1 TIMOTEO 3:16 - BUKUIT NE TILIIL Sireet ne Dutero Kanon

¹⁶ Ak ne matiny, ko oo ung'ootyot ne po kayweet ne kiywei Kamuktaindet: Ineendet ne king'ang'ak eng' poorto, ki kiityi imanda eng' Kabuuset ne Tiliil, ne ki keer malaikaisyek, ne ki kiamda eng' Pororyosyek, ne ki iyan che po ng'wony, ne ki kimut kwo parak eng' toroornatet.

Bukuit Ne Tilil

¹⁶ Ak ne matiny, ko oo ung'ootyot ne po kayweet ne kiywei Kamuktaindet: Ineendet ne king'ang'ak eng' poorto, ki kiityi imanda eng' Kabuuset ne Tiliil, ne ki keer malaikaisyek, ne ki kiamda eng' Pororyosyek, ne ki iyan che po ng'wony, ne ki kimut kwo parak eng' toroornatet.

BUKUIT NE TILIL

¹⁶ Ak ne matiny, ko o ung’otiot ne bo kaiyweet ne kiywei Jehovah; Inendet ne king’ang’ak eng’ borto, Kigiityi imanda eng’ tamirmiriet, Ne kigeer malaikaisiek, Ne kigiamda eng’ Bororiosiek, Ne kiiyan che bo ng’ony, Ne kigimut kwo barak eng’ torornatet.

1 TIMOTEO 3:16 Referencias Cruzadas

ISAIAH 7:14

Koonok anyun Kiptaiyat ineendet kaboorunet; ogeero, manachi pergeiyat, ak kosich weeriit, ak koguuree kainennyi Immanuel.

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

MIKAH 5:2

Ago inyee, Bethlehem Ephratah, ne ii ming'in eng' kwenutap eliphuusyek che po Judah, mong'unenen age ne nyoonjino ne tuun egu pounindetap Israel; ne ki cham komong'u kobooch keny, kobooch koigeny.

MATAYO 1:23

“Ogeero, manachi pergeiyat ak kosich weeriit, ak keguure kainennyi Immanuel,” ne ye kiweech ko ni, “Mi Kamuktaindet kobootech.”

MATAYO 13:11

Kowolji koleenji, “Kagegoonok onai ung'ootik che po pounatetap kipsengwet, ago ma kigoochi icheek.

MATAYO 28:2

Keero, ki potan ng'wony miising'; amu ki choorgei malaikaiyatap Kiptaiyat eng' kipsengwet, konyo komilda koita ak kotebee koiata.

MATAYO 3:16

Kingo kagibatisan Jeso, ye kigatogos kityo eng' peek, ogeero, ki yaatagis kipsengwet ak kogeer `ineendet Kabuusetap Kamuktaindet kochoorugei ko uu cheptuget ak kotonoon eng' paragunnyi.

MATAYO 4:11

Ki pagaach chesawilyet anyun ineendet; ak ogeero, ki pwa malaikaisyek si koboisyechi.

MARIKO 1:13

Ki tebi ineendet eng' surkwen peetuusyek artam koyomei Setani; ak kitebyei ak tyong'ik che po timiin; ak ki poisyechin ineendet malaikaisyek.

MARIKO 16:19

Ye kingo kagong'alaal ak icheeget `Kiptaiyat Jeso, kimut anyun ineendet kwo kipsengwet, ak kotebee eutap tai ne po Kamuktaindet.

MARIKO 16:5

Ak kingo chut kererit, kogeer muren kotebyei eng' komostap tai, ne ilaachi ngoryeet ne leel; ak ki kwong'yo.

LUKA 2:32

lapkeiyet ne po ng'ang'utyet ne king'aang'jin Pororyosyek, ak toroornatetap piiguk Israel.”

LUKA 20:44

Kuuree anyun Daudi ineendet Kiptaiyat, koegundoi ano anyun weeriinnyi?”

LUKA 22:43

Ak ki mong'ji ineendet malaikaiyat ne ki punu kipsengwet kogimit ineendet.

LUKA 24:4

Ak kingap kagereer met agobo nooto, ogeero, kitonondos eng' ye neegit icheek murenik aeng'u che tinyei ngoroik che liilei piich:

LUKA 24:51

Ak kingo ta koberuuri icheek, kobesyegei anyun, ak ki kimut kwo kipsengwet.

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

JOHANA 13:3

ko kagonai Jeso kole kagonde Kwanda tuguuk tugul eunekyik, ak kole ki punu Kamuktaindet, ak wendi ole mi Kamuktaindet,

JOHANA 15:26

Ago ye kagoit Kagaigaindet, ne tuun ayookwok kobunu Kwanda, Kabuuset ne Tiliil ne po imanit, ne punu Kwanda, konyo kobaoryanjo:

JOHANA 16:28

Ki abunu Kwanda, anyoonji ng'wony: abagaaktoi ng'wony kogeny, ak agetitegei ole mi Kwanda.”

