ISAIAH 44:13 - BUKUIT NE TILIIL Sireet ne Dutero Kanon

¹³ Iitoe musogindetap pagoinik porowet; ak komare kalamit; site rotonik, ak komare yiemutyet kariik che kimarse, ak kowai koigei itoondap chiito, ko uu karaaranindap chiito, si kobiit kotebee ko.

Bukuit Ne Tilil

¹³ Iitoe musogindetap pagoinik porowet; ak komare kalamit; site rotonik, ak komare yiemutyet kariik che kimarse, ak kowai koigei itoondap chiito, ko uu karaaranindap chiito, si kobiit kotebee ko.

BUKUIT NE TILIL

¹³ Iitoe musogindetab baoinik borowet; ak komare kalamit; site rotok, ak komare yiemutiet karik che kimarse, ak kowai koigei itondab chito, ko u kororonindab chito, si kobiit kotebe go.

ISAIAH 44:13 Referencias Cruzadas

TAUNET 31:19

Kichoor Rael kanamonigap kwandanyi Laban, ye kigawo Laban kotil koroorigap keechiirekyik.

TAUNET 31:30

Ago angen ale koitau panda, amu amin emo agobo kootap kwandang'ung', ago kilya si ichoor kanamonikyuk?”

TAUNET 31:32

Ago meei age tugul ne inyoorchini kanamoniguk. Inyit eng' taitap tupchosyekyok kiy age tugul ne neng'ung' ne atinye si iip.” Amu ki ma nai Jakobo kole kichoor Rael tuguuchooto.

TAUNET 35:2

Ki mwachi Jakobo anyun piigap koonnyi, ak tugul che ki mi kobooto ineendet koleenji, “Olakte kanamonik che mi kwenung'wong' che po pororyosyek alak, oanyinygei ak owal ngoroikwok.

ISAIAH 41:7

Kogiil anyun musogindetap pagoinik kitang'indetap thahabu, ak ineendet ne ichabaisye kiriswet ko ki ili ineendet ne pirei karnet ne oo, komwachin agobo ole kituiye ngosyelait, koleenjin, Myee: yeityo ko ki ige kipchumarisyek, si ma king'ei.

ISAIAH 44:14

Iluuljingei taragonik, ak koip piribiryet ak keetit age, ak koriipchigei age eng' keetiigap timiin: minei tarakwet ne sabul, ak koner amu ropta.

EZEKIEL 8:10

Ki awe anyun oriit, ak ageer, ak ogeero, kimi itoondap age tugul ne po tyong'ik che ichuutegei, ak tyong'ik che kiwechei, ak kanamonik tugul che po kootap Israel, che ki kisirchi itoonwekwak tooteet komoswekwak tugul.

EZEKIEL 8:11

Ak kitononie taitap kanamonichooto piik tamanwogik tisap che po poisyegap Israel, ak kitonone kwenunnywa Jaasania weeriitap Sapan, kotinyei chii age tugul tereennyi eng' eunnyi, ne kibeelse; ak kitogosta iyeto ne po ng'uunetap nyamdutik.

EZEKIEL 8:12

Ki leenjo anyun ineendet, Ee weeriitap chii, tos kaigeer kiit ne yaei poisyegap kootap Israel, eng' ole imen, komi chii age tugul kooriikyik che po oriit che po kanamonik? Amu leen icheek, Mageerech Kamuktaindet ne Toroor; ki kometo Kamuktaindet ne Toroor emoni.

POISYONIGAP CHE KIYOKTOI 17:29

Ngo ki lagogap Kamuktaindet anyun, ko manyoljech kibwaat keele kergei Kamuktaindet ak thahabu, anan fedha, anan koita, che ki kiyai eng' musoknateet ak eng' ng'omnatetap piik.

ROMANIK 1:23

ak kowal toroornatetap Kamuktaindet ne ma ng'emaksei kogergeit ak itoondap chiito ne ng'emaksei, ak ne po toriitik, ak tyong'ik che po keelyek ang'wan, ak tuguuk che ichuutegei.

NG'ATUTIK 27:15

“Chuboot ne yaei kanamwet ne wechei Kamuktaindet ne Toroor nooto ne kiwaei anan kiy ne kitaanyi eng' musoknateet ak kelumda eng' ung'oot.” Ak kowol piik tugul kole, Amen!

NG'ATUTIK 4:28

Ak oot kanamonik che poisyetap eunegap piik, che po keetiik ak koik ak ko che ma keerei kiy ama kastoi ama amisyei anan kong'uto.

KIRUOGIK 18:24

Ak ki wol kole, “Kaorep kanamonikyuk che ki ayai, ak koomut tisiindet ak kaobe. Ta atinye nee anyun? Ara omwaiwo eng' nee ole ‘Amin nee?’ ”