ISAIAH 51:4 - BUKUIT NE TILIIL Sireet ne Dutero Kanon

⁴ Ogasa, ee piikyuk; oepcha iit, ee, pororyennyu: amu mong'unena ng'atuutyet, ak ayai kirwoogennyu kotonon koek lapkeiyetap piik.

Bukuit Ne Tilil

⁴ Ogasa, ee piikyuk; oepcha iit, ee, pororyennyu: amu mong'unena ng'atuutyet, ak ayai kirwoogennyu kotonon koek lapkeiyetap piik.

BUKUIT NE TILIL

⁴ Ogasa, ee bikyuk; oepcha it, ee, bororiennyu: amu mong’unena ng’atutiet, ak ayai kiruogennyu kotonon koek lapkeiyetab bik.

ISAIAH 51:4 Referencias Cruzadas

TIENWOGIKAL 106:5

si ageer poroteetap cheguuk che kigelewen, si abaibait eng' kaagaasetapkei ne po pororyeng'ung', si aloske kobooto poroteng'ung'.

TIENWOGIKAL 147:20

Ma yachin pororyet age tugul ko uu nooto; ama nai icheek kirwoogutikyik. Olasu Kamuktaindet ne Toroor!

TIENWOGIKAL 33:12

Iberuurot pororyet ne Kamuktaindennywa Kamuktaindet ne Toroor; piik che ki kolewen koek porotennyi!

TIENWOGIKAL 50:7

Oep iit, ee piikyuk, si ang'alaal; ee Israel, si abaoryanun. Aa Kamuktaindet, Kamuktaindeng'ung'.

TIENWOGIKAL 78:1

Oepchi iit ng'atuutyennyu, ee piikyuk: Otokyi itiikwok ng'aleegap kutinnyu.

KOMONG'U 19:6

Oegu eng' anee laitornatetap tisiik ak pororyet ne itabaanat. Chuuto ng'aleek che iwendi imwachini piigap Israel.’ ”

KOMONG'U 33:13

Ara anyun asoomin ale, ngo kaanyooru chameet eng' taing'ung' iman, iboorwo nguno ortinweguk si kobiit anain ak anyooru chameet eng' taing'ung' ak ibwaat inyee ile pororyoni ko piiguk.”

KALEWANAIK 6:23

Amu kayomisutyet ko tait, ak ng'atuutyet ko lapkeiyet, ak kereetap kong' ne po katigonet ko ooreetap saboondo.

ISAIAH 1:27

Tuun kityaachi Zion eng' kirwooget, ak kityaache eng' imanda piikyik che sigu.

ISAIAH 2:3

Tuun itendenjin olooto piik che chaang' koleen, “Obwa, keebe ketogoste tulweetap Kamuktaindet ne Toroor, agoi kootap Kamuktaindetap Jakobo; si koneetech ortinwekyik, si kebendatee ortinwekyik.” Amu mang'une ng'atuutik Zion, ak komang'une ng'olyootap Kamuktaindet ne Toroor Jerusalem.

ISAIAH 26:2

Oyat ormariichok, si kobiit kobun kwo oriit pororyet ne po iman, ne riibei imanit.

ISAIAH 26:8

Eng' ooreetap kirwoogutiguk; Ee, Kamuktaindet ne Toroor, ki kigenin, makyingei saboonwekyok kaineng'ung' ak kabwaateng'ung'.

ISAIAH 33:22

Amu Kamuktaindet ne Toroor ko kirwoogindennyo, ne koonech ng'atuutik, Kamuktaindet ne Toroor ko laitoryandennyo; ineendet ne sarwech.

ISAIAH 42:21

Ki ibaibai Kamuktaindet ne Toroor, kotoroor ng'atuutyet, ak koyai koek ne kigonyiti amu imandanyi.

ISAIAH 42:6

Ki aguurin, anee Kamuktaindet ne Toroor eng' imanda, ak anam eung'ung' ak ariibin, ak agoonin iegu arorutyetap piik, iegu lapkeiyetap Pororyosyek;

ISAIAH 49:6

ee, mwaei kole, kiy ne ming'in iegu otwogindennyu, si kobiit ing'eet pororyosyek che po Jakobo, ak iweech che ki kiriip che po Israel: agoonin kogeny iegu lapkeiyetap Pororyosyek, si kobiit iegu yetunennyu agoi ole poochin ng'wony.

ISAIAH 55:3

Oep iit, ak obwanjo, ogas, si kosapcho saboonwekwok: ak kiyomisyige ak okweek kayomiset ne po koigeny, nooto rireenosyek che po iman, che po Daudi.

ISAIAH 63:8

Amu ki mwa kole, piikyuk iman, lagok che ma yaei kaberberisyet: ki ek anyun yetindennywa.

MIKAH 4:2

Ak pendi pororyosyek che chaang' ak komwa kole: “Obwa, ketogoste tulweetap Kamuktaindet ne Toroor, ak keebe kootap Kiptaiyat Kamuktaindetap Jakobo; si koneetech ortinwekyik, ak kebendatee ortinwekyik.” Amu mang'une ng'atuutik Zion, ak komang'une ng'olyootap Kamuktaindet ne Toroor Jerusalem.

LUKA 2:32

lapkeiyet ne po ng'ang'utyet ne king'aang'jin Pororyosyek, ak toroornatetap piiguk Israel.”

1 KORINTOEK 9:21

eng' icheeget che ma mi eng' Ng'atuutik, ko ki aige agane chii ne ma mi Ng'atuutik, ma keele ma mi eng' Ng'atuutik eng' Kamuktaindet, ago ami eng' Ng'atuutik eng' Kristo, si anyoor icheek che ma mi eng' Ng'atuutik.

NG'ATUTIK 18:18

Ang'eetyini anyun maotyot eng' tupchosyekwak ne uu inyee ak ande ng'aleekyuk kutinnyin, ak komwachi icheek tugul che ang'ate ineendet.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.