JOHANA 17:5

Ak nguno, ee Abba, itoroora eng' inyeendet inyegei eng' toroornatet ne ki atinye kemi tuwai kotom kobiit ng'wony.

JOHANA 20:12

ak ki keer malaikaisyek aeng' che leelach ngoroik kotebyei ng'wony, age eng' ole po metit, ak age eng' ole po keelyek, eng' ole ki mi poortap Jeso.

JOHANA 6:62

Teptoi ano anyun ngot ko tuun ogeer Weeriitap chii kotogostoi ole ki mi atkinye?

POISYONIGAP CHE KIYOKTOI 1:19

Kinaak ng'olyoondonooto eng' tugul che menyei Jerusalem, kot keguure mbaranooto Akeldama eng' kutinnywa, nooto ko, Mbareet ne po korotiik.)

POISYONIGAP CHE KIYOKTOI 10:34

Ki ng'aany anyun Petero kutinnyi, kole, “Iman ageere ale ma chamei `Kamuktaindet piik alak kosiir alak:

POISYONIGAP CHE KIYOKTOI 14:27

Kingo kagobwa, koyum kaniset komugul ak komwachi tuguuk tugul che kiga koyai Kamuktaindet eng' icheek, ak ole kiga koyatyindo Pororyosyek kurgeet ne po kayaneet.

POISYONIGAP CHE KIYOKTOI 20:28

Oriipkei anyun okweeget, kobooto akweet tugul, ne ki koonok Kabuuset ne Tiliil oegu riibiik, obai kanisetap Kamuktaindet, ne ki ale korotiikyik.

ROMANIK 10:12

Amu ma mi kabesyet eng' Yahudyot ak Yunanindet; amu Kiptaiyandanooto ko Kiptaiyatap tugul ak aiyeep eng' icheek tugul che kuurei ineendet.

ROMANIK 10:18

Ago ateebee ale, tos ki ma kas? Ee, iman, “Ki wo tweguunennywa koyom emet komugul, ak ki pa ng'aleekwak agoi ole poochin ng'wony.”

ROMANIK 16:25

Nguno eng' ineendet ne imuuchi kogimitok ko uu logoiywekyuk che myach ak amdaetap Jeso Kristo, ko uu ng'ang'utyet ne po ung'oot ne ki kagiuny kosiis kobooch peetuusyek che po koigeny,

ROMANIK 16:26

ago kagong'ang'ak nguno, ak eng' siruutik che po maotik, ko uu ng'atuutyetap Kamuktaindet ne po koigeny, ko kagiboorchi pororyosyek tugul agoi kasetap iit ne po kayaneet;

ROMANIK 3:4

Achicha: ma uu nooto: ingoek ne po iman Kamuktaindet, ago kiplembechwa chii age tugul; ko uu ye siraat kole, Si kobiit kindein imanda eng' ng'aleeguk, Ak imuuch ibelisye ye kirwoogun.

ROMANIK 8:3

Amu kiit ne ki ma imuuch Ng'atuutyet koyai, amu nyaluletap poorto, koyook Kamuktaindet Weeriinnyi eng' kergeindap poortap tengek si koek kagoochinet ne po tengekto, kogikyi tengekto eng' poorto:

ROMANIK 9:5

ne chechwaak kwanisyek, ak nenywa Kristo eng' atebeetap poorto. Iberuurot koigeny Kamuktaindet, ne pou tugul. Amen.

1 KORINTOEK 15:47

Chiito ne po tai ko po ng'wony, po ng'ung'unyek; chiito ne po aeng' ko po kipsengwet.

1 KORINTOEK 2:7

ago kimwae utaatyetap Kamuktaindet eng' ung'ootyet, nooto ne kigeuny, ne kiga sip kong'at Kamuktaindet agobo toroornatennyo ye kitom kobiit ng'wony:

2 KORINTOEK 1:19

Amu Weeriitap Kamuktaindet, Jeso Kristo, ne ki kiamde eng' kwenung'wong', anee ak Silvano ak Timoteo, ne ki ma ko “ee” ak “achicha”, ago eng' ineendet ko “wei” kipchulyo.

