JEREMIA 17:27 - BUKUIT NE TILIIL Sireet ne Dutero Kanon

²⁷ Ago ngot ko mogasa iit otabaan peetuutap sabato, amoip laut age tugul ak obe oriit obun ormariichogap Jerusalem eng' peetuutap sabato; alaal anyun maat eng' ormariichokyik, si kobeel kooriigap laitoryat che po Jerusalem, ama kimisi.

Bukuit Ne Tilil

²⁷ Ago ngot ko mogasa iit otabaan peetuutap sabato, amoip laut age tugul ak obe oriit obun ormariichogap Jerusalem eng' peetuutap sabato; alaal anyun maat eng' ormariichokyik, si kobeel kooriigap laitoryat che po Jerusalem, ama kimisi.

BUKUIT NE TILIL

²⁷ Ago ngot ko mogasa it otaban betutab sabato, amoib laut age tugul ak obe orit obun ormarichokab Jerusalem eng’ betutab sabato; alaal anyun mat eng’ ormarichokyik, si kobeel gorikab laitoriat che bo Jerusalem, ama kimisi.

JEREMIA 17:27 Referencias Cruzadas

2 LAITORINIK 22:17

Amu kimetaa icheek ak kobeelji nyamdutik kamuktaik ak kotacha anereech eng' poisyonikwak tugul che po eunekwak, eng' nooto anyun, kolaldos nereegekyuk agobo koroni, ama kimisi.’

2 LAITORINIK 25:9

Ki peel kootap Kamuktaindet ne Toroor, kootap laitoryat ak kooriik tugul che po Jerusalem, koot age tugul ne oo.

2 ATEPTAP PEETUUSYEK 36:19

Ak ki peel kootap Kamuktaindet, ak kobut irimeetap Jerusalem, ak kobeel kooriik tugul che po laitoryat, ak kong'em tuguuk tugul che korooron che ki mi koorchooto.

TIENWOGIKAL 122:7

Ingotebee kaalyeet irimoiguk, ak ingotebee poroteet kooriguk che eecheen.

ISAIAH 1:20

Ago ngot oeesye ak ongelelse, kebarenok rotwetap chok.” Amu kagomwa niito kutitap Kamuktaindet ne Toroor.

ISAIAH 1:31

Ak koigei che kiimeen katanisyek che arurendos, ak koigei poisyennyi maat ne iteri; ak kolalyo tuwai, ama piitu ne imisi.

JEREMIA 17:24

Ak ngot oepcha iit eng' kagiiletapkei, mwaei Kamuktaindet ne Toroor, si moibu laut age tugul kobun ormariichogap nganasani eng' peetuutap sabato, ago otabaan peetuutap sabato, amoyai poisyo age tugul eng' peetuunooto;

JEREMIA 17:4

Ak ibagaaktoi aginye poroteng'ung' ne ki agoonin; ak agoonin ioot puuniguk eng' emet ne mengen: amu ki olaal maat eng' nereegekyuk, ne lalei koigeny.

JEREMIA 18:1

Ki nyoonji Jeremiah `ng'olyoot ne ki punu Kamuktaindet ne Toroor, koleenji,

JEREMIA 21:12

Ee kootap Daudi, mwaei Kamuktaindet ne Toroor kole, oyai kirwooget karon, osaru ne ki kiluul komong' eng' eutap usiindet, si ma mong' nereegekyuk che koroomen ko uu maat, ak kolal kot koma mi ne imuuchi komis, amu yaityetap poisyonikwok.

JEREMIA 21:14

Ak abirok ko uu logoegap poisyonikwok, mwaei Kamuktaindet ne Toroor: ak anaam maat eng' osnennyi, ak kobeel tugul che miitei komoswekyik.

JEREMIA 22:5

Ago ngot ko mogas iit ng'aleechuuto, ayosyechinigei anyun, mwaei Kamuktaindet ne Toroor, ale, egu kooi karaatya.

JEREMIA 32:29

ak kobwa Kaldeik che paregei ak nganasani, kobwa konaam nganasani, ak kobeel, kobooto kooriik, che ki igoitoe icheek nyamdutik che kibeelei, kogoochin Baal eng' paragutap koorichooto, ak koroong'jin kanamonik che teer, kagoochinoik che kieei, si kobiit kotacha anereech.

JEREMIA 39:8

Ak ki peel Kaldeik kootap laitoryat, ak kooriigap piik, ak kobut irimoigap Jerusalem.

