JEREMIA 3:12 - BUKUIT NE TILIIL Sireet ne Dutero Kanon

¹² Ui, mwachi ng'aleechu komostap murot kaataam, ileenji, weege, inyee Israel ne ki iweekyigei let, mwaei Kamuktaindet ne Toroor. Ma ageerok eng' nereegek. Amu atinye rireenet, mwaei Kamuktaindet ne Toroor, Manereechi agoi.

Bukuit Ne Tilil

¹² Ui, mwachi ng'aleechu komostap murot kaataam, ileenji, weege, inyee Israel ne ki iweekyigei let, mwaei Kamuktaindet ne Toroor. Ma ageerok eng' nereegek. Amu atinye rireenet, mwaei Kamuktaindet ne Toroor, Manereechi agoi.

BUKUIT NE TILIL

¹² Ui mwachi ng’alechu komostab murot ne bo katam, ilenji, Weege, inye Israel ne kiiweekyige let, mwaei Jehovah; ma ageerok eng’ neregek: amu atinye rirenet, mwaei Jehovah, manerechi agoi.

JEREMIA 3:12 Referencias Cruzadas

TAUNET 4:7

Ngot iyai ne myee, ko tos ma kitaachin? Ago ngo meyai ne myee, ko ruei tengekto eng' kurgat, tokyiningei magennyi, ago magaat anyun ibou.”

2 LAITORINIK 15:29

Ki nyo Tiglat-peleser laitoryatap Assyria eng' peetuusyegap Pekah laitoryatap Israel ak ki nam Ijon, Abel ne po Beth-maaka, Janoah, Kedesh, Hasor, kobooto Gilead, Galilaya, ak emet tugul ne po Naphtali ak kiluul icheek komut koba Assyria.

2 LAITORINIK 17:23

agoi kong'eeto Kamuktaindet ne Toroor Israel eng' tainnyi, ko uu ye ki mwa eng' otwogikyik tugul, maotik. Ki kiluul anyun Israel kimut eng' emennywa koba emetap Assyria agoi ra.

2 LAITORINIK 17:6

Ki nam laitoryatap Assyria Samaria, eng' kenyiitap sogool ne po Hoshea ak komut Israel koba Assyria. Ki imut icheek kwo konde komeny Hala ak Habor, eng' aineetap Gosan ak nganasoogap Medes.

2 LAITORINIK 18:1

Ki toi kolaitoran Hezekiah weeriitap Ahaz laitoryatap Judah eng' kenyiitap somok kobooch kolaitoran Hosea weeriitap Elah eng' Israel.

2 ATEPTAP PEETUUSYEK 29:10

Ara anyun, mi muguleldanyu kiyomiske ak Kamuktaindet ne Toroor, Kamuktaindetap Israel, si keistoenech nereegekyik che koroomen.

2 ATEPTAP PEETUUSYEK 30:9

Amu ngo weekyigei Kamuktaindet ne Toroor, kosichei tupchosyekwok ak lagokwok rireenet eng' taitap icheeget che kiluul icheek, ak koweek kogeny kobwa emoni. Amu tinyei Kamuktaindet ne Toroor Kamuktaindeng'wong' myeeindo ak rireenet, ama ituktochinok patai ngot oweekyigei ineendet.”

TIENWOGIKAL 103:17

Ago tebyei rireenetap Kamuktaindet ne Toroor koigeny ak koigeny eng' icheek che iywei ineendet, ak imandanyi eng' lagogap lagok,

TIENWOGIKAL 103:8

Nyiitaat Kamuktaindet ne Toroor rireenet ak ko po myeeindo, ma sip konereechi ak tinyei rireenet ne oo.

TIENWOGIKAL 103:9

Ma kerei kong' kotugul, ama konori nereegekyik agoi.

TIENWOGIKAL 145:8

Kamuktaindet ne Toroor ko ne po myeeindo ak ko nyiitaat rireenet; ma sip konereechi ak tinyei rireenet ne oo.

