2 PETERO 2:2 - BUKUIT NE TILIIL Sireet ne Dutero Kanon

² Ak isubi piik che chaang' maguutikwak che yaacheen; kimwaitoe ne ya ooreetap imanit agobo icheek.

Bukuit Ne Tilil

² Ak isubi piik che chaang' maguutikwak che yaacheen; kimwaitoe ne ya ooreetap imanit agobo icheek.

BUKUIT NE TILIL

² Ak isubi bik che chang’ magutikwak che yaachen; kimwaitoe ne ya oretab imanit amu ichek.

2 PETERO 2:2 Referencias Cruzadas

TAUNET 19:5

Ki kuur `icheek Lot ak koleenji, “Ngorcho piik che ketaach eng' koong'ung' kemouni? Imutwech kobwa saang', si kobiit kenai icheek.”

TIENWOGIKAL 18:21

Amu ki ariip ortinwegap Kamuktaindet ne Toroor, ak ma abagaakte Kamuktaindennyu eng' oor ne ya.

ISAIAH 35:8

Ak kobiit ooreet ne oo eng' olooto, ak kiguure oranooto Ooreetap Tiliilindo. Ma punei oranooto che ma tiliileen ama tyechei oranooto agot che perber.

JEREMIA 6:16

Mwaei Kamuktaindet ne Toroor kole, otononie eng' ortinwek ak ogeerte, oteep ortinwek che po keny, ole mi ooreet ne myee, ak obendate nooto, si osich kamuung'et eng' saboonwekwok. Ago ki wol kole, “Ma kibendote ortinwechooto.”

MATAYO 22:16

Ki iyookto kasubikwak kobooto che po Herodik koba ole mi ineendet, koleenji, “Kaneetindoni, kingen keele ii po iman, ak ineeti ooreetap Kamuktaindet eng' iman, ameiti chii tugul; amu megeere togoochigap piik.

MATAYO 24:24

Amu tuun ng'eetos Kristoisyek che po lembech ak maotik che po lembech, ak koboortoi kaboorunoik ak kwang'utik che eecheen; si kobeet, nda imugaksei, agot che lewenotin.

MATAYO 7:14

Mariich kurgeet ak ko pichiy ooreet ne wendi saboon ak ng'ering' che nyooru.

MARIKO 12:14

Ak kingo pwa, koleenji ineendet, Kaneetindoni, kingen keele ii po iman, ameiti chii age tugul: amu megeere itoondap chii, ago ineeti iman ooreetap Kamuktaindet: Tos chamdoi ng'atuutik kigoochi kodi Caesarea, anan ma chamdoi?

MARIKO 13:22

Amu ng'eetos Kristoisyek che po lembech, ak maotik che po lembech, ak koboortoi kaboorunoik ak kwang'utik, si kobeet, agot che kigelewen nda imugaksei.

JOHANA 14:6

Koleenji Jeso, Aa ooreet, ak iman, ak saboondo: ma nyoonjin chii Kwanda, ama eng' anee.

POISYONIGAP CHE KIYOKTOI 13:10

ak kole, “Ee inyee ne nyiitaat ng'aalseet tugul ak ng'omnateet tugul ne po kabeetet, inyee weeriitap chesawilyet, inyee puunyootap imanda tugul, mebagaaktoi imaas ortinwek che lititen che po Kiptaiyat?

POISYONIGAP CHE KIYOKTOI 14:2

Ago kiim Yahudik che kibistoik saboonwegap Pororyosyek kot kogoochi kowech tupchosyek.

POISYONIGAP CHE KIYOKTOI 16:17

Ki isubot Paulo kebendi tugul, ak komwaei eng' kutit ne oo koleen, “Pichu ko otwogigap Kamuktaindet Ne Toroor Miising', che mwaiwok ooreetap yetunet.”

POISYONIGAP CHE KIYOKTOI 18:26

Ki toi kong'alaal eng' nyiganateet eng' sinagogit. Ago ye kingo kas Prisila ak Aquila, komut ineendet kwo taban, ak koboorchi ineendet ooreetap Kamuktaindet komyee kosiir.

POISYONIGAP CHE KIYOKTOI 19:9

Ago ye kingo uegitu mugulelwegap alak ak kobistoe, ak komwaei ne ya agobo Oranooto eng' taitap tuiyet, kwo eng' ole mi icheek, ak kotabaan kasubik, kong'alaaljin peetuut age tugul eng' sukulitap Turano.

POISYONIGAP CHE KIYOKTOI 22:4

ak ki ausausi Orani agoi meet, arate ak atoorchini korgoreet murenik ak kobogorisyek.

