit, mwaei Kamuktaindet ne Toroor.

ROMANIK 9:27

Ak ki mwa Isaiah eng' kutit ne oo agobo Israel, kole, “Agot ngo koitetap piigap Israel ko tee ng'aniegap nyanjet, kesaru che ki ng'et;