Biblia Todo Logo
La Biblia Online
- Anuncios -




2 PETERO 2:1 - BUKUIT NE TILIIL Sireet ne Dutero Kanon

1 Ago ki piit maotik che po lembech ak icheek eng' kwenutap piik, ko uu ye ta kobiitu agine eng' kwenung'wong' kaneetigap lembech, che ibu eng' ung'oot pcheutigap ng'emisyet, koesyoi agot Kiptaiyat ne ki al icheek, kochokyin koipchingei ng'emisyet.

Ver Capítulo Copiar

Bukuit Ne Tilil

1 Ago ki piit maotik che po lembech ak icheek eng' kwenutap piik, ko uu ye ta kobiitu agine eng' kwenung'wong' kaneetigap lembech, che ibu eng' ung'oot pcheutigap ng'emisyet, koesyoi agot Kiptaiyat ne ki al icheek, kochokyin koipchingei ng'emisyet.

Ver Capítulo Copiar

BUKUIT NE TILIL

1 Ago kibiit maotik che bo lembech agichek eng’ kwenutab bik, ko u ye ta kobiitu agine eng’ kwenung’wong’ konetikab lembech, che ibu eng’ ung’ot pcheutikab ng’emisiet, koesioi agot Kiptaiyat ne kial ichek, koipchingei ng’emisiet ne chogu.

Ver Capítulo Copiar




2 PETERO 2:1
73 Referencias Cruzadas  

Koyum anyun laitoryatap Israel maotik, olo po piik pogol ang'wan, ak koteebe koleenji icheek, “Awe kebarge ak Ramot-Gilead, anan atebi?” Ki leenji, “Togoste! Amu indoi Kiptaiyat eutap laitoryat.”


Kanam icheek kamuiset ak kaiyweisyet; eng' etunatetap eung'ung', ko siisyo ko uu koita; agoi kolanda piiguk, ee Kamuktaindet ne Toroor, agoi kolanda piik che ki ial.


Metit ko poiyot ne konyitot; ak katutyet ko maotyot ne ineeti lembechek.


Mwaei Kamuktaindet ne Toroor ne po lugoosyek, Kamuktaindetap Israel, agobo Ahab weeriitap Kolaia, ak Zedekiah weeriitap Maaseia, che maotenwok lembeita eng' kainennyu, kole: Ogeero, andoi icheek eutap Nebukadresar laitoryatap Babilon; ak kobar icheek eng' taing'wong';


Mi ano anyun nguno maotikwok che ki maotenwok, koleenjinok, Manyonjinin laitoryatap Babilon obargei, anan kobargei ak emoni?


Amu kobooch ne ming'in agoi ne oo eng' icheek, ko tinyei age tugul keyandiit, ak kobooch maotyot agoi tisiindet, ko yaei kaberberisyet age tugul.


Ki kogeer maotiguk ng'ang'utik agobo inyee che po tangoita ak perberyo; ak tomo kong'aany kotook tengektong'ung', si koweechin kogeny eng' ole ki kiluuljin, ago ki kogeer agobo inyee lautik che po puch ak ng'aleek che po kamaaset.


Ki riibindet Ephraim kobooto Kamuktaindennyu: ago ne uu maotyot, komi mesteetap toriitik ortinwekyik tugul, ak komi puunyoondit kootap Kamuktaindennyi.


Ngot komwa lembech chiito ne wendoti eng' usoonet ak lembechek, kole amaotenun agobo divaik ak maiyek; koegu ineendet maotyotap pichu.


Irwoochi kandoik amu tuguuk che kigoigoisye ak ineetisyei tisiik amu melekto, ak kong'orsei maotikyik amu silingisyek: nganda uu nooto kotiegei Kamuktaindet ne Toroor ak koleen, Tos ma mi Kamuktaindet ne Toroor kwenunnyo? Ma mi yaityet ne nyoonjinech.


Mwaei Kamuktaindet ne Toroor ko uu ni agobo maotik che igoochin piikyuk ko leel; kowaaktos koleen, kaalyeet, ye tinyei icheek kiy ne amei, yeityo koyai lugeet koyachi che ma tinyei kiy ne indoi kuut.


