HOSEA 7:16 - BUKUIT NE TILIIL Sireet ne Dutero Kanon

¹⁶ Weektogei, ago ma weekyingei ineendet ne mi parak; uu kwanget ne itustusoot: kibarei pounikwak eng' rotwetap chok amu nereegegap ng'elyebwekwak: egu niito chotisyennywa eng' emetap Misiri.

Bukuit Ne Tilil

¹⁶ Weektogei, ago ma weekyingei ineendet ne mi parak; uu kwanget ne itustusoot: kibarei pounikwak eng' rotwetap chok amu nereegegap ng'elyebwekwak: egu niito chotisyennywa eng' emetap Misiri.

BUKUIT NE TILIL

¹⁶ Weechigei, ago maweekyingei inendet ne mi barak; u kwanget ne ma litit: kibarei bounikwak eng’ rotwetab chok amu neregekab ng’elyebwekwak: egu nito chotisienywa eng’ emetab Misri.

HOSEA 7:16 Referencias Cruzadas

TIENWOGIKAL 12:3

Ibeeti Kamuktaindet ne Toroor kutusweek tugul che ng'alaali chemwaigutnateet, ak ng'elyepta age tugul ne lasegei.

TIENWOGIKAL 12:4

Che ki le, “Kiterteeri eng' ng'elyebwekyok; ki tinyei kutusweek, ng'oo ne poiywech?”

TIENWOGIKAL 12:5

Mwaei Kamuktaindet ne Toroor: “Amu sastaetap kibananook, amu tigenetap che panandos, ang'eete nguno, agoochini kotebi riibetapkei, nooto ne machei miising'.”

TIENWOGIKAL 17:10

Kager icheeget mugulelwekwak agobo riirge; ng'alaale menoteet kutusweekwak.

TIENWOGIKAL 52:2

chobei ng'elyeptang'ung' tengekto. Kergei ng'elyeptang'ung' ak rotweet ne ng'atip, poisyei eng' ng'aalseet.

TIENWOGIKAL 57:4

Miitei saboondanyu kwenutap ng'etuunyik; arue kwenutap icheek che miitei maat, agot weeriigap piik, che kelekwak ko ng'otwek ak kipchabonik, ak ng'elyebwekwak ko rotonik che ng'atiben.

TIENWOGIKAL 73:9

Kigotoroor kutusweekwak agobo kipsengwet, ak kobendote ng'elyebwekwak ng'wony.

TIENWOGIKAL 78:37

Amu ki ma ko lititen mugulelwekwak eng' ineendet, Ak ki ma ek che kiyani agobo kayomisennyi.

TIENWOGIKAL 78:57

Ak kiweektagei let, koosup ng'aalseet ko uu kwanisyekwak: Ki kiweekta koba taban ko uu kwanget ne ma litit.

ISAIAH 3:8

Amu kogong'emak Jerusalem, ak kogobut Judah; amu ki ingelelji Kamuktaindet ne Toroor eng' ng'elyebwekwak ak eng' poisyonikwak, koesyoi kimni toroornatennyi.

JEREMIA 18:18

Ki mwa anyun kole, obwa kechop kiit ne kiitoi Jeremiah; amu ma petei ng'atuutyet eng' tisiindet, ama petei kirwooget eng' chiito ne utaat, ama petei ng'olyoot eng' maotyot. Obwa, kebire ng'elyepta, amat ongeepchi iit agot ng'olyoot agenge eng' ng'aleekyik.

JEREMIA 3:10

Ak eng' chu tugul, ko chepkamennyi Judah kaberberindet, koma weekyagei eng' muguleldo komugul, ago eng' ng'aalseet, mwaei Kamuktaindet ne Toroor.

JEREMIA 42:18

Amu mwaei Kamuktaindet ne Toroor ne po lugoosyek, Kamuktaindetap Israel, ko uu ni kole; Ko uu ye kigeroong'ji nereegekyuk ak nereegekyuk che ng'woneen, piik che menyei Jerusalem, keroong'jinok anyun ko uu nooto nereegekyuk che ng'woneen, ye obe Misiri: ak oegu che kichubei, ak che kikwong'ee ak che kisasei, ak che kichotei; ama ogeere olito kogeny.