TIENWOGIKAL 79:5

Ee Kamuktaindet ne Toroor, tyanitu, tos inereechi agoi? Tos lalei ng'etkondang'ung' ko uu maat?

TIENWOGIKAL 86:15

Ago inyee, ee Kiptaiyat, ko ii Kamuktaindet ne nyiitaat rireenet ak ko po myeeindo, Ne ma sip konereechi, ne tinyei chaang'indap rireenetapkei ak imanit.

TIENWOGIKAL 86:5

Amu ii myee inyee Kiptaiyat, ak ii choboot inyochi kaat, Ak itinye chaang'indap rireenetapkei eng' icheek che kuurin.

KALEWANAIK 28:13

Ma nyooru perurto ineendet ne unyei pistaosyekyik, ago nyooru rireenet age tugul ne ng'aanyei ak kometo.

ISAIAH 31:6

Oweekyigei ineendet ne ki ongelelji miising', ee lagogap Israel.

ISAIAH 44:22

Ki aiste pistaosyeguk, ko uu pooldet ne oo, ak ki aiste tengekwogiguk, ko uu pooldet: weekyage; amu ki atyachin.

JEREMIA 11:6

Ki leenjo kogeny anyun `Kamuktaindet ne Toroor, mwaite ng'aleechuuto tugul eng' nganasoogap Judah ak eng' ortinwegap Jerusalem, ileenji, ogas ng'aleegap arorutyoni ak oyai.

JEREMIA 12:15

Ago ye kaatut icheek, aweechigei ak ariiree icheek. Ak amutu kogeny konyo age tugul porotennyi ak konyo age tugul emennyi.

JEREMIA 23:8

Ago, mwaei kole, ko uu ye sabei Kamuktaindet ne Toroor, ne ki imut iyoteetap kootap Israel komong' eng' emet ne po murot kaataam, ak eng' emotinwek tugul ole kigaonji icheek, ak komeny emennywa.

JEREMIA 3:1

Mwaei icheek kole, Ngot koon chii osotyonnyi, ak kobagaakta ineendet ak koek osotyotap chiito age, ko tos ta koweekyigei chiichooto kwonyooto kogeny? Tos ma imurwoni emet miising'? Ago ki iyai kugoinatet kobooto chamanik che chaang', ago tos oweekyage kogeny? Mwaei Kamuktaindet ne Toroor.

JEREMIA 3:14

Oweege, okweek lagok che motinye kayaneet, mwaei Kamuktaindet ne Toroor, Amu anee ko aa manong'otyot eng' okweek, amutu chii agenge agenge eng' nganaseet age tugul, ak piik aeng' che po ooreet agenge, ak amutak agoi Zion.

JEREMIA 3:18

Eng' peetuusyechooto, ko tuun pendoti kootap Judah ak kootap Israel, tuun pwoonei tuwai komong' eng' emet ne po murot kaataam kobwa emet ne ki agoochi kwanisyekwok kobunji.

JEREMIA 3:22

Oweege, okweek lagok che ki ogetyigei let, si asoop kachuchugeng'wong' pogei. Ak owolu oleen, Kagibwonjin, amu ii Kamuktaindet ne Toroor, Kamuktaindennyo.

JEREMIA 3:5

Tos nereechi ineendet agoi? Nereechi agoi kagesunet? Keero, ki ing'alaal ko uu ni, ak ki iyai tuguuk che yaacheen ak ki isup oreng'ung'.

JEREMIA 3:7

Ki abwaat anyun ale, kingo kagoyai tuguuchuuto tugul, ko weekyinagei ineendet. Ago ma week, chepkamennyi Judah kaberberindet ko ak ki keer niito.

