HOSEA 8:1 - BUKUIT NE TILIIL Sireet ne Dutero Kanon

¹ Kuut iryageet. Nyoonji kootap Kamuktaindet ne Toroor ko uu kipsiichit: amu ki kobistoe icheek kayomisennyu, ak kongelelji ng'atuutikyuk.

Bukuit Ne Tilil

¹ Kuut iryageet. Nyoonji kootap Kamuktaindet ne Toroor ko uu kipsiichit: amu ki kobistoe icheek kayomisennyu, ak kongelelji ng'atuutikyuk.

BUKUIT NE TILIL

¹ Kuut iriaget. Nyonjin gotab Jehovah ko u kipsichit: amu kigobistoe ichek kayomisennyu, ak kongelelji ng’atutikyuk.

HOSEA 8:1 Referencias Cruzadas

2 LAITORINIK 18:27

Ago ki leenji `Rabsake icheek, “Kagoyokwo kiptaiyandennyu anyo ye mi kiptaiyandeng'ung', ak oldang'ung', si kobiit amwa ng'aleechu? Tos ma iyookwo anyo ye mi pichu iburi eng' irimeet parak, si koam ng'atateekwak ak koe peekwak kobootok?”

ISAIAH 18:3

Okweek tugul che omenye ng'wony, ak okweek che omenye emet, ye kinamjin parak songolyet eng' tuloonook, ogeer! Ye kiguutei iryageet, oep iit!”

ISAIAH 24:5

Ki kimurwon ng'wony amu piik che menyei; amu ki kobistoe ng'atuutik, ki kowal kirwoogutik, ki kobut kayomiset ne po koigeny.

ISAIAH 58:1

Waach miising', amesiis, waach ko uu iryageet, ak imwachi piikyuk pistoennywa, ak imwachi kootap Jakobo tengekwogikwak.

JEREMIA 31:32

ma ko uu kayomiset ne ki kiyomiske ak kwanisyekwak eng' peetuut ne ki anamanu icheek amutu komong' eng' emetap Misiri; kayomiset nootonyu ne king'em icheek, nganda ki aa manong'otyot eng' icheek, mwaei Kamuktaindet ne Toroor.

JEREMIA 34:18

Ak agoitoi piik che ki kobistoe kayomisennyu, che ma yai ng'aleegap arorutyet ne kiga koyai eng' tainnyu, ye kipcheune aeng' moita ak kobun kwenutap kebeberwekyik;

JEREMIA 4:13

Ogeero, togosu ineendet ko uu poolik, ak uu kipchurchuryet kariisyekyik che po lugeet. Chepchep paraisisyekyik kosiir kipsichinik. Pwo eng' acheek, amu kageng'emech!

JEREMIA 4:5

Omwaite eng' Judah, ak obaraste eng' Jerusalem: oguut iryageet eng' emet! Owaach miising' ak omwa ole: Oyumgei, ak ongebe agoi nganasook che ng'ootaatiin!”

JEREMIA 48:40

Amu mwaei Kamuktaindet ne Toroor kole, ogeero, tirireni ko uu kipsiichit, ak kouito kebebaikyik kotokyi Moab.

JEREMIA 49:22

Ogeero, togosu ineendet ak kotirireni ko uu kipsiichit, ak kouito kebebaikyik kotokyi Bosra: ak koigei eng' peetuunooto mugulelwegap piik che nyigoonen che po Edom, muguleldap kwondo ne tinyei ng'wanindo ye machei kosigiis.

JEREMIA 51:27

Onamji parak songolyet eng' emet, oguut iryageet eng' pororyosyek, ochop pororyosyek kobargei ak ineendet, oguur pounatosyegap Ararat, ak che po Mini ak che po Ashkenas, kobargei ak ineendet: olewen kiptaiyat ne paregei ak ineendet; ogetu paraisisyek che uu tinapchet.

JEREMIA 6:1

Omwei osaruge, okweek lagogap Benjamin, omong'u eng' Jerusalem ak oguut iryageet eng' Tekoa; onamji parak kitap kaboorunet eng' Beth-hakerem. Amu itu yaityet eng' murot kaataam ak ng'emisyet ne oo.

EZEKIEL 11:4

Maoten anyun agobo icheek, maoten, ee weeriitap chii.