JEREMIA 44:16

Ma kigasun ng'olyoondonooto kemwaiwech eng' kainetap Kamuktaindet ne Toroor.

JEREMIA 49:27

Ak anaam maat eng' irimeetap Damasko, ak kobeel kooriigap laitoryat, che po Ben-Hadad.

JEREMIA 52:13

ak ki peel kootap Kamuktaindet ne Toroor, ak kootap laitoryat; ak kooriik tugul che po Jerusalem, koot age tugul ne oo, ko ki peel.

JEREMIA 6:17

Ki ande riibiik koriibok ak ale, “Oepchi iit cheetap iryageet!” Ago ki le, “Ma kigase.”

JEREMIA 7:20

Mwaei anyun Kiptaiyat Kamuktaindet ne Toroor kole; Ogeero, kiroong'jin olito nereegekyuk ak nereegekyuk che ng'woneen, kiroong'jin piik, tuuga, keetiigap timiin ak eng' logoegap mbar; ak laldos, ama kimisi.

RIREKAB JEREMIA 2:6

Ki koisto emainnyi eng' koroomnateet ko uu mbareet, Ki kong'em oldanyi ole kituiyechin. Ki koisto Kamuktaindet ne Toroor tuiyet ne ki king'at ak sabato eng' Zion, ak eng' nyitatetap nereegekyik ko ki kogas laitoryat ak tisiindet.

RIREKAB JEREMIA 4:11

Ki koyai Kamuktaindet ne Toroor nereegekyik che ng'woneen kosulda, ki korong' nereegekyik che koroomen; ak ki konaam maat eng' Zion, ne ki kobeel lumeiywekyik.

EZEKIEL 16:41

Ak kobeel kooriguk, ak koyaun kirwoogutik eng' taitap kwonyiik che chaang'; ak aeetenen kugoinatet, ama ialisyei kogeny.

EZEKIEL 21:15

Koatokyi rotwetap chok ormariichokwak tugul, si komeiyo mugulelwekwak, ak kotesagis kanagutikwak: haa! Kogeyai koigei kalyeleet, kogelit si kobaris.

EZEKIEL 21:3

ak ileenji emetap Israel, Mwaei Kamuktaindet ne Toroor kole: Keero, aboryenen ak ang'usu rotwennyu po chok, ak aiste eng' inyee chiito ne po iman ak ne ya.

EZEKIEL 22:8

Ki isas tuguukyuk che tiliileen, ak imurwon sabatosyekyuk.

EZEKIEL 23:38

Ki koyaiywo kogeny niito: ki kong'wanit oldanyu ne tiliil eng' peetuunooto, ak komurwon sabatosyekyuk.

HOSEA 8:14

Amu kigoutye Israel Yaindennyi, ak koteech kooriigap laitorinik; ak ki kotes Judah nganasook che ng'ootaatiin: ago ayookyini maat nganasookyik, ak kobeel irimoikyik.

AMOS 1:10

Ara ayookyini maat irimeetap Tyro, ak kobeel irimosyekyik.

AMOS 1:12

Ara ayookyini maat Teman, ak kobeel irimosyegap Bosra.

AMOS 1:14

Ara anaami maat eng' irimeetap Rabbah, ak kobeel irimosyekyik che po laitoryat, kobooto waagaat eng' peetuutap pooryeet, kobooto usoonet ne oo eng' peetuutap kipchurchuryet.

AMOS 1:4

Ara ayookyini maat kootap Hazael, ak kobeel irimosyegap laitoryat Ben-Hadad.

AMOS 1:7

Ara ayookyini maat irimeetap Gaza, ak kobeel irimosyekyik.

AMOS 2:2

Ayookyini anyun maat Moab ak kobeel irimosyegap Keryot; ak kome Moab eng' wasetapkei, waagaat ak cheetap iryageet.

NG'ATUTIK 32:22

Amu kalal maat ne po nereegekyuk, ak lalei agoi keriinget ne loo miising', si kobeel ng'wony kobooto ruratennyi, ak kobeel ole tonone tuloonook.

HEBRANIK 12:25

Ogeer, amoeesye ineendet ne ng'alaali. Amu ngot ko ki ma chililyo icheek ye kingo eesyo ineendet ne kiga koteeita eng' ng'wony, kesiire ne tya anyun acheek ngot keistoegei ineendet ne iteu eng' kipsengwet: