JAKOBO 1:1 - BUKUIT NE TILIIL Sireet ne Dutero Kanon

¹ Jakobo, otwogindetap Kamuktaindet ak ko po Kiptaiyat Jeso Kristo, asirchini ortinwek taman ak aeng' che po piik che ki koiyestat, agatok.

Bukuit Ne Tilil

¹ Jakobo, otwogindetap Kamuktaindet ak ko po Kiptaiyat Jeso Kristo, asirchini ortinwek taman ak aeng' che po piik che ki koiyestat, agatok.

BUKUIT NE TILIL

¹ Jakobo, otwogindetab Jehovah ak ko bo Kiptaiyat Jesu Kristo, asirjini ortinwek taman ak aeng’ che bo bik che kigoiyestat, agatok.

JAKOBO 1:1 Referencias Cruzadas

1 LAITORINIK 18:31

Ki nam Elijah koik taman ak aeng', ko uu koitetap ortinwegap weeriigap Jakobo, ne ki nyoonji ng'olyootap Kamuktaindet ne Toroor, koleenji, “Egu kaineng'ung' Israel.”

EZRAH 6:17

Ki igoito kiruugik pogol agenge, mengichik pogol aeng', aaregap keechiir pogol ang'wan eng' peetuutap katabaanetap koyooto po Kamuktaindet. Ak ki igoito kwesik taman ak aeng' koek kagoochinetap tengekto agobo Israel tugul kobee koitetap ortinwegap Israel.

KOMONG'U 24:4

Ki sir Musa ng'aleek tugul che po Kamuktaindet ne Toroor ak king'eet karon ko tuui ak koteech kaptisisyet eng' tulweet keel. Kiteeche koik tolochik taman ak aeng' ko uu ortinwek taman ak aeng' che po Israel.

KOMONG'U 28:21

Egu koichooto taman ak aeng' ko uu kainaigap piigap Israel. Pendi ko uu kainaikwak ko uu ye kiwaei ng'ookset, tinyei koita age tugul kainennyi ak ko pee ortinwek taman ak aeng'.

KOMONG'U 39:14

Kite koichooto kainaigap piigap Israel. Ki taman ak aeng', ko uu kainaikwak, ko uu waetap ng'ookset. Ki kisirchi koita age tugul kainennyi, kobee ortinwek taman ak aeng' che po piigap Israel.

EZEKIEL 12:15

Ak konai kole aa Kamuktaindet ne Toroor ye aiyeste icheek eng' pororyosyek, ak aseer icheek koyom emotinwek.

ATEPTAP LAWIK 26:33

Ak aiyestochok pororyosyek alak, ak ang'usu rotwetap chok kosubok. Koguber anyun emeng'wong', ak koek karotwek nganasookwok.

MATAYO 10:3

Philipu ak Bartolomayo; Thomas, ak Matayo taagindetap aisuruut; Jakobo weeriitap Alphayo, ak Thadeo;

MATAYO 13:55

Tos ma weeriitap musogindet ni? Ma kiguure kamet Maria ak weeriik che tupcho ko Jakobo, Joseph, Simion, ak Judas?

MATAYO 19:28

Ki leenji `Jeso icheek, “Amwaiwok iman ale, eng' kalelitetap tuguuk tugul, ye tuun tebee Weeriitap chii ng'echereetap toroornatennyi, okweek che koosubwo ko tuun otebee ak okweek ng'echerok taman ak aeng' che po laitornatet, orwookyini ortinwek taman ak aeng' che po Israel.

MARIKO 3:18

ak Andrea, Philipu, Bartolomayo, Matayo, Thomas, Jakobo ne po kap Alphayo, Thadeo, Simion kanaanindet

LUKA 22:30

si kobiit oamisye ak koeise mesennyu eng' laitornatennyu, ak tuun otebee ng'echerok che po laitornatet, orwookyini ortinwek taman ak aeng' che po Israel.

LUKA 6:15

ak Matayo ak Thomas, ak Jakobo weeriitap Alphayo ak Simion ne ki kiguure Selote,

JOHANA 12:26

Ngo poisyeiwo chii age tugul, ko nyolu kosubota; ak si ole ami, komi olooto agine kiboityondennyu: ngo poisyeiwo chii, koteechei ineendet Kwanda.

JOHANA 7:35

Komwachigei anyun Yahudik kole, “Wendi ano chiichi si ma kinyooru ineendet? Tos wendi ole mi icheeget che ki koiyestoochi Yunanik, si koneet Yunanik?

POISYONIGAP CHE KIYOKTOI 1:13

Ye kingo kagoba ko, kolaany koot ne po parak, ole ki tebee agot Petero, Johana, Jakobo ak Andrea, Philipu ak Thomas, Bartolomayo ak Matayo; Jakobo ne po kap Alphayo ak Simion Selote, ak Judas ne po kap Jakobo.

POISYONIGAP CHE KIYOKTOI 12:17

Ago ki iboorchine `ineendet icheek euut kosiisyo, ak kotetyi ole kagomutunda `Kiptaiyat ineendet komong' eng' korgoreet. Ak ki mwa kole, “Omwachi ng'aleechu Jakobo ak tupchosyek.” Ak ki wo agoi komosta age.

POISYONIGAP CHE KIYOKTOI 15:13

Ak kingo kagosiisyo, kowol Jakobo kole, “Che kitupche, ogaso.

