ISAIAH 34:1 - BUKUIT NE TILIIL Sireet ne Dutero Kanon

¹ Oriigu okweek pororyosyek, si ogas; ak oep iit okweek piik! Ingogas emet, ak tuguuk che nyiitaat olooto; ng'wony ak tuguuk tugul che mang'une.

Bukuit Ne Tilil

¹ Oriigu okweek pororyosyek, si ogas; ak oep iit okweek piik! Ingogas emet, ak tuguuk che nyiitaat olooto; ng'wony ak tuguuk tugul che mang'une.

BUKUIT NE TILIL

¹ Origu okwek bororiosiek, si ogas; ak oeb it okwek bik: ingogas emet, ak tuguk che nyiitat oloto; ng’ony ak tuguk tugul che mong’une.

ISAIAH 34:1 Referencias Cruzadas

TAUNET 6:13

Ak ki leenji `Kamuktaindet Noah, “Kaabegechi agees piik tugul, amu oo puunyoondit ak ng'emisyet eng' ng'wony amu icheek. Ko uu nooto anyun, ang'eme icheek kobooto ng'wony komugul.

TIENWOGIKAL 24:1

Po Kamuktaindet ne Toroor ng'wony ak tugul che nyiitaat olooto; ng'wony, ak che menyei olooto;

TIENWOGIKAL 50:1

Katwek Ne po Kamuktaet, inee Kamuktaindet ne po Toroornatet, ak kaguur ng'wony kobooch ko kachor asiis agoi kororokto.

TIENWOGIKAL 96:10

Omwa eng' pororyosyek ole, Laitorani Kamuktaindet ne Toroor: Ki kigimit ng'wony si ma ng'eigei: Irwookyin piik eng' imanda.

ISAIAH 1:2

Ogas, ee kipsengwet! Oep iit, inyee ng'wony! Amu kagotwek Kamuktaindet ne Toroor, kole: Ki aguu ak ki aneet lagok, ago ki kongelelja.

ISAIAH 18:3

Okweek tugul che omenye ng'wony, ak okweek che omenye emet, ye kinamjin parak songolyet eng' tuloonook, ogeer! Ye kiguutei iryageet, oep iit!”

ISAIAH 33:13

Ogas, okweek che oo looen, kiit ne kaayai; ak okweek che oo neegit, ong'aany kamugennyu.

ISAIAH 41:1

Osisye eng' tainnyu, ee ngeguusyek; ingonyoor pororyosyek kimnateennywa ne leel: ingorik; yeityo kong'alaalso: ongeriigu tugul ye mi kirwooget.

ISAIAH 43:9

Ingoyumgei pororyosyek tugul, ak ingoyumgei piik: ng'oo eng' icheek ne imuuchi komwa ng'olyoondoniito, ak koboorwech tuguuk che po tai? Ingomut paorinikwak, si kobiit kiityi imanda: anan ingogas, ak komwa kole, po iman.

ISAIAH 48:16

Oriikyo, ogas ni; tomo amwa kiy eng' ung'oot kobooch keny; ki ami kobooch agoi; kagoyookta anyun Kiptaiyat Kamuktaindet ne Toroor, ak Kabuusennyi.

ISAIAH 49:1

Ogasa, ee ngeguusyek; ak oep iit, okweek pororyosyek che omi ole loo; kiguura Kamuktaindet ne Toroor kobooch ami moo; ki mwa kainennyu kobooch ami moetap kamennyu:

ISAIAH 63:1

Ng'oo ne punu Edom, ne tinyei ngoroik che ki kisal kobiriritu, eng' Bosra: ne tinyei ngoroik che po toroornatet, kowendi eng' ooindap kimnateennyi? Aneendet ne ang'alaali eng' imanda, ne atinye kamuget asar.

JEREMIA 22:29

Ee emoni, emoni, emoni, kas ng'olyootap Kamuktaindet ne Toroor.

JEREMIA 49:7

Ng'aleegap Edom: Mwaei Kamuktaindet ne Toroor ne po lugoosyek ko uu ni, kole: Tos ma komi utaatyet eng' Teman? Tos ki kobet kirwooget eng' che ng'oomen? Tos ki kobek ng'omnatennywa?

EZEKIEL 38:17

Mwaei Kiptaiyat Kamuktaindet ne Toroor kole: Tos inyee ne ki amwaite keny eng' otwogikyuk maotigap Israel, che ki maoteni eng' peetuusyechooto eng' kenyiisyek che chaang' kole tuun amutun inyoo obargei ak icheek?

OBADIA 1:1

Ng'ang'utyetap Obadiah. Mwaei Kiptaiyat Kamuktaindet ne Toroor ko uu ni agobo Edom: Ki kegas ng'aleek che punu Kamuktaindet ne Toroor, ak ki kiyookto tononjinindet kwo ye mi pororyosyek, koleenji, ong'eetye! Ong'eetye kegirindee ineendet eng' lugeet.

1 KORINTOEK 10:26

amu po Kiptaiyat ng'wony, ak che nyiitaat ng'wony.

NG'ATUTIK 32:1

Oebit, ee okweek kipsengwet, si kobiit ang'alaal; ingogas ng'wony ng'aleegap kutinnyu.

NG'ATUTIK 4:26

ko kaaguur kipsengwet ak ng'wony kobaoryanjin peetuuni, ale osip olustosi owong'ugei eng' emet ne obendi olandoe Jordan oname kobunjook. Ma chaang'aitu peetuusyekwok eng' olooto ago king'emok owong'ugei.

NG'ANG'UTYET 2:7

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri, agoochini koam che po keetitap saboondo ne mi Paradiso ne po Kamuktaindet.

KIRUOGIK 5:3

Ogas, okweek laitorinik! Oep iit, okweek pounik! Atyenjini anee Kamuktaindet ne Toroor. Atyenjini kalasunet Kamuktaindet ne Toroor, Kamuktaindetap Israel.

KIRUOGIK 5:31

Ingobek kowong'kei puuniguk tugul, ee Kamuktaindet ne Toroor! Ago ingoigei che chamei ineendet asiista, ye charu eng' kimnateennyi!” Ki piit kaalyeet anyun eng' emet kenyiisyek artam.