ISAIAH 15:3 - BUKUIT NE TILIIL Sireet ne Dutero Kanon

³ Kermenegei kuniok eng' ortinwekwak. Iteei age tugul ak koriirei miising', eng' kooriikwak parak ak eng' komoswekwak che paraen.

Bukuit Ne Tilil

³ Kermenegei kuniok eng' ortinwekwak. Iteei age tugul ak koriirei miising', eng' kooriikwak parak ak eng' komoswekwak che paraen.

BUKUIT NE TILIL

³ Kermenegei kuniok eng’ ortinwekwak: iteei age tugul ak korirei mising’, eng’ gorikwak barak, ak eng’ komoswekwak che baraen.

ISAIAH 15:3 Referencias Cruzadas

2 SAMUEL 3:31

Yeityo koleenji `Daudi Joab kobooto piik tugul che ki mi ak ineendet, “Ogereer ngoroikwok ak ogermenegei kuniok yeityo oteiye eng' taitap Abner.” Ak ki isubi Daudi kiit ne ki kisute.

2 LAITORINIK 6:30

Ak kingo kas laitoryat ng'aleegap kwonyooto, kogereer ngoroikyik. Ye kiwendote irimeet parak, kogigeer piik, ak ki ilaagoti kuniok.

ISAIAH 15:2

Katogosta Bayit, ak Dibon, kot koit komoswek che torooreen, koba koriir; riirchin `Moab Nebo, ak agobo Mediba. Mi pooswek metowekwak, ki ketil tamnet age tugul.

ISAIAH 22:1

Maonateet agobo atebweetap ng'ang'utyet. Amin nee anyun, kot itogoste kooriik parak?

ISAIAH 22:4

Ki amwa anyun ale, welelgei amegeera, si ariir eng' ng'wanindo; matibirtegei ile igaigaa, amu luuleetap cheptap piikyuk.

ISAIAH 3:24

Ak tuun kigeeree nyamdutik che anyiny nunateet; ak kogeeree pireneet, rogoet; ak kogeeree suumeek che iletotin, poosto; ak kogeeree angeet ne karaaran, kuniet ne kigermenegei; ak kogeeree korooronindo, saremik.

JEREMIA 19:13

ak kogergeit kooriigap Jerusalem, ak kooriigap laitorinigap Judah, che ki king'wanit, ak komostap Topet, kooriik tuguuk che kibeelee icheek paragunnywa nyamdutik kobeeljine tuguuk tugul che po kipsengwet, ak ki koroong'ji kagoochinoik che kieei, kanamonik che teer.

JEREMIA 48:37

Amu churat metit age tugul, ak kigetil tamnet age tugul: mi eunek tugul perutik che ki kitilei, ak kogermenegei kuniok.

RIREKAB JEREMIA 2:10

Tebyei ng'wony poisyegap cheptap Zion, siistos; Ki koseerchi temburyek metowekwak ki kogermenegei kuniok. Pergeinigap Jerusalem ko kagoabuch metowekwak.

EZEKIEL 7:18

Kermenegei kogeny kuniok, ak kotuch icheek kamuiset; ak kolilaanso tugul, ak konam icheek tugul pooswek.

AMOS 8:10

Awale igoorwekwok koek riirek, ak awal tyenwogikwok tugul koek kateiyet; agoochini piik tugul kogermenegei kuniok, ak koam poosto chii tugul; ayae nooto koek che kiriirchin weeriit ne ki kiii ineegei, ak ayae kagesunennyi koek peetuut ne ng'waan.”

MATAYO 11:21

Pwo! Wee Korazin! Pwo! Wee Bethsaida! Amu nda kiga kiyai eng' Tyro ak Sidon poisyonik che po kamuktaet che ki kiyai eng' okweek, ta kiga kosik keny, kolaach kuniok ak koiilegei oreek.

NG'ATUTIK 22:8

Ye iteech koot ne leel, itegel koot parak iyiem kotuiyo si meipchi koong'ung' korotiik, ngo chirkwin chii eng' olooto.

JAKOBO 5:1

Ogas anyun, okweek mogoreek, oriirye ak oteeiye amu nyalwogikwok che pwonjinok.

1 SAMUEL 5:12

Piik che ma pek ko ki kibiree myando ne ibwansei; kitogosta kipsengwet riiregap nganaseet.