JEREMIA 2:34 - BUKUIT NE TILIIL Sireet ne Dutero Kanon

³⁴ Kogeny, ko miitei ngoroiguk, korotiigap kibananook che ma tinyei tengek. Ma inyoorchi icheek ole ki kobutok. Ago eng' chuuto tugul,

Bukuit Ne Tilil

³⁴ Kogeny, ko miitei ngoroiguk, korotiigap kibananook che ma tinyei tengek. Ma inyoorchi icheek ole ki kobutok. Ago eng' chuuto tugul,

BUKUIT NE TILIL

³⁴ Mitei kogeny ngoroiguk korotikab kibananok che matinyei tengek: ma anyorji ole kigobutok, ago kianyorji chuto tugul.

JEREMIA 2:34 Referencias Cruzadas

2 LAITORINIK 21:16

Kitumda kogeny Manasseh korotiik che chaang' kot, che ma tinyei tengek, kot konyiit Jerusalem kong'etee komosta age agoi komosta age; kobooto tengektanyi ne ki ibeete Judah si koyai tengekto, eng' yaityet ne ki yai eng' taitap Kamuktaindet ne Toroor.

2 LAITORINIK 24:4

ak agobo korotiik che ma tinyei tengek che kitumda. Amu ki inyiit ineendet Jerusalem korotiik che ma tinyei tengek, ak ki eesyo Kamuktaindet ne Toroor konyochi kaat.

KOMONG'U 22:1

“Ngo choor chii tany anan keechiir ak koeeny anan koalda, kogoonu tuuga muut kogeere tanyata anan ko keechiirek ang'wan kogeere keechiiryonooto.

KOMONG'U 22:2

Ngenam choorindet kobutisyei komachei kochoorso ak kebar, koma mi tengektap korotiik eng' ineendet ne kabarei.

ISAIAH 57:5

che olaali mageng'wong' eng' keetiik keel, eng' kelutap keetit age tugul ne tuon; okweek che obare lagok eng' atebwosyek, eng' ole kibetak eng' rwandosyek?

ISAIAH 59:3

Amu murwonen eunekwok eng' korotiik, ak ko murwonen morikwok eng' tengekto; kogomwa kutusweekwok lembechek, ng'alaali ng'elyebwekwok yaityet.

ISAIAH 59:7

Ruachin keelyekwak yaityet, ak kochoktoi kotumda korotiik che ma tinyei tengek: kabwaatutikwak ko kabwaatutigap tengekto; mi ortinwekwak kubernateet ak ng'emisyet.

JEREMIA 19:4

Amu ki kometa icheek, ki koyai yuto koek ole ma kinaei, ak ki kobeelji eng' yuto, nyamdutik, kanamonik che teer, che ki ma kongen, icheeget ak kwanisyekwak ak laitorinigap Judah; ak kigonyiit olito korotiigap che ma tinyei tengek;

JEREMIA 2:33

Ichoptoi ano oreng'ung' si icheeng' chamyet! Amu nee, si ko ki ineet, kwonyiik che yaacheen ortinweguk.

JEREMIA 6:15

Tos ki ililanso ye kingo yai tuguuk che kiwechei? Achicha, ma ililanso agot kitigin, ama walogis togoochikwak. Ibutos anyun kobooto icheeget che ibutos, tuun ki wiirtoi eng' peetuut ne anyoonjini icheek abire, mwaei Kamuktaindet ne Toroor.

JEREMIA 7:31

Kigoteech komoswek che torooreen che po Topet, ne mi atebweetap weeriitap Hinom, si kobeel weeriikwak ak tiibiikwak eng' maat; ne ki ma ang'at, ne ma kuura met.

JEREMIA 7:6

ngot ko mosastoe toondet, ak ne ma tinyei sigiik, ak mosoget, amotumde korotiik che ma tinyei tengek eng' olito, anan osubote kamuktaik che teer ogoochinegei nyalilda,

JEREMIA 8:12

Tos ki ililanso ye kingo yai tuguuk che kiwechei? Achicha, ma ililanso agot kitigin, ama walogis togoochikwak. Tuun ibutos anyun icheeget kobooto chooto ki ibutyo. Tuun ki wiirtoi icheek eng' peetuut ne kibirei, mwaei Kamuktaindet ne Toroor.”

RIREKAB JEREMIA 1:9

Ki mi simdanyi ngoroikyik; ma ibwaat kagesunennyi ne po let. Katururgei anyun eng' kwong'eet; ma tinyei kagaigaindet: Ee Kamuktaindet ne Toroor, keero nyalildanyu; amu kogotoroorgei puunyoot.

RIREKAB JEREMIA 4:14

Ombenioti eng' ortinwek ko uu kipkoratinik, ki komurwanitu amu korotiik, kot koma ko kanyei chii kotiny ngoroikwak.

EZEKIEL 20:31

Ak ye ogoitoi kagoochinoikwok, ye ogoitoi weeriikwok kobun maat, ko tos ma omurwonegei kanamonikwok agoi rani? Ko tos oteepsena, okweek kootap Israel? Mwaei Kiptaiyat Kamuktaindet ne Toroor kole, ko uu ye asabe, koma achame oteepsena:

EZEKIEL 22:25

Miitei kwenunnyi chaamset ne po maotikyik, ne uu ng'etundo ne pooriseni kobarisyei: ki kobar saboonwek; ibei konoraik ak tuguuk che po kamanuutyet ne oo; ki kotes mosoogik eng' kwenunnyi.

EZEKIEL 23:45

Tuun irwookyin piigap iman icheek, eng' kirwoogetap chepkugonik, ak eng' kirwoogetap kwonyiik che tumdoi korotiik; amu icheeget ko chepkugonik, ak komi korotiik eunekwak.

EZEKIEL 24:7

Amu mi korotiikyik kwenunnyi; ki inde rwandet ne ma mi kiy; ma tumji ng'wony, si ketuge temburyek;

EZEKIEL 9:9

Koleenjo anyun, Oo kot tengektap kootap Israel ak ne po Judah, kanyi emoni korotiik, ak kanyi nganasani kamaaset ne po kirwoogutik: amu mwaei kole ki kometo Kamuktaindet ne Toroor emoni, ama keerei Kamuktaindet ne Toroor.