ISAIAH 51:3 - BUKUIT NE TILIIL Sireet ne Dutero Kanon

³ Amu kagogaigai Kamuktaindet ne Toroor Zion: kagogaigai komoswekyik tugul che kigemeto, ak ki koyai ong'atennyi koigei Eden, ak koyai surkwenennyi koigei mbareetap Kamuktaindet ne Toroor; kinyoorchin olooto poiboiyet ak kaagaasetapkei, kobooto kongoi ak tyenwogik che rurei komyee.

Bukuit Ne Tilil

³ Amu kagogaigai Kamuktaindet ne Toroor Zion: kagogaigai komoswekyik tugul che kigemeto, ak ki koyai ong'atennyi koigei Eden, ak koyai surkwenennyi koigei mbareetap Kamuktaindet ne Toroor; kinyoorchin olooto poiboiyet ak kaagaasetapkei, kobooto kongoi ak tyenwogik che rurei komyee.

BUKUIT NE TILIL

³ Amu kagogaigai Jehovah Sion: kagogaigai komoswekyik tugul che kigemeto, ak kigoyai ong’atennyi koigei Eden, ak koyai surkwenennyi koigei mbaretab Jehovah; kinyorjin oloto boiboiyet ak kagasetab ge, koboto kongoi ak tienwogik che rurei komie.

ISAIAH 51:3 Referencias Cruzadas

TAUNET 13:10

Ak kiguskong' Lot kotabendo, ak ki keer atebweetap Jordan komugul kole emet ne tinyei peek eng' olda age tugul ko uu mbareetap Kamuktaindet ne Toroor, ko uu emetap Misiri ne tokyingei komostap Zoar, ye ki tomo kong'em `Kamuktaindet ne Toroor Sodom ak Gomorah.

TIENWOGIKAL 85:8

Nan agas kiit ne mwaei Kamuktaindet, Kamuktaindet ne Toroor; amu mwachin kaalyeet piikyik, chechiik che tiliileen; ago amat kota koweekyigei perberyo.

ISAIAH 12:1

Eng' peetuunooto imwae ile, “Aweegun kongoi, ee Kamuktaindet ne Toroor; agot nganda ki inereekyo, ko kageisto nereegeguk, ak igoigoa.

ISAIAH 25:9

Ak tuun kimwaei eng' peetuunooto keele, “Ogeero, niito ko Kamuktaindennyo; ki kigen ineendet, ak sarwech ineendet. Niito ko Kamuktaindet ne Toroor; ki kigen ineendet, kigasigei ak keboiboitu eng' yetunennyi.”

ISAIAH 35:6

Yeityo kotoromben chiito ne ing'wali ko uu cheptirgichet, ak kotyen ng'elyeptap ne namaat kuut. Amu kuutu peek eng' surkwen, ak kobiit kereruusyek eng' surkwen.

ISAIAH 41:16

Iruri, si koip usoonet, ak koyesta kipchurchuryet: ak ibaibaitu eng' Kamuktaindet ne Toroor, ilasunegei Ineendet ne Tiliil ne po Israel.

ISAIAH 43:19

Ogeero, ayae kiit ne leel; piitu anyun nguno; tos monae? Ayae ooreet eng' surkwen, ak ainoosyek eng' surkwen.

ISAIAH 44:26

ne igimiti ng'olyootap otwogindennyi, ak kosuldoi kirwoogetap chechiik che kiyooktoi; ne mwaei agobo Jerusalem kole, tuun ki menyei; ak komwaei agobo nganasoogap Judah kole, tuun kiteechei, ak ang'eet komoswekyik che ki koek karatwek:

ISAIAH 49:13

Otyense, ee kipsengwet; ak oboiboitu, ee ng'wony; ak otyense, ee tuloonook; amu kagogaigai `Kamuktaindet ne Toroor piikyik, ak koriiree piikyik che ki kinyalil.

ISAIAH 49:19

Amu mariigitu komosweguk che kigemeto, ak che ki koguber, ak emeng'ung' ne kigeng'em, iman mariigityin piik che menyei, ak kolooegitu icheek che kiluguin.

ISAIAH 49:8

Mwaei Kamuktaindet ne Toroor kole, ki awolun eng' peetuut ne chamaksei, ak ki atoretiin eng' peetuutap yetunet: ak ariibin, ak agoonin iegu arorutyetap piik, si ilang'u emet, si igoochi kobore porotosyek che ki mi puch;

ISAIAH 51:12

Anee, aneendet ne agoigook: ii ng'oo, kot iywei chiito ne meei, ak iywei weeriitap chii ne kiyaei koek suswot;

ISAIAH 52:9

Oboiboitu, otyense tugul, okweek komoswek che kigemeto che po Jerusalem; amu kigogaigai `Kamuktaindet ne Toroor piikyik, ki kotyach Jerusalem.

ISAIAH 61:10

Abaibaitu miising' eng' Kamuktaindet ne Toroor, poiboitu saboondanyu miising' eng' Kamuktaindennyu; amu kagolaakwa ngoroigap yetunet, kagotugeno ngoryeet ne po imanda, ko uu ye lelesane sandet kiit ne indoi metit, ak ko uu ye lelesane murereet sonoekyik.

ISAIAH 65:18

Ago ogaaskei ak oboiboitu agoi agobo kiit ne atau ayae: amu atau ayae Jerusalem koek ne kiboiboitune, ak koek piikyik poiboiyet.

JEREMIA 31:25

Amu kaabai kobiyo saboondo ne ng'etat, ak kaanyiit saboondo age tugul ne arageni.

EZEKIEL 28:13

Ki imi Eden, mbareetap Kamuktaindet; ki itugegei koita age tugul ne po kamanuutyet, sardio, topasio, ak yaholom, berulo, soari, jasipi, sapphire, sumaragdo, ak bareqet, ak thahabu: ki miitei oriing'ung' poisyetap sugutisyeguk che mengeechen ak ndurerusyeguk; ki kichop chooto eng' peetuut ne ki kitau keyain.

EZEKIEL 36:11

ak ateswok piik ak tyong'ik; ak kotesak ak koiiyo: ak kemenyok ko uu peetuusyekwok che po tai, ak ayaiywok ne myee kosiir eng' tai: si onai ole aa Kamuktaindet ne Toroor.

EZEKIEL 36:35

Ak tuun mwaei kole, kaigei emoni kiga koguber, mbareetap Eden; ak kageng'ot ak kemeny nganasook che kiga koek karatwek, ak koguber, ak kong'emak.

JOEL 2:3

Amisyei maat eng' tainnywa; ak lalei liplibenetap maat eng' let. Eng' tainnywa ko uu emet mbareetap Eden, ak kagoek surkwen kityo ole po let; ak ma piitu ne kachilile icheek.

1 PETERO 1:8

ne ochame nganda tomo ogeer; ineendet ne nganda mogeere nguno, oyani, ko oboiboi miising' eng' poiboiyet ne ma mwaoksei ak ko nyiitaat toroornatet: