JEREMIA 2:13 - BUKUIT NE TILIIL Sireet ne Dutero Kanon

¹³ Ki koyai piikyuk yaitwogik aeng': ki kometo anee ne aa kondametutap peek che saptos, ak kobaljigei keriingonik, keriingonik che ki koterogis, che ma imuuchi kotebee peek.

Bukuit Ne Tilil

¹³ Ki koyai piikyuk yaitwogik aeng': ki kometo anee ne aa kondametutap peek che saptos, ak kobaljigei keriingonik, keriingonik che ki koterogis, che ma imuuchi kotebee peek.

BUKUIT NE TILIL

¹³ Amu kigoyai bikyuk yaitwogik aeng’; kigometa ane ne a kondametutab beek che soptos, ak kobaljigei keringonik, keringonik che kigoundurogis, che maimuchi kotebe beek.

JEREMIA 2:13 Referencias Cruzadas

2 LAITORINIK 22:17

Amu kimetaa icheek ak kobeelji nyamdutik kamuktaik ak kotacha anereech eng' poisyonikwak tugul che po eunekwak, eng' nooto anyun, kolaldos nereegekyuk agobo koroni, ama kimisi.’

TIENWOGIKAL 36:9

Amu mi oldang'ung' kondap peegap saboon; eng' lapkeiyeng'ung' kegeere lapkeiyet.

AMDOINDET 1:14

Ki ageer poisyonik tugul che kiyaei eng' kurereetap asiista; ak ogeero, puch tugul: Uu oneetap koristo.

AMDOINDET 1:2

Mwaei Amdoindet kole, “Puch, ma tilei kiy, puch, ma tilei kiy, puch tugul.”

AMDOINDET 12:8

Mwaei anyun Amdoindet kole: Puch tugul, ma tilei kiy! Puch tugul.

AMDOINDET 2:11

Ki ageer anyun poisyonik tugul che ki ayai, ak poisyet ne kiga abirtochigei ayai. Ogeero, puch tugul ak kaimetapkei ne po puch ak ki ma komi keluno eng' kurereetap asiista.

AMDOINDET 2:21

Amu mi chiito ne yaei poisyennyi eng' ng'omnateet, kobooto naet, ak utaatyet; ago pagaakyin koek kebebertap chiito ne ma pirtochigei poisyet. Puch niito agine ak ko yaityet ne oo.

AMDOINDET 2:26

Amu igoochin Ineendet utaatyet ak naet, ak poiboiyet chiito ne iboiboi ineendet. Ago igoochin kiptengekyot poisyetap nyalilda asi kobiit koyum ak kotes, ak kogoochi ineendet ne iboiboi Kamuktaindet. Puch niito agine ak ko kaimetapkei ne po puch.

AMDOINDET 4:4

Yeityo ageer poisyet tugul ak poisyet age tugul ne po utaatyet, ale amei kimegei chii agobo chiitap kokwennyi. Puch niito agine ak ko kaimetapkei ne po puch.

ISAIAH 1:3

Ingen eito chiitap ko po, ak kongen sigiryet piutap kiptaiyandennyi; ago ma naei Israel, ama ibwaati piikyuk.

ISAIAH 1:4

Pwo! Pororyet ne yaei tengekto, piik che laei yaityet, iyoteetap yaigap yaityet, lagok che yaei ng'emisyet! Ki kometo Kamuktaindet ne Toroor, Ki kogas Ineendet ne Tiliil ne po Israel, ki kotoiyegei kochuchuigei.

ISAIAH 12:3

Tuun orame anyun peek eng' poiboiyet, eng' keriingonik che po yetunet.

ISAIAH 5:13

Kigeluul anyun piikyuk, amu kibetyi naet. Piikwak che konyitotiin ko parei rubeet, ak tuiyennywa ko parei melelda.

ISAIAH 55:2

Amu nee si oboisyee fedha eng' tuguuk che ma amitwogik? Ak poisyeng'wong' agobo tuguuk che mobiyonyi? Oepcha iit miising', si oam che myach, ak ingoboiboitu saboonwekwok eng' che akwaen.

ISAIAH 63:8

Amu ki mwa kole, piikyuk iman, lagok che ma yaei kaberberisyet: ki ek anyun yetindennywa.

JEREMIA 1:16

Ak amwa kirwoogutikyuk agirindae icheek, agobo yaityennywa tugul amu ki kometa, ki kobeelji nyamdutik kanamonik che teer, ak kolas poisyonigap eunekwak.

JEREMIA 14:3

Iyooktoi piikwak che taagunotiin kiboitiinikwak koba ole mi peek: pendi agoi keriingonik, ama nyooru peek. Weeksei kiboitiinik puch ak tereenikwak; kolililandos, kotoptobendos ak kogatuch metowekwak eng' arageneet.

JEREMIA 15:6

Ki oeesya, mwaei Kamuktaindet ne Toroor, ak ki ochuchuige. Ara achuule anyun eunnyu atokyin, asi ang'emin, amu kaang'et eng' muitaet.

JEREMIA 17:13

Ee Kamuktaindet ne Toroor, inyee ne ii kamang'unetap Israel, kiyaei kolililan icheek tugul che metoin; kisirchin ng'wony icheek che istoenagei, amu ki kometa Kamuktaindet ne Toroor, kondametutap peek che saptos.

JEREMIA 18:14

Tos petei teluji ne po Lebanon eng' rwandetap kewanin? Anan tos teng'dos peek che kaitit che rootune ole loo?

