JEREMIA 2:15 - BUKUIT NE TILIIL Sireet ne Dutero Kanon

¹⁵ Kigoborisenji `ng'etuunyik ineendet, ak komororso miising'. Kigong'em emennyi koek karaatya, ki kebeel nganasookyik, ak ma komenyei chii.

Bukuit Ne Tilil

¹⁵ Kigoborisenji `ng'etuunyik ineendet, ak komororso miising'. Kigong'em emennyi koek karaatya, ki kebeel nganasookyik, ak ma komenyei chii.

BUKUIT NE TILIL

¹⁵ Kigoborisenji barnotikab ng’etunyik, ak komoror mising’; ak kigong’em emennyi koek karatia; kigebeel nganasokyik, ma komenyei chi.

JEREMIA 2:15 Referencias Cruzadas

Kitabuutap JOB 4:10

Porisenetap ng'etundo, ak tuugeetap ng'etundo ne koroom, ak kelegap ng'etuunyik che neran ko ildos.

TIENWOGIKAL 57:4

Miitei saboondanyu kwenutap ng'etuunyik; arue kwenutap icheek che miitei maat, agot weeriigap piik, che kelekwak ko ng'otwek ak kipchabonik, ak ng'elyebwekwak ko rotonik che ng'atiben.

ISAIAH 1:7

Kigoguber emeng'wong', ki kebeel nganasookwok; ibookyin toek emeng'wong' ogeere, kogoguber, ko uu ne kogong'em toek.

ISAIAH 24:1

Ogeero, yaei `Kamuktaindet ne Toroor ng'wony koek ole ma mi kiy ak koek surkwen, ak kogabui, ak koseer piik che menyei olooto.

ISAIAH 5:29

Uu porisenennywa ne po ng'etundo, porisendos ko uu parnotigap ng'etuunyik; porisendos ak konam chooto kagonam, ak komut kochamegei, ama piitu chii ne saru.

ISAIAH 5:9

Mwaei Kamuktaindet ne Toroor ne po lugoosyek, agase eng' itiikyuk kole: “Iman, kuberi kooriik che chaang', agot kooriik che eecheen che korooron, koma menyei chii.

ISAIAH 6:11

Ki ateebee anyun, ale, “Ee Kiptaiyat, tyanitu?” Ak ki wol kole, “Agoi tuun koguber nganasook kot koma komi piik kooriik, ak koek emet kipkubere miising'

JEREMIA 10:22

Ogaso! Kigasei ng'aleek kobwanei, ak kirgirenet ne oo komang'une emetap murot kaataam, si kobiit koyai nganasoogap Judah koek karaatya, ole menyei lelwek.

JEREMIA 25:30

Maotenji anyun eng' ng'aleechu tugul, ileenji, Pooriseni Kamuktaindet ne Toroor eng' parak, ak kotwegu eng' meng'ootennyi ne tiliil; porisenjin miising' akweennyi; waachei ko uu che tyechei sabibuk, kowaakyi piik tugul che menyei ng'wony.

JEREMIA 25:9

ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

JEREMIA 26:9

Amu nee si imaoten eng' kainetap Kamuktaindet ne Toroor, ile, Igeitu koi Shiloh, ak koek karaatya nganasani, amaa komenyei chii? Ak ki iyumjigei piik tugul Jeremiah eng' kootap Kamuktaindet ne Toroor.

JEREMIA 33:10

Mwaei Kamuktaindet ne Toroor kole: Ta kegasei kogeny eng' olito, ole omwae, ole, Karaatya, ama mi chii anan tyony, chooto ko nganasoogap Judah, ak ortinwegap Jerusalem, che ki koguber, ama mi chii, ama mi chii ne menyei, ama mi tyony,

JEREMIA 34:22

Ogeero, ang'ate, mwaei Kamuktaindet ne Toroor, ak aweekyi icheek nganasani; ak kobargei ak nganasani, ak koluul, ak kobeel: ak ayai nganasoogap Judah koek surkwen, ole ma komenyei chii.

JEREMIA 4:7

Kamong' ng'etundo eng' sondinnyi, ne ng'emindetap pororyosyek, kagomong' eng' oldanyi, si kobiit koyai emeng'ung' koguber, ak koek nganasoguk karaatya, ama komenyei chii.

JEREMIA 44:22

kot ko mata komuuch Kamuktaindet ne Toroor komuita, amu yaityetap poisyonikwok, ak amu tuguuk che kiwechei che ki oyai? Ki ek anyun emeng'wong' ne kuberot, ak ne kikwong'ee, ak ne kisasei, ama menyei chii, ko uu ye uu rani.

