JEREMIA 17:26 - BUKUIT NE TILIIL Sireet ne Dutero Kanon

²⁶ Ak kobwa kobunu nganasoogap Judah, ak komoswek che kiyiem Jerusalem, ak che punu emetap Benjamin, ak emet ne soi, ak che punu tuloonook, ak che punu murot tai, koibu kagoochinoik che kibeelei, ak tiseiywek, ak kagoochinoigap peek che ng'ootiin, ak tuguuk che nyamdut, ak koibu korosegap kongoi, kobwa kootap Kamuktaindet ne Toroor.

Bukuit Ne Tilil

²⁶ Ak kobwa kobunu nganasoogap Judah, ak komoswek che kiyiem Jerusalem, ak che punu emetap Benjamin, ak emet ne soi, ak che punu tuloonook, ak che punu murot tai, koibu kagoochinoik che kibeelei, ak tiseiywek, ak kagoochinoigap peek che ng'ootiin, ak tuguuk che nyamdut, ak koibu korosegap kongoi, kobwa kootap Kamuktaindet ne Toroor.

BUKUIT NE TILIL

²⁶ Ak kobwa kobunu nganasokab Juda, ak komoswek che kiyiem Jerusalem, ak che bunu emetab Benjamin, ak emet ne soi, ak che bunu tulonok, ak che bunu Murot ne bo Tai, koibu kagochinoik che kibeelei, ak tiseiywek, ak kagochinoikab busiek, ak tuguk che nyamdut, ak koibu korosekab kongoi, kobwa gotab Jehovah.

JEREMIA 17:26 Referencias Cruzadas

EZRAH 3:11

Kiwoljingei kotyeni kolasu ak komwachin kongoi Kamuktaindet ne Toroor koleen, “Amu myee ineendet, amu po koigeny rireenennyi eng' Israel.” Ak ki waakyo piik tugul eng' waagaat ne oo ye ki ilasu Kamuktaindet ne Toroor, amu kiga kelumda lumeiywotap kootap Kamuktaindet ne Toroor.

TIENWOGIKAL 107:22

Ak ingogoito korosegap kongoi, ak komwaita poisyonikyik eng' tyendo.

TIENWOGIKAL 116:17

Agoonin korosyot ne po kongoi, ak aguur kainetap Kamuktaindet ne Toroor.

TIENWOGIKAL 66:13

Anyoone koong'ung' aibu kagoochinoik che kibeelei, Ayaagun tuguuk che ki aaroorun,

ISAIAH 58:13

Ngot iiste keeldong'ung' eng' peetuutap sabato, ameyai tuguuk che ichame eng' peetuunnyu ne tiliil; ak ile poiboiyet peetuutap sabato, ne tiliil ne po Kamuktaindet ne Toroor, ne po teegisto; ak igonyit peetuunooto, amesup ortinweguk, anan icheeng' che ichame, anan imwa ng'aleeguk:

JEREMIA 30:19

Ak komang'une olooto kongoi ak kutitap icheeget che igasegei: ak ates icheek, ama kong'ering'itu; atoroori kogeny icheek, ama konyeratitu.

JEREMIA 32:44

Alei piik mbareenik eng' fedhaisyek, ak kosiir paronogap kayanjinet, ak kong'ooch, ak koguur paorinik, eng' emetap Benjamin, ak eng' komoswek che mi ole neegitee Jerusalem, ak eng' nganasoogap Judah, ak eng' nganasook che mi emetap tuloonook, ak eng' nganasook che mi emet ne soi, ak eng' nganasook che mi murot tai: amu agoochini koweek eng' ole ki kiluulji, mwaei Kamuktaindet ne Toroor.

JEREMIA 33:11

kigasei tuugeetap poiboiyet ak ne po kagasetapkei, ne po sandet ak ne po murereet, tuugeetap icheek che mwaei kole, oweekyi kongoi Kamuktaindet ne Toroor ne po lugoosyek, amu myee Kamuktaindet ne Toroor, amu tebyei koigeny rireenennyi: ak tuugeetap che igoitoi korosegap kongoi kobwa kootap Kamuktaindet ne Toroor. Amu agoochini koweek piigap emet che kigeluul, ko uu eng' tai, mwaei Kamuktaindet ne Toroor.

JEREMIA 33:13

Punei kogeny akwotisyegap keechiirek taitap ineendet ne iiti eng' nganasook che po emetap tuloonook, ak eng' nganasoogap soi, ak eng' nganasook che po murot tai, ak eng' emet ne po Benjamin, ak eng' komoswek ole neegitee Jerusalem, ak eng' nganasoogap Judah, mwaei Kamuktaindet ne Toroor.

SEKARIA 7:7

Tos manyoljok ogas ng'aleek che ki mwa Kamuktaindet ne Toroor eng' maotik che po tai, ye ki kimenyei Jerusalem, ak komi perurto, ak nganasookyik che mi komoswekyik tugul, ak ye ki kimenyei murot tai ak soito?

HEBRANIK 13:15

Nooto anyun ongigoochi Kamuktaindet eng' ineendet korosyotap kalasunet kotugul, nooto ko logoiyatap kutusweek che ng'aanyei kainennyi.

1 PETERO 2:5

ak okweek, che oo koik che saptos, kiteechok oegu koot ne sabei, oegu che poisyei eng' tiseinateet ne tiliil, si ogoite korosegap saboon, che taachaksei eng' Kamuktaindet eng' Jeso Kristo.

NG'ANG'UTYET 1:5

ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik,