ISAIAH 34:2 - BUKUIT NE TILIIL Sireet ne Dutero Kanon

² Amu tinyei Kamuktaindet ne Toroor nyitatet agobo pororyosyek tugul, ak nereegek che laldos agobo lugosyekwak tugul; Ki kong'em icheek kogees, ki kogoito icheek kebar.

Bukuit Ne Tilil

² Amu tinyei Kamuktaindet ne Toroor nyitatet agobo pororyosyek tugul, ak nereegek che laldos agobo lugosyekwak tugul; Ki kong'em icheek kogees, ki kogoito icheek kebar.

BUKUIT NE TILIL

² Amu tinyei Jehovah nyitatet agobo bororiosiek tugul, ak neregek che laldos agobo lugosiekwak tugul: kigong’em ichek koges, kigogoito ichek kebar.

ISAIAH 34:2 Referencias Cruzadas

TIENWOGIKAL 2:5

Ak kong'alaalji anyun eng' nereegekyik, ak konyaliil icheek eng' nereegekyik che ng'woneen, kole,

KOMONG'U 8:14

Ak ki kiiyumat keburusyek che chaang', ak ki ibul emet komugul.

ISAIAH 10:5

Pwo eng' Assyria, kirokto ne po nereegekyuk, kirokto ne po ineendet ne mi nereegekyuk eunnyi!

ISAIAH 13:5

Punu icheek emet ne loo, ole pooch tabandap kipsengwet, ineendet Kamuktaindet ne Toroor, ak kariigap nereegekyik, si kobiit kong'em emet komugul.

ISAIAH 13:6

Oteiye, amu kagoriik peetuutap Kamuktaindet ne Toroor; nyoonei ko uu ng'emisyet ne punu Ineendet Ne po Kamuktaet.

ISAIAH 26:20

Obwa, piikyuk, mong'ji kooriguk oriit, ak ogerchigei ko. Ounyge ne matya, agoi kosiirto nereegek.

ISAIAH 30:25

Ak kobiitu ainoosyek ak kereruusyek che mi peek eng' tulweet age tugul ne oo ne kooi, ak eng' tulweet age tugul ne ming'in ak ko toroor, eng' peetuutap parisyet ne oo, ye ibutos teeksosyek che kooen.

ISAIAH 61:2

Si kobiit aamda kenyiit ne chamat eng' Kamuktaindet ne Toroor, ak peetuutap yaaktaetap mugetuut ne po Kamuktaindennyo; ak agaigai tugul che riirtos;

ISAIAH 63:6

Ak ki atyech piik eng' nereegekyuk, ak ki agoochi kobogityo eng' nereegekyuk che ng'woneen, ak ki atumji ng'wony korotiikwak che saptos.

ISAIAH 65:12

aityinok anyun rotwetap chok, ak ong'uruukyini tugul parisyet: amu kinga kuurse, koma kowolu; kinga ng'alaal, koma ogas; ago ki oyai yaityet eng' tainnyu, ak ki olewen ne ma paibaitune.

ISAIAH 66:14

Ak ogeero, ak koboiboitu mugulelwekwok, ak kong'atyo kawekwok ko uu susweek che ng'orng'or: ak konaak eutap Kamuktaindet ne Toroor eng' otwogikyik, ak konereekyi puunikyik.

ISAIAH 66:16

Amu irwooksechin `Kamuktaindet ne Toroor piik tugul eng' maat ak eng' rotwennyi po chok: ak kochang'a che parei Kamuktaindet ne Toroor.

JEREMIA 25:31

Itei polateet ole poochin ng'wony; amu poortos Kamuktaindet ne Toroor ak pororyosyek, irwooksechin `ineendet piik tugul; ak igoitoi kiptengeginik kebar eng' rotwetap chok, mwaei Kamuktaindet ne Toroor.

JEREMIA 25:32

Mwaei Kamuktaindet ne Toroor ne po lugoosyek kole, ogeero, Wendi yaityet kobunei pororyet age agoi pororyet age, ak king'eet kipchurchuryet ne oo eng' ole poochin ng'wony.

JEREMIA 25:33

Ak konyi emet eng' peetuunooto piik che parei Kamuktaindet ne Toroor, kobooch tabanda age ne po ng'wony agoi tabanda age: ma mi chii ne iteei agobo icheek, ama kiyumi, ama kitubei; egu ng'atateek eng' emet.

EZEKIEL 36:5

mwaei anyun Kiptaiyat Kamuktaindet ne Toroor kole: Ki amwa iman eng' maatap ng'etkondanyu agobo pororyosyek che ng'etunotiin, ak agobo Edom tugul, che kiityigei emennyu kole kobunji eng' poiboiyetap mugulelwekwak tugul, eng' koroomnatetap saboondo, si kogoito keluul:

SEPANIA 3:8

Ogeno anyun, mwaei Kamuktaindet ne Toroor, kot koit peetuut ne aipchini kirwooget. Ye katil ayum pororyosyek, ale atuiyo pounatosyek, si aroong'ji icheek nereegekyuk, nereegekyuk tugul che koroomen. Ne matiny ko tuun kibeelei ng'wony tugul eng' maatap ng'etkondanyu.

SEKARIA 14:3

Yeityo kwo Kamuktaindet ne Toroor, kwo kobargei ak pororyosyechooto, ko uu ye kiyaei pooryeet eng' peetuutap lugeet.

ROMANIK 1:18

Ki keng'aany nereegegap Kamuktaindet kobun kipsengwet agobo pistoet tugul ak yaityet tugul ne po piik, che kirindoi imanit eng' yaityet;

JOSHUA 11:20

Ki ng'olyootap Kamuktaindet ne Toroor ne ki iuit mugulelwekwak si kobargei ak Israel eng' lugeet, si kong'em icheek kogees, ak ma kiriree icheek, ago si kobiit kong'em icheek kogees ko uu ye ki kang'at `Kamuktaindet ne Toroor Musa.

NG'ANG'UTYET 20:15

Ak ngot kenyoor chii age tugul ne ki ma kisirchi bukuitap saboondo, kewiirchin araraitap maat.

NG'ANG'UTYET 20:9

Ak kotogosta koyom ng'wony ak koyiem ye mi che tiliileen, ak nganaseet ne chamat; ak ki choorgei maat eng' kipsengwet, ak kobeel icheek.