POISYONIGAP CHE KIYOKTOI 15:21

Amu ki tinyei Musa kobooch ibinwek che po keny eng' nganasook tugul, icheeget che amdoi agobo ineendet, che kisomani eng' sinagogisyek eng' sabato age tugul.”

POISYONIGAP CHE KIYOKTOI 15:23

kobooto parweet: “Kisirchini `acheek che kiyooktoi ak tupchosyek che poisyek, tupchosyek che po Pororyosyek che mi Antiok ak Syria ak Cilicia, kigatok.

POISYONIGAP CHE KIYOKTOI 2:5

Ki mi Yahudik che ki menyei Jerusalem, piik che ki konyiti Kamuktaindet, che ki punu pororyet age tugul ne mi kurereetap kipsengwet.

POISYONIGAP CHE KIYOKTOI 21:18

Ak peetuut ne ki isubi peetuunooto keebe acheek ak Paulo kap Jakobo; ak ki mi poisyek tugul.

POISYONIGAP CHE KIYOKTOI 23:26

Anee Klaudio Lusia, agatin inyee pounindet Felix, ne ii tagunoot.

POISYONIGAP CHE KIYOKTOI 26:7

nooto ne imang'u ortinwekyok tamanu ak aeng' kole nyooru, koboisyechin Kamuktaindet eng' kagiiletapkei peet ak kemoi. Kagogikyo Yahudik agobo kamang'unoniito, ee, laitoryandani!

POISYONIGAP CHE KIYOKTOI 8:1

Ak ki iyan Saulo agine agobo pareetap Stepano. Ki ng'eet peetuunooto usiisyet ne oo agobo kaniset ne ki mi Jerusalem, ak kiyesta icheek tugul koyom emotinwegap Judea ak Samaria, kobatee che kiyooktoi.

ROMANIK 1:1

Paulo, otwogindetap Jeso Kristo, ne ki kiguur koek kayooktoindet, ne ki kitabaanji logoiywek che myach che po Kamuktaindet,

GALATYEK 1:19

Ago ma ageer alak eng' che kiyooktoi, kobatee Jakobo ne tupcho ak Kiptaiyat.

GALATYEK 2:12

Amu ye kitom kobwa alage che ki punu kap Jakobo, kogiamisyei ak Pororyosyek: ago ye kingo pwa, koweektagei let kotabaangei, koywei icheeget che po kamuratanet.

GALATYEK 2:9

ak ye kingo nai Jakobo ak Kepa ak Johana, icheeget che ki kiit keele tolochik, myeeindo ne ki kigoono, kogoono ak Barnaba eutap tai ne po yamdaet, si kobiit keebe ye mi Pororyosyek, koba icheek ye mi che kimuratani;

NG'ATUTIK 28:64

Ak koiyestak Kamuktaindet ne Toroor obe pororyosyek tugul, kobooch tabanda age ne po ng'wony agoi tabanda age. Iote kanamonik eng' olooto che po keetiik ak che po koik, che mengen inyee anan kwanisyeguk.

NG'ATUTIK 30:3

kowal anyun Kamuktaindet ne Toroor Kamuktaindeng'ung' luuleet ne ki kiluulin ak korirenen ak koweek koyumin eng' pororyosyek tugul ole ki iyestoochin Kamuktaindet ne Toroor Kamuktaindeng'ung'.

NG'ATUTIK 32:26

Ki ale, “Aiyestochini ole loo, agoochini kogeskei kabwaatennywa eng' piik.

NG'ATUTIK 4:27

Iiyestaak Kamuktaindet ne Toroor oyomu pororyosyek ak ong'etu che ng'ering' eng' pororyosyek ole imutok Kamuktaindet ne Toroor.

PILIPIK 1:1

Paulo ak Timoteo, otwogigap Kristo Jeso, kisirchini tugul che tiliileen eng' Kristo Jeso che miitei Philippi kobooto riibiigap kaniset ak kiboitiinik:

2 TIMOTEO 4:21

Igiilgei nyoo kotom koit peetuusyek che po kaitityet. Igatin Eubulo, ak Pude, ak Lino, ak Klaudia, ak tupchosyek tugul.

TITO 1:1

Paulo, otwogindetap Kamuktaindet, ak kayooktoindet ne po Jeso Kristo, ko uu kayaneetap che ki kilewen che po Kamuktaindet, ak naetap imanit ne namegei ak kayweet ne kiywei Kamuktaindet,

1 PETERO 1:1

Petero, kayooktoindet ne po Jeso Kristo, asirchini che ki kilewen, punootik che po piik che ki koiyesta, eng' Ponto, Galatia, Kapadokia, Asia, ak Bithynia,

2 PETERO 1:1

Simion Petero, otwogindet ak ko ne kiyooktoi ne po Jeso Kristo, asirchini icheek che ki kenyooru tugul kayaneet ne karaaran miising' eng' imandap Kamuktaindet nenyo ak ko Yetindennyo Jeso Kristo:

JUDA 1:1

Judah, otwogindetap Jeso Kristo, ak ko tupchetap Jakobo, asirchini che ki keguur, che chamaatiin eng' Kamuktaindet Kwanda, ak ko riibootin agobo Jeso Kristo:

NG'ANG'UTYET 7:4

Ak ki agas koitetap icheeget che ki king'ooch, ko ki ek eliphuusyek pogol ak artam ak ang'wan, che ki king'ooch eng' ooreet age tugul ne po piigap Israel.