JEREMIA 30:11

Amu ami kobooten, mwaei Kamuktaindet ne Toroor, si asaruun; amu ageesu pororyosyek tugul che kigayestochin, ago magesun inyee; ago atigoonenen kirwooget, amabagaaktoin ama kibirin.

JEREMIA 31:20

Tos weeriitnnyu ne achame, Ephraim? Tos ineendet ko lakweet ne kiboiboitune? Amu ye ang'alaali kotugul areenye ineendet, abwaati ineendet miising' kora: iima moennyu amu ineendet; ariiree ineendet iman, mwaei Kamuktaindet ne Toroor.

JEREMIA 31:21

Lumjige kaboorunoik che po ooreet, yachigei keetiik che ibooru ooreet: tokyi muguleldang'ung' ooreet ne oo, nooto ooreet ne ki ibune: weege kogeny, ee pergeiyatap Israel, weekyigei nganasochuguk.

JEREMIA 31:8

Keero, amutu icheek eng' emet ne po murot kaataam, ak ayum icheek eng' ole poochin ng'wony, kobooto ne koraat ak ne ing'wali, kobooto kwondo ne tamono, ak ineendet ne machei kosigiis: weeksei olito, ko tuiyet ne oo.

JEREMIA 33:26

atimdoi anyun agine iyoteetap Jakobo, ak ne po Daudi otwogindennyu, kot koma lewen iyotennyi koek pounik che pou iyoteetap Abraham, Isak, ak Jakobo: amu agoochini koweek eng' ole ki kiluulji, ak ariiree icheek.

JEREMIA 4:1

“Ngot iweege, ee Israel, iweekyinage,” mwaei Kamuktaindet ne Toroor “Ngot iiste tuguuguk che kiwechei eng' tainnyu, koma keistoin anyun,

RIREKAB JEREMIA 3:22

Ki rireenosyegap Kamuktaindet ne Toroor kityo si ma kigeswech, amu mararu rireenosyekyik.

EZEKIEL 11:17

Mwaa anyun ile, Mwaei Kiptaiyat Kamuktaindet ne Toroor kole: Ayumok omang'une pororyosyek, ak ayumok omang'une emotinwek ole ki oyestoochi, ak agoonok emetap Israel.

EZEKIEL 33:11

Mwachi icheek ileenji, ko uu ye asabe, mwaei Kiptaiyat Kamuktaindet ne Toroor, koma paibaitune meetap kiptengekyot; ago abaibai ngo week kiptengekyot kometo ooreennyi, ak kosap: oweege, oweege, omete ortinwekwok che yaach; amu nee si obegu, ee kootap Israel?

EZEKIEL 39:25

Mwaei anyun Kiptaiyat Kamuktaindet ne Toroor kole: Amutu kogeny che ki kiluul che po Jakobo, ak ariiree koot komugul ne po Israel; ak koama ng'etkong' agobo kainennyu ne tiliil.

HOSEA 6:1

“Obwa, keeweekyigei Kamuktaindet ne Toroor: amu ki kogereerech ak konyaech; ki kobirech ak inyaech.

ATEPTAP LAWIK 26:40

“Ago ngot kong'aany tengekwogikwak, ak che po kwanisyekwak eng' kachiliilutikwak che ki yaiywo icheek, ak kogeny amu kitila let,

SEKARIA 1:4

Amoigei kwanisyekwok, che kiga iteechi maotik che po tai, koleenji, “Mwaei Kamuktaindet ne Toroor ne po lugoosyek kole, ‘Oweege anyun nguno omete ortinwekwok che yaach ak poisyonikwok che yaach.’ ” Ago ki ma kas icheek anan koepcha iit, mwaei Kamuktaindet ne Toroor.

NG'ATUTIK 30:2

ak ngiweekyigei Kamuktaindet ne Toroor Kamuktaindeng'ung', igas iit kutinnyi ko uu tugul che kang'atiin rani inyee ak lagoguk eng' muguleldang'ung' komugul eng' saboondang'ung' komugul,