Ak arikyok eng' kirwooget, ak achepchebi agoon paornateet agobo inyee aegu, arwookyi icheek che ma iywea: pooniik, che ibegei, piik che iyastos eng' lembechek, icheek che sastoe otwogindet ne kisirei eng' melektanyi, che sastoe kwony ne ki kosiirtoe manong'otyot ak ne ma tinyei sigiik, ak ne imaasi toondet, mwaei Kamuktaindet ne Toroor ne po lugoosyek.


Ago age tugul ne eesyoa eng' taitap piik, aeesyoi ineendet agine eng' taitap Abba ne mi kipsengwet.


Tuun ng'eetos maotik che chaang' che po lembech ak kobeet che chaang'.


Amu tuun ng'eetos Kristoisyek che po lembech ak maotik che po lembech, ak koboortoi kaboorunoik ak kwang'utik che eecheen; si kobeet, nda imugaksei, agot che lewenotin.


Amu tuun pwoonei che chaang' eng' kainennyu koleen, ‘Aa Kristo’ ak kobeet che chaang'.


Oriibegei maotik che po lembech, che pwonjinok eng' ngoroik che po keechiirek nga suik che amei piich.


Amu ng'eetos Kristoisyek che po lembech, ak maotik che po lembech, ak koboortoi kaboorunoik ak kwang'utik, si kobeet, agot che kigelewen nda imugaksei.


Ago ineendet ne eesyoa eng' taitap piik kotun keesyoi agine eng' taitap malaikaisyek che po Kamuktaindet.


Ak ki le, Oriipkei si ma kibeetook: amu tuun pwoonei piik che chaang' eng' kainennyu, koleen, Aa ineendet; ak, Kagoriik peetuusyek: amosup icheek.


Pwo eng' okweek ye mwaei piik tugul che myach agobo okweek! Amu kigoyachi ko uu nooto kwanisyekwak maotik che po lembech.


Amu icheeget che uu chooto, ko maotei Kiptaiyandennyo Kristo, ago otei mootinwekwak; ak kong'alei mugulelwegap che libwoben eng' ng'aleekwak che tangusen ak che po chemwaigutnateet.


Amu mi ne matiny pesyosyek eng' kwenung'wong', si kobiit kotook icheek che po iman eng' kwenung'wong'.


amu ki kialenak kamanuutyet: otoroor Kamuktaindet anyun eng' poorwekwok.


Ki kialaak eng' kamanuutyet; amat oegu otwogigap piik.


amu tupchosyek che po lembech che ki kimut kobwa oriit eng' ung'oot, che ki mong' eng' ung'oot kosegei katyagennyo ne ki tinyei eng' Kristo Jeso, si kobiit kondeech otwoknateet:


Ki ityaachech Kristo eng' chubisyetap Ng'atuutyet ye ki ek ineendet chubeet agobo acheek: amu ki kisir keele, Chuboot chii age tugul ne kisonginini eng' keetit:


Igiiljinogei kocheeng'ok eng' ooreet ne ma myee: ee, machei kole kogerchok saang', si kobiit ocheeng' icheek.


saaetap kanamonik, ponisyet, punyondisyek, suryosyek, ng'etkonda, nereegek, taiyasyek, kabesyosyek, pcheutik,


ne ki tinyei eng' ineendet katyagennyo eng' korotiikyik, nyoetap kaat ne po chalwogikyok, ko uu mogornatosyegap myeeindonyi,


si mata keegu lagok, che kitoortai koba komosi ak komosi ak keibooti eng' usoonet age tugul ne po kaneetisyet, eng' ng'aalsetap piik, ak eng' kaberberisyosyegap kiplembechoonik;


Tos kongoi ne ogoochini Kamuktaindet ne Toroor ni, okweek piik che oo abusotiin che ma oo ng'oomen? Tos ma kwandang'ung' ne ki koonin sabeet? Tos ma ineendet ne ki yain ak kogimitin?


ne kagesunennywa ko luseet, ne kamuktaindennywa ko moet, ne kalasunennywa ko teweernatennywa, che ibwaati tuguugap ng'wony.


