EPESOEK 2:14 - BUKUIT NE TILIIL Sireet ne Dutero Kanon

¹⁴ Amu ineendet ko kalyennyo, ne ki yai tuwai koek agenge, ne kibut tooteetap kween ne po kaoiyet,

Bukuit Ne Tilil

¹⁴ Amu ineendet ko kalyennyo, ne ki yai tuwai koek agenge, ne kibut tooteetap kween ne po kaoiyet,

BUKUIT NE TILIL

¹⁴ Amu inendet ko kalyennyo, ne kiyai tuwai koek agenge, ne kibut totetab kwen ne bo kaoiyet,

EPESOEK 2:14 Referencias Cruzadas

MIKAH 5:5

Egu chiichito kalyennyo ye tuun kait Assyrianindet emennyo, ak ye tuun katyech kooriikyok che po laitoryat, ko tuun king'eeti anyun mestoweek tisap ak piik sisiit che eecheen kobargei ak ineendet.

SEKARIA 6:13

ee, ineendet ne teechei Hekaluutap Kamuktaindet ne Toroor; ak konam toroornatet, ak kotebee ng'echerennyi ne po laitornatet, ak kobounis; ak koek tisiindet eng' ng'echerennyi ne po laitornatet, ak kotebee kirwoogetap kaalyeet kwenunnywa icheek tuwai.

LUKA 1:79

si koluuchi icheeget che tebyei eng' mesundeito ak che mi urwetap meet; si kondochi keelyekyok kot koit ooreetap kaalyeet.”

LUKA 2:14

Po teegisto Kamuktaindet, eng' ole toroor miising', Ak kaalyeet eng' ng'wony piik che chamaatiin eng' ineendet.

JOHANA 10:16

Ak atinye keechiirek alak, che ma po piuni: kanyool aget chooto ak icheek, si kogas kutinnyu: ak koek akweet agenge, ak mestowot agenge.

JOHANA 11:52

ma agobo pororyet ineegei, ago si kobiit koyum lagogap Kamuktaindet che yestootin si kobiit koek agenge.

JOHANA 16:33

Kaamwaiwok tuguuchu, si kobiit onyoorunena kaalyeet. Otinye nyalilda eng' ng'wony! Ago onyiganitu; amu kaaterter ng'wony.”

POISYONIGAP CHE KIYOKTOI 10:28

koleenji anyun icheek, “Ongen okweek ole kiy ne eesyoot eng' ng'atuutik eng' chii ne Yahudyo konamgei ak chii ne po poror age anan konyo ole mi; ago kagoboorwo anee Kamuktaindet kole si mata aguure chii age ne ma tiliil anan ne ng'waan.

POISYONIGAP CHE KIYOKTOI 10:36

Ng'olyoot ne ki iyookyi ineendet piigap Israel, ko koamda ng'aleek che myach che po kaalyeet eng' Jeso Kristo, ineendet ko Kiptaiyat ne po tugul.

ROMANIK 5:1

Ki tinyei kaalyeet ak Kamuktaindet eng' Kiptaiyandennyo Jeso Kristo amu ki kiityech imanda eng' kayaneet;

GALATYEK 3:28

Ma imugaksei keele mi Yahudyot anan Yunanindet, ama mi otwogindet anan ne ityagat, ama mi ne muren anan ne tye: amu okweek tugul ko oo agenge eng' Kristo Jeso.

EPESOEK 2:15

ko kagowong' eng' poortanyi puunyoondit, ng'atuutyetap ng'atuutik ne miitei eng' kayomisutik; si kobiit kotoi koyai eng' ineendet chooto aeng' koek chiito agenge ne leel koyai kaalyeet;

EPESOEK 2:17

Ak ki nyo koamwok kaalyeet okweek che ki oo looen, ak kaalyeet eng' icheek che kineegiten:

EPESOEK 3:15

ne nyoorunee ineendet kainennywa ooreet age tugul ne po kapchii, eng' kipsengwet ak ng'wony,

EPESOEK 4:16

eng' ineendet keropchindos ak kituitos poorto tugul, eng' nooto ne koonu kebeberta age tugul, ko uu kakwautyetap poisyet ne po kebeberta age tugul, si kotes poorto eng' teekseet ne teechegei ineegei eng' chamyet.

KOLOSAIK 1:20

si kotuiyechigei tuguuk tugul ineendet, ye kingo kagoyai kaalyeet eng' korotiigap kimurtoiyondennyi; eng' ineendet, ngo tuguuk che mi ng'wony anan tuguuk che mi kipsengwet.

KOLOSAIK 2:20

Ko uu ye ki obegu kobooto Kristo omang'une kaneetisyosyek che po tai che po ng'wony, amu nee anyun si ogas iit arorutik, ko uu ye osaptosi eng' ng'wony,

KOLOSAIK 3:11

ole ma ting'e poroindo Yunanindet ak Yahudyot, ne imuratanat ak ne ma imuratanat, punootyo, Sitiaindet, ne otwogin, ne ityagat: ago Kristo ko tugul ak eng' tugul.

KOLOSAIK 3:15

Ak ingoboi kaalyeetap Kristo mugulelwekwok, nooto ne ki kiguurchok eng' poorto agenge; ak oegu che tinyei kongoi.

HEBRANIK 13:20

Ingoyaak Kamuktaindet ne po kaalyeet, ne ki imut mestowot ne oo ne po keechiirek komong' eng' che ki pek, eng' korotiik che po kayomiset ne po koigeny, ineendet Kiptaiyandennyo Jeso,

HEBRANIK 7:2

ne kipchechi agine Abraham kebebertap taman ne po tugul ne ye kiweech, ko Laitoryatap imanda korook, ak yeityo kogeny ko Laitoryatap Salem, nooto ko Laitoryatap kaalyeet;