JEREMIA 19:4

Amu ki kometa icheek, ki koyai yuto koek ole ma kinaei, ak ki kobeelji eng' yuto, nyamdutik, kanamonik che teer, che ki ma kongen, icheeget ak kwanisyekwak ak laitorinigap Judah; ak kigonyiit olito korotiigap che ma tinyei tengek;

JEREMIA 2:11

Tos ki kowal `pororyo kamuktaikyik, agot ngo ma kamuktain? Ago ki kowal piikyuk toroornatennywa agobo kiit ne ma koonu kelunet.

JEREMIA 2:17

Tos ki ma icheeng'jige niito, amu ki imete Kamuktaindet ne Toroor Kamuktaindeng'ung', ye ki imutin eng' ooreet?

JEREMIA 2:26

Ko uu ye ililani choriindet ko kaginyoor, ko uu nooto ililani kootap Israel. Ililoni icheeget, laitorinikwak ak pounikwak, tisiikwak ak maotikwak,

JEREMIA 4:22

Amu perber piikyuk, ak koma ingeno; lagok che uueen metowek icheek, che ma iguitos kiy. Chepchep koyai yaityet, ama ingen koyai ne myee.

JEREMIA 5:26

Amu kinyoorchin piikyuk piik che yaacheen. Riipsei ko uu ye riipsei namigap toriitik, ak ko uu che richei mesteet si konamei piik.

JEREMIA 5:31

Maoteni maotik lembeita, ak pou tisiik ko uu mageetap maotinwekwak, ak chamei piikyuk koteep ko uu nooto. Ago oyae nee anyun eng' kagesunetap tuguuchuuto?

EZEKIEL 14:5

si kobiit anam kootap Israel eng' mugulelwekwak icheeget, amu ki kotoiyenagei icheek tugul amu kanamonikwak.

EZEKIEL 47:1

Ak ki imutwaa aweek anyo kurgeetap koot; ak ogeero, ki mang'une peek kurereetap tugatugigap koot che kitokyingei kong'asiis, amu kitokyingei koot kong'asiis: ak ki mang'une peek kurere, eng' komostap tai ne po koot, eng' murot tai ne po kaptisisyet.

MIKAH 2:8

Ago kota koboryena piikyuk ko uu puunyoot: oreegune ngoryeet ne tabanu parak icheek che siirtoi eng' kaalyeet, ko uu piik che ma chamei lugeet.

MIKAH 6:3

Ki ayaiywok nee, ee okweek piikyuk? Ak ki aiimenak nee? Obaoryanwa.

SEKARIA 13:1

Tuun kiyaatyin kootap Daudi ak piik che menyei Jerusalem, kondametutap peek eng' peetuunooto, amu tengekto ak murwoonindo.

JOHANA 4:10

Kowolji Jeso koleenji, “Nda kengen konunetap Kamuktaindet, ak ineendet ne kalenjin, ‘Inaga peek aee,’ ta kaisoom ineendet, ak ta kagogoonin peegap saboon.”

JOHANA 4:11

Koleenji kobogoryot, Kiptaiyat, metinye kiit ne isiile, ak loo keriinget: inyoorchini ano anyun peechooto po saboon?

JOHANA 4:14

ago age tugul ne eei peek che agoochini koma koamei melel agoi; ago egu peek che agoochini kondap peek eng' ineendet, che kuutu agoi saboondap koigeny.”

JOHANA 7:37

Eng' peetuut ne po let, peetuunooto oo po igoorto, kotonon Jeso ak komwa eng' kutit ne oo, kole, “Ngo amei chii melel, ko ingonyoonjo, ak koe.

NG'ATUTIK 31:16

Yeityo koleenji `Kamuktaindet ne Toroor Musa, “Keero, neegit si iru kobooto kwanisyeguk. Ago ye iru, kong'eetyo pichu koibotkei ak kanamonik che po pororyosyek alak che po emet ole pendi kotebee kwenunnywa, kobagaakta ak kobut kayomisennyu ne ki kiyomiske ak icheek.

2 PETERO 2:17

Chuuto kondametusyek che ma tinyei peek, ak ko poolik che ibooti usoonet; che ki kigonorchi tuindap mesundeito.

NG'ANG'UTYET 21:6

Ak koleenjo, “Kagosulda! Aa Alpha ak ko aa Omega, taunet ak kagesunet. Agoochini puch ineendet ne amei melelda che po kondametutap peegap saboondo.

NG'ANG'UTYET 22:1

Ak ki iboorwo aineetap peegap saboon, ne tiliil ko uu krustalo, kobunu ng'echereetap laitornatet ne po Kamuktaindet ak ne po Aarwet,

NG'ANG'UTYET 22:17

Mwaei Kabuuset ne Tiliil ak murereet kole, “Nyoo!” Ak ineendet ne kasei, komwa kole, “Nyoo!” Ak ineendet ne amei melelda, konyo; ak ineendet ne machei, koip peegap saboon puch.

KIRUOGIK 10:13

Ago ki ometa ak oot kanamonik. Nooto anyun, ma asarwok kogeny.

1 SAMUEL 12:10

Ki riirchi `icheek Kamuktaindet ne Toroor koleenji, ‘Ki kiplelutiin, amu kigebagaakte Kamuktaindet ne Toroor ak keoot Baalik ak Astarot. Sarwech anyun nguno eng' eutap puunikyok si keotin.’