JAKOBO 1:2 - BUKUIT NE TILIIL Sireet ne Dutero Kanon

² Tupchosyekyuk, oiit ole poiboiyet kityo ye konyooru yoomsosyek che teerchiin;

Bukuit Ne Tilil

² Tupchosyekyuk, oiit ole poiboiyet kityo ye konyooru yoomsosyek che teerchiin;

BUKUIT NE TILIL

² Tupchosiekyuk, oiit ole boiboiyet kityo ye konyoru yomsosiek che terotin;

JAKOBO 1:2 Referencias Cruzadas

POISYONIGAP CHE KIYOKTOI 5:41

Koba anyun eng' taitap kapkirwook koboiboi amu kagiit keele nyoljin konyoor kateweerisyet agobo Kainanooto.

ROMANIK 5:3

Ak ma uu nooto kityo, ago ongeboiboitu eng' nyalilwogikyok: kingen keele ibu nyalilda muitaet;

PILIPIK 1:29

amu ki kigoonok agobo Kristo, ma oyan ineendet kityo, ago onyalilye agobo ineendet:

PILIPIK 2:17

Ee, agot ngerong'ja paragutap kaptisisyet ak otisyetap kayaneng'wong', ko abaibai, ak agasigei kobootok okweek tugul:

PILIPIK 2:18

ak ko uu nooto oboiboitu ak okweek, ak ogaaskei kobooto.

KOLOSAIK 1:24

Abaibai anyun nguno eng' nyalilwogikyuk agobo okweek, ak anyiiti eng' komostanyu nooto ne rarunoot agobo nyalilwogigap Kristo eng' poortanyu agobo poortanyi, nooto kaniset;

HEBRANIK 10:34

Amu ki oriree icheek che ki ratotiin, ak ocham eng' poiboiyet kerebenak tuguukwok, amu ki ongen ole otinye mogornateet ne myee kosiir chooto ago ne tebyei koigeny.

JAKOBO 1:12

Paibai chiito ne muitoi eng' yoomseet: amu ye kagoterteer, kotaachei kuutweet ne po saboondo, ne ki iarorchi Kiptaiyat icheek che chamei ineendet.

JAKOBO 1:16

Amat ongegenaak, chamanikyuk che kitupche.

JAKOBO 1:19

Ongen ng'olyoondoni, chamanikyuk che kitupche. Ago ingochepchebit chii age tugul kogas, amaek ne sip kong'alaali, ama sip konereechi:

JAKOBO 5:11

Ogeero, kiguure che kimuita che poiboen: ki ogas agobo muitaetap Job, ak ki ogeer kiit ne ki yai Kiptaiyat eng' let, ole nyiitaat rireenet Kiptaiyat, ak koriiregei.

2 PETERO 2:9

ko ingen anyun Kiptaiyat kosar eng' yoomseet che iywei Kamuktaindet ak koriip che ma po imanda kot koit peetuutap kirwooget, si tuun kirwookyi.

NG'ANG'UTYET 2:10

Ameiywei nyalilwogik che neegit inyooru. Machei chesawilyet kotoorchi korgoreet alak eng' okweek si kobiit ketyemak; ak osich nyalilda eng' peetuusyek taman. Egu ne kiyani agoi meet, si agoonin kuutweet ne po saboondo.