EPESOEK 2:15 - BUKUIT NE TILIIL Sireet ne Dutero Kanon

¹⁵ ko kagowong' eng' poortanyi puunyoondit, ng'atuutyetap ng'atuutik ne miitei eng' kayomisutik; si kobiit kotoi koyai eng' ineendet chooto aeng' koek chiito agenge ne leel koyai kaalyeet;

Bukuit Ne Tilil

¹⁵ ko kagowong' eng' poortanyi puunyoondit, ng'atuutyetap ng'atuutik ne miitei eng' kayomisutik; si kobiit kotoi koyai eng' ineendet chooto aeng' koek chiito agenge ne leel koyai kaalyeet;

BUKUIT NE TILIL

¹⁵ ko kagowong’ eng’ bortanyi bunyondit, ng’atutietab ng’atutik ne mitei eng’ kayomisutik; si kobiit kotoi koyai eng’ inendet choto aeng’ koek chito agenge ne leel koyai kalyet;

EPESOEK 2:15 Referencias Cruzadas

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

2 KORINTOEK 5:17

Nooto anyun, ngo mi chii age tugul eng' Kristo, kogigeyai ineendet koek chiito ne leel: kagosiirto tuguuk che po keny; ogeero, kagoek che leelach.

GALATYEK 3:10

Amu tugul che mi eng' poisyonigap Ng'atuutyet, komiitei eng' chubeet: amu ki kisir keele, Chuboot chii age tugul ne ma tebyei eng' tuguuk tugul che ki kisir eng' bukuitap Ng'atuutyet, keele koyai chooto.

GALATYEK 3:28

Ma imugaksei keele mi Yahudyot anan Yunanindet, ama mi otwogindet anan ne ityagat, ama mi ne muren anan ne tye: amu okweek tugul ko oo agenge eng' Kristo Jeso.

GALATYEK 6:15

Amu ma kiy kamuratanet, anan ngo ma kimuratan, ago yautyet ne leel.

EPESOEK 2:10

Amu kiboisyennyi acheek, ne ki kiyaech eng' Kristo Jeso agobo poisyonik che myachen, che kisip kochop Kamuktaindet si kebendatee chooto.

EPESOEK 2:14

Amu ineendet ko kalyennyo, ne ki yai tuwai koek agenge, ne kibut tooteetap kween ne po kaoiyet,

EPESOEK 2:16

ak kotuiyo icheek tuwai eng' poorto agenge ak Kamuktaindet eng' kimurtoiyot, ko kagobar puunyoondit eng' nooto.

EPESOEK 4:16

eng' ineendet keropchindos ak kituitos poorto tugul, eng' nooto ne koonu kebeberta age tugul, ko uu kakwautyetap poisyet ne po kebeberta age tugul, si kotes poorto eng' teekseet ne teechegei ineegei eng' chamyet.

KOLOSAIK 2:14

ko kagobuch sireet ne po arorutik ne kiga kogikyech, ne kiraanyech: ak kigoisto, kobirchi kimurtoiyot;

KOLOSAIK 2:20

Ko uu ye ki obegu kobooto Kristo omang'une kaneetisyosyek che po tai che po ng'wony, amu nee anyun si ogas iit arorutik, ko uu ye osaptosi eng' ng'wony,

KOLOSAIK 3:10

ak koolaach chiito ne leel, ne kiwalei koleelit agoi naet kogergeit ak itoondap ineendet ne ki yai ineendet:

KOLOSAIK 3:11

ole ma ting'e poroindo Yunanindet ak Yahudyot, ne imuratanat ak ne ma imuratanat, punootyo, Sitiaindet, ne otwogin, ne ityagat: ago Kristo ko tugul ak eng' tugul.

KOLOSAIK 3:15

Ak ingoboi kaalyeetap Kristo mugulelwekwok, nooto ne ki kiguurchok eng' poorto agenge; ak oegu che tinyei kongoi.

HEBRANIK 7:16

ne ki kiyai, ago ma eng' ooreetap ng'atuututigap poorto, ago eng' kimnateetap saboondo ne ma igeesugei:

HEBRANIK 8:13

Amu ki mwa kole, “Arorutyet ne leel,” ki koyai koosit ne po tai. Ago nooto ositu ko kagotebi keny, ko neegit kogeskei.

HEBRANIK 9:23

Kinyolu anyun kitiliil itoonwegap tuguuk che po kipsengwet eng' chooto; ago kitiliile tuguuk che po kipsengwet tiseiywek che myach kosiir chuuto.