Amat korebenak chii melektang'wong' eng' ooreet ne machei ineendet, ne po kaming'inetapkei ak kalasunetap malaikaisyek, ak kogimitegei tuguuk che ki kogeer, ak komenee kabwaatutikyik che po poorto,


Oriipkei si ma iluulok chii age eng' ng'omnatennyi ak kaberberisyet ne po puch, eng' pitonwegap piik, eng' kaneetisyosyek che po tai che po ng'wony, ak ma eng' Kristo:


Ago ngo ma riibei chii piikyik, ak che siirei ko che po koonnyi, ko kagoesyo kayaneet, ak ko ya kosiir chiito ne ma iyan.


Amu nyoonei peetuut ne ma tuun epchin iit agot kitigin kaneetisyet ne po imanit; ago, tinyei iitiik che iututos, iyumjigei kaneetik che isubi maguutikwak;


che kanyool keger kutusweekwak; che itarng'aanyi ko komugul, koneeti tuguuk che kama konyolu amu mogornateetap teweernateet.


Eesye chiito ne ibu toiyet ye kagitigon ne po tai ak ne po aeng';


obwaatitoi ano okweek, ng'wanitu ne tya pireet ne tuun nyoljin kirwookyine ineendet ne ki kotyech Weeriitap Kamuktaindet, ak koiit korotiigap kayomiset, che ki kitiliile ineendet, koek tuguuk che ma tiliileen, ak kosas Kabuusetap myeeindo?


ne ochame nganda tomo ogeer; ineendet ne nganda mogeere nguno, oyani, ko oboiboi miising' eng' poiboiyet ne ma mwaoksei ak ko nyiitaat toroornatet:


Ak kocheeng'jingei poroteet eng' okweek eng' ng'aleegap ng'aalseet amu kasennywa ne po myat: che ma igaegei kirwoogennywa kobooch keny, ama ruei ng'emisyennywa.


Kaasirwak tuguuchu agobo icheek che machei kobeetook.


Chamanichu, amoyan chii age tugul, ago otyem ng'aang'et age tugul, ngot ko punu Kamuktaindet; amu ki komong'ji ng'wony maotik che chaang' che po lembech.


ko uu ye kimwaiwok kole, “Tuun piitu chombilik eng' peetuusyegap let, che isubi maguutikwak che yaacheen che ma po kayweetap Kamuktaindet.”


Amu mi piik alak che ki chut oriit eng' ung'oot, icheek che ki kichopchi kirwoogoni kobooch keny, piik che ma iywei Kamuktaindet, che walei myeeindap Kamuktaindet nenyo koek mageet ne ya, ak koesyoi Laitoryandennyo, ne ineegei, ak ko Kiptaiyandennyo Jeso Kristo.


Ak ki iberber icheek che menyei ng'wony eng' kaboorunoik che ki kigoochi ineendet koyai eng' taitap tyondo; koleenjin icheek che menyei ng'wony koyachi kanamwet tyondo, ne tinyei perutyetap rotwetap chok, ak kisop tyonyooto.


“Angen ole imenye, ole mi ng'echereetap laitornatet ne po Setani. Iname kainennyu miising', ama ieesye kayanennyu, agot eng' peetuusyegap Antipa paoryandennyu, nenyu ne po iman, ne ki kibar eng' kwenung'wong', ole menyei Setani.


“Angen nyalildang'ung' ak panandang'ung' nganda ii mogoryo. Angen chombilisyetap icheek che mwaei kole ki Yahudik, nga icheek ko sinagogitap Setani.


Angen poisyoniguk. Keero, kaande taing'ung' kurgeet ne yaataat, ne ma imuuchi chii koger. Angen ale itinye kimnateet ne ming'in, ak ki iriip ng'olyoondennyu, ama ieesye kainennyu.


Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.


Ki mwa eng' kutit ne oo kole, “Tyanitu, ee Kiptaiyat, ne tiliil ak ko po iman, si irwookyi ak iyaaktoiywech mugetuut agobo korotiikyok eng' icheek che menyei ng'wony?”


Síguenos en:

Anuncios


Anuncios


¡Síguenos en WhatsApp! Síguenos