JEREMIA 5:6

Ara anyun parei icheek `ng'etundo ne mang'une timiin, parei icheek suiyot ne po surkwen. Sapchin `cheplanget nganasookwak, kitonatoni age tugul ne mong'u eng' olooto, amu chaang' pistaosyekwak, ak ki kotesak kachuchugennywa pogei.

JEREMIA 50:17

Uu Israel keechiirek che ki koiyesta; ki koon ng'etuunyik ineendet: kisip koam ineendet laitoryatap Assyria; ak eng' let koiri kawekyik Nebukadresar, niito laitoryatap Babilon.

JEREMIA 51:38

Porisendos ko uu ng'etuunyik che parnotik; morortos ko uu aaregap ng'etuunyik.

JEREMIA 6:8

Kas kergong', ee Jerusalem, si ma istoenegei saboondanyu; ak si ma yain iegu karaatya, nooto emet ne ma menyei chii.

JEREMIA 9:10

Amu ariire ak atei agobo tuloonook, ak amosiseni agobo ole agete tuguuk eng' surkwen, amu kagolalyo, kot koma kobunei chii; ama komuuchi kogas piik kautetap tuuga; kogomwei toriitigap parak ak tyong'ik.

JEREMIA 9:11

Mwaei Kamuktaindet anyun kole, Ayaei Jerusalem koek karurugutigap karain, olooto menyei lelwek; ak ayai nganasoogap Judah koek karaatya, ole ma menyei chii.

EZEKIEL 36:3

maoten anyun, ile, Mwaei Kiptaiyat Kamuktaindet ne Toroor kole: Amu nganda ki koyaak icheek oegu ponoon, ak koluguak eng' komosta age tugul, si kobiit obunji pororyosyek che ng'etunotiin, ak kigochaamatak piik, ak komwaetaenak tuguuk che yaach:

EZEKIEL 5:14

Kogeny ayain iegu karaatya ak ne kiteweeri, eng' pororyosyek che mi komosweguk tugul, eng' taitap icheek tugul che siirtoi.

HOSEA 11:10

Pendoti icheek kosuboti Kamuktaindet ne Toroor, ne poriseni ko uu ng'etundo: amu poriseni ineendet, ak kobwa lagok kobotanionu kobunu cherongo.

HOSEA 5:14

Amu aigeitu ng'etundo eng' Ephraim, ak aigeitu ng'etundo ne neran eng' kootap Judah. Agereeri aneendet ak awe; amuti ama piitu chii ne saru.

AMOS 3:12

Mwaei anyun Kiptaiyat Kamuktaindet ne Toroor kole: Ko uu ye saru mestowot keelyek aeng' anan motwet ne po itit eng' kutitap ng'etundo; kisaru anyun ko uu nooto piigap Israel che tebee Samaria eng' luuitap kiit ne kilyeldoe, ak eng' kiplusinik che po aririt che po itoogut.

AMOS 3:4

Tos pooriseni ng'etundo eng' timiin ngo ma par tyondo? Tos pooriseni ng'etundo ne neran eng' kebenennyi ngot koma am kiy?

AMOS 3:8

Kagoborisen ng'etundo, ng'oo ne ma iyweisyei? Kagong'alaal Kiptaiyat Kamuktaindet ne Toroor, ko ng'oo anyun ne ma maoteni?

NAHUM 2:11

Mi ano kebeneetap ng'etuunyik ng'etuunyik che neranik, ole wendote kirgitap ng'etuny ak ne kotoy, kobooto aarwetap ng'etundo, ama mi chii ne imui?

SEPANIA 1:18

Ama imuuchi fedhaisyekwak anan thahabusyekwak kosar icheek eng' peetuutap nereegegap Kamuktaindet ne Toroor; ago kibeelei emet komugul eng' maatap ng'etkondanyi: igeesu, ee, igeesu eng' kamuiset icheek tugul che menyei emet.

SEPANIA 2:5

Pwo! Piik che menyei ngeguut, pororyetap Keretik! Poryenen ng'olyootap Kamuktaindet ne Toroor, ee Kanaan, emetap Philistiik; ang'emin kot koma komi chii ne meng'iisyei.

SEPANIA 3:6

Ki abar pororyosyek; Ki kong'emogis irimoikwak che torooreen; ki abut ortinwekwak kot koma kobunei chii: Ki kong'emogis nganasookwak kot koma komi chii, kot koma komi chii ne menyei.

SEKARIA 11:3

Kutitap mestoweek che waaktos! Amu kageng'em toroornatennywa; kutitap ng'etuunyik che neran che porisendos! Amu kageng'em menoteetap Jordan.

KIRUOGIK 14:5

Ki choortagei anyun Samson, kobooto kwandanyi ak kamennyi, koba Timnah, ak kiit mbareenigap sabibuk che po Timnah, ki keer ineendet ng'etundo ne neran ne kiborisenjin ineendet.