EZEKIEL 23:32

Mwaei Kiptaiyat Kamuktaindet ne Toroor kole: Iee kigombetap chepkomet, ne oo ak ko paraa: kirorechinin kereenyin ak kesasin; chaang' tuguugap kigombanooto.

EZEKIEL 36:20

Ak kingo it ye mi pororyosyek ole ki pa, ko ki imurwon kainennyu ne tiliil; amu ki mwa piik agobo icheek kole pichu ko piigap Kamuktaindet ne Toroor, ak ki koba eng' emennyi.

HOSEA 11:5

Ma weekyingei ineendet emetap Misiri; ago egu `Assyrianindet laitoryandennyi, amu ki eesyo icheek koweigei.

HOSEA 11:7

Kagobegechi piikyuk kochuchuigei kometaa: agot ngo kuurso icheek koguurchi icheek ineendet ne mi parak, koma piitu ne itoroori ineendet.

HOSEA 6:4

Ee Ephraim, ayaun nee? Ee Judah, ayaun nee? Amu uu myeeindong'wong' pooldet ne po karon, ak ko uu rewoot ne sip kobetei.

HOSEA 7:13

Pwo eng' icheek! Amu ki koombeniot kometaa: ingonyonji icheek ng'emisyet! Amu ki kongelelja: agot nganda amache atyach icheek, ko ki komwa kora lembechek agobo anee.

HOSEA 9:3

Ma menyei icheek emetap Kamuktaindet ne Toroor; ago weekyingei Ephraim Misiri, ak koam amitwogik che ma tiliileen eng' Assyria.

HOSEA 9:4

Ma roong'jin Kamuktaindet ne Toroor kagoochinoigap divaik, ama iboiboi ineendet: uu tiseiywekwak eng' icheek amitwogigap piik che riirtos; king'waniti icheek tugul che amei: po amitwogikwak magennywa; ma ki ibu kobwa kootap Kamuktaindet ne Toroor.

HOSEA 9:6

Ogeero, kigoistoegei ng'emisyet, ago iyumi Misiri icheek, ak tubei Mempis icheek: punjin siwek tuguukwak che korooron che po fedha: mi katook emaisyekwak.

MALAKI 3:13

Kigouegitu ng'aleekwok che ki omwaitaena, mwaei Kamuktaindet ne Toroor. Ago oteebe ole nee ne ki kemwaitaenen?

MALAKI 3:14

Ki omwa ole, “Ma tilei kiy ngeot Kamuktaindet. Tos ki kogelwech nee ye ki ngeriip kayomisutikyik ak kebendatee taitap Kamuktaindet ne Toroor ne po lugoosyek keriiryoti?

MATAYO 12:36

“Amwaiwok ale, ng'olyoo age tugul ne mwaei piich eng' tangoi, ko tuun tetu chooto tugul eng' peetuutap kirwooget.

LUKA 8:13

Ak icheeget che mi rwandet parak, ko ye kagas ng'aleek, koyan eng' poiboiyet, ak ma tinyei tigitik. Iyani ne matya, ak kochuchuigei eng' peetuutap yoomseet.

JAKOBO 3:5

Uu nooto agine ng'elyepta, kebeberta ne ming'in, ak kolosegei eng' tuguuk che eecheen. Ogeero, peelei maat ne ming'in kweenik che tya!

2 PETERO 2:8

(amu ye ki menyei chiichooto po imanda kwenunnywa, kogeerei ak kogasei, kous muguleldanyi ne po imanda peetuut age tugul poisyosyegap ngelelnateet),

NG'ANG'UTYET 13:5

Ak ki kigoochi ineendet kutit kong'alaal tuguuk che eecheen ak chubisyosyek; ak ki kigoochi ineendet kimnateet koboisyee arawek artam ak aeng'.