POISYONIGAP CHE KIYOKTOI 24:14

Ago kang'ang'un niito, eng' Oranooto kuure icheek piteet age, aoote Kamuktaindet ne po kwanisyekyok, ak ayani tuguuk tugul ko uu ye mwaei Ng'atuutyet, ak che ki kisir eng' maotik:

ROMANIK 2:24

Amu kichubei kainetap Kamuktaindet eng' kwenutap Pororyosyek, amu okweek, ko uu ye ki kisir.

1 TIMOTEO 5:14

Nooto anyun achame ale kitun mosoogik che ta ko mengeechen, si kosich lagok, ak koriip koot, amat kogoochi poroindo puunyoot kochuris eng' ui tugul;

TITO 2:5

koek che pou kabwaatutikwak, che tiliileen, che poisyei eng' kooriikwak, che talaen, che kase iit manong'otaikwak, si ma kimwaitae ng'olyootap Kamuktaindet kiy ne ya:

TITO 2:8

ng'aleek che po iman, teegisto, che ma kimuuchi kirwookyi; si kobiit kolilaan ineendet ne kirindoech, koma tinyei kiy ne ya ne mwaitaenech.

1 PETERO 2:12

okweek che otinye atebeet ne nyolu eng' kwenutap Pororyosyek, si nganda itaamok ko uu yaigap yaityo, kotoroor Kamuktaindet eng' peetuutap rutochinet eng' poisyonikwok che myach che keerei.

2 PETERO 2:12

Ago pichuuto ma tinyei ng'omnateet, che ki kisich kityo ko uu tyong'ik si kenamei ak kebarei, che chubisyei eng' ng'aleek che ma ingen, ko tuun king'emei iman eng' ng'emisyennywa,

2 PETERO 2:15

kingo pagaakta ooreetap iman, koba komasta, koosup ooreetap Balaam ne po kap Beor ne ki cham melektap yaityet;

2 PETERO 2:18

Amu, ye mwaei ng'aleek che koroomen che po lasetapkei, kochuutu eng' magutigap poorto, ak eng' mageet ne ya, piik che katoi kochililyo eng' icheek che mi eng' keniisyet:

2 PETERO 2:21

Amu kita kaigai eng' icheek koma nai ooreetap imanda, kosiir, ye kingo nai, koweektagei let eng' ng'atuutyet ne tiliil ne kiga kigoochi.

2 PETERO 2:7

ak ngot ko ki sar Lot, chiitap imanda, ne kinyaliili miising' amu atebosyek che yaacheen che po kiptengeginik,

JUDA 1:10

Ago chubei pichu tuguuk alak tugul agot che ma ingen; ak tuguuk che kiguitos icheegei ko uu piteennywa, ko uu tyong'ik che ma tinyei ng'omnateet, king'emei eng' tuguuchuuto.

JUDA 1:15

konyo koyachi kirwooget tugul, ak korwookyi tugul che ma iywei Kamuktaindet eng' poisyonikwak tugul che yaacheen che ki koyai koma iywei Kamuktaindet, ak ng'aleekwak tugul che uueen che ki mwa kiptengeginik che ma iywei Kamuktaindet agobo ineendet.

JUDA 1:4

Amu mi piik alak che ki chut oriit eng' ung'oot, icheek che ki kichopchi kirwoogoni kobooch keny, piik che ma iywei Kamuktaindet, che walei myeeindap Kamuktaindet nenyo koek mageet ne ya, ak koesyoi Laitoryandennyo, ne ineegei, ak ko Kiptaiyandennyo Jeso Kristo.

JUDA 1:7

Ko uu nooto, agot Sodom ak Gomorah, ak nganasook che kiga yiem, kingo kagogoochigei sokseet, ko uu chuuto, koba koosup poorwek che ma kergei ak chechwaak, ko ki kinde koek kaboorunetap chooto nyalili konyooru kergong'yetap maat ne po koigeny.

NG'ANG'UTYET 12:9

Ak ki kiturur maswetinooto oo konyo ng'wony, ereneet ne po keny, ne kiguure Chesawilyet ak keguure Setani, kaberberindetap ng'wony komugul; ki kiturur konyo ng'wony, ak ki kiturur malaikaisyekyik kobooto ineendet.

NG'ANG'UTYET 13:14

Ak ki iberber icheek che menyei ng'wony eng' kaboorunoik che ki kigoochi ineendet koyai eng' taitap tyondo; koleenjin icheek che menyei ng'wony koyachi kanamwet tyondo, ne tinyei perutyetap rotwetap chok, ak kisop tyonyooto.

NG'ANG'UTYET 13:8

Ak kolas ineendet tugul che menyei ng'wony, che ma ki sirchi kainaikwak bukuitap saboondo ne po Aarwet ne ki kibar kobooch taunetap ng'wony.