EZEKIEL 16:59

Amu mwaei Kiptaiyat Kamuktaindet ne Toroor kole: Ayaun ko uu ye koiyai, ne koisas kayasyoet ibut kayomiset.

EZEKIEL 17:3

ileenji mwaei Kiptaiyat Kamuktaindet ne Toroor kole; Ki nyoonji Lebanon kipsiichit ne oo ne tinyei kebebaik che eecheen ak ko kooen, che nyiitaat koroorik che ki tinyei saleiywek che teer, ak koip walitap tarakwet:

EZEKIEL 7:14

Kagoguut iryageet, ak kagochop tuguuk tugul; ago ma mi ne wendi pooryeet: amu mi nereegekyuk chaang'indonywa tugul.

HOSEA 4:6

Ki keng'em piikyuk amu ma tinyei naet; amu ki ieesye naet, aesyoin agane si ma iegu tisiindet eng' anee. Ak amu ki iutye ng'atuutigap Kamuktaindeng'ung', autye agane lagoguk.

HOSEA 5:8

Oguut igoondit eng' Gibea, ak oguut iryageet eng' Ramah. Owaach eng' Beth-aben; keer ole po let eng' inyee, ee Benjamin.

HOSEA 6:7

Ago ki kobistoe icheek kayomiset ko uu Adam: ki koberbera eng' olooto.

HOSEA 9:15

Mi yaityennywa tugul Gilgal; amu ki awech icheek eng' olooto: aoone icheek koba eng' koonnyu amu yaityetap poisyonikwak: ma achame kogeny; pistoik pounikwak tugul.

JOEL 2:1

Oguut iryageet eng' Zion, ak owaach eng' tulweennyu ne tiliil! Ingobotanso piik tugul che menyei emet, amu nyoonei peetuutap Kamuktaindet ne Toroor, ee kagoriik,

JOEL 2:15

Oguut iryageet eng' Zion, otabaan karugutetapkei, oguur tuiyet ne po kaming'inetapkei:

AMOS 3:6

Tos kiguutei iryageet eng' nganaseet, ama iyweis piik? Tos nyoonjin yaityet nganaseet, ama iyookyi Kamuktaindet ne Toroor?

AMOS 8:3

Ak koek tyenwogik che po Hekaluut kateiyosyek eng' peetuunooto, mwaei Kiptaiyat Kamuktaindet ne Toroor; chaang'itu muuswek; eng' siiseet ko wiirtoi muuswechooto eng' komosta age tugul.

AMOS 9:1

Ki ageer Kiptaiyat kotonone ole neegitee kaptisisyet, ak ki le, kwer walisyegap tolochik kot kotumdumgei tugatugik, yeityo itonaton walisyechooto eng' metowegap piik tugul. Ak che ng'etu abare rotwetap chok, mamweei agot agenge eng' icheek, ama chilili agot agenge.

HABAKUK 1:8

Chepcheben kogeny paraisisyekwak kosiir keteet, ak ko koroomen kosiir suik che po koskoleny; ak koboortogei piikwak che ketei paraisisyek: ee, punu pichooto ole loo; tirirendos ko uu kipsiichit ne choktoi kowendi koamisyei.

SEPANIA 1:16

Peetuutap iryageet ak waagaat, agobo nganasook che ng'ootaatiin, ak irimoik che torooreen.

SEKARIA 11:1

Yaat kurgotiguk, ee Lebanon, si kobeel maat taragoniguk.

SEKARIA 9:14

Ak kotook Kamuktaindet ne Toroor eng' paragunnywa, ak kwo ne kipchabennyi ko uu kalyeleet; ak koguut Kiptaiyat Kamuktaindet ne Toroor iryageet, ak kwo kobooto kipchurchurinik che po murot tai.

MATAYO 24:28

Oldo age tugul ole mi muusto, koyumjingei olooto motong'wek.

1 KORINTOEK 15:52

eng' ne matya, eng' kamismisetap konda, eng' iryageet ne po let: amu cheei iryageet, si king'eet che ki kobek koma kotinyei nunet, ak kewalech.

NG'ATUTIK 28:49

“Imutun Kamuktaindet ne Toroor pororyet ne punu ole loo eng' tabandap ng'wony ne megase ng'aleekwak konyo ko uu ye tirireni kipsiichit inyoo koboryenen