GALATYEK 2:8

(amu ineendet ne ki imuktoochi Petero koek kayooktoindet eng' che kimuratani, ko ki imuktaiwa agane ko uu nooto agobo Pororyosyek);

GALATYEK 4:4

ago ye kingo it peetuut ne kiyamgei, koyook Kamuktaindet Weeriinnyi, ne ki sich kobogoryot, kosich eng' Ng'atuutyet,

EPESOEK 1:9

ko kagoboorwech ung'ootyet ne po magennyi, ko uu chamennyi ne myee ne ki chop eng' ineendet

EPESOEK 6:19

Ak agobo anee, si kobiit kegoono tweguunet, ayaat kutinnyu, abarta eng' nyiganateet ung'ootyet ne po logoiywek che myach,

KOLOSAIK 1:23

ngo tebi iman eng' kayaneet, ko oo lumdootin ak ko oo tononiotiin komyee, ama ki istok eng' kamang'unetap logoiywek che myach che ki ogas, che ki kiamda eng' yautyet tugul eng' kurereetap kipsengwet; ki kiyaa anee Paulo amu nooto aek kiboityot.

KOLOSAIK 1:27

che ki cham Kamuktaindet kong'aang'ji kiit ne uu mogornatosyegap toroornatet ne po ung'ootyoniito eng' Pororyosyek, nooto Kristo eng' okweek, kamang'unetap toroornatet:

KOLOSAIK 1:6

ne kigoityok; ko uu ole teptoi agine eng' ng'wony komugul koiyiei logoek ak ko tesoksei, ko uu eng' okweek, kobooch peetuut ne ki ogas ak onai myeeindap Kamuktaindet eng' iman;

KOLOSAIK 2:2

si kobiit kigaigai mugulelwekwak, ak keropchin eng' chamyet, ak eng' mogornatosyek tugul che po nyiietap kaguiyet, si kobiit konai icheek ung'ootyetap Kamuktaindet, ineendet Kristo,

2 THESSALONIKEK 1:10

ye tuun nyo si kobiit kitoroor eng' chechiik che tiliileen; ak kekwong'ee icheek tugul che iyani (amu ki kiyan paornatennyo eng' okweek), eng' peetuunooto.

2 THESSALONIKEK 2:7

Amu poisyei nguno ung'ootyetap ngelelnateet; kobatee mi agenge ne raanyei nguno, agoi keisto.

1 TIMOTEO 3:9

che namei ung'ootyetap kayaneet eng' kabwaatet ne tiliil.

HEBRANIK 1:3

ineendet ko kakweng'eetap liilindanyi, ak itoondo ne po indennyi, ak kotononi tuguuk tugul eng' ng'olyootap kamuktaennyi, kingo kagoyai kaundoetap tengekwogik, kwo kotebee eutap tai ne po etunateet eng' parak;

HEBRANIK 12:2

kegeere Jeso ne kandoindet ak ko kawong'unindet ne po kayaneet, ne kimuita eng' kimurtoiyot amu poiboiyet ne ki kinde tainnyi, ak kosas kalilanet, ak ki kotebee eutap tai ne po ng'echereetap laitornatet ne po Kamuktaindet.

HEBRANIK 7:7

Ago ne ma mi tiyet age tugul, konyooru ne ming'in kaberuret eng' ne oo.

HEBRANIK 8:1

Nguno anyun, eng' tuguuk che kimwae, kiit ne oo ko ni: ki tinyei tisiindet ne oo ne uu ni, ne kitebee komostap euut ne po tai ne po ng'echereetap Laitornatet ne po Etunateet eng' kipsengwet,

1 PETERO 1:12

Che ki king'aang'ji, ma agobo icheeget, ago kiyaiywok okweek tuguuchuuto, che kagemwaiwok nguno eng' icheek che ki amwok logoiywek che myach eng' Kabuuset ne Tiliil ne ki kiyok eng' kipsengwet; tuguuk che machei malaikaisyek miising' kogeer.

1 PETERO 1:20

ne kisip konaam iman kotom kelumda ng'wony, ago ki king'aany eng' peetuusyek che po let agobo okweek,

1 PETERO 1:21

che oo kayanik eng' Kamuktaindet amu ineendet, ne ki ing'eet ineendet komong' eng' che ki pek, ak kogoochi toroornatet; si kotebi kayaneng'wong' ak kamang'uneng'wong' eng' Kamuktaindet.

1 PETERO 3:18

Amu kime Kristo agine konyil agenge agobo tengekwogik, ineendet ne po imanda agobo che ma po imanda, si kobiit komutyech Kamuktaindet; ne ki kibar eng' poorto, ago ki kisoop eng' saboondo;

1 PETERO 3:22

ne kikwa kipsengwet ak komi eutap tai ne po Kamuktaindet; ak ki kiyai malaikaisyek ak pounatosyek ak kimnatosyek kogas iit ineendet.

1 JOHANA 1:2

(ak king'ang'ak saboonooto, ak ki kegeer, ak kebaoryani, ak kiboorwok saboonooto po koigeny, ne ki mi kobooto Kwanda, ak ki king'ang'wech;)

1 JOHANA 3:5

Ak ongen ole ki king'aany ineendet si kobiit koip tengekwogik; ama mi tengek eng' ineendet.

1 JOHANA 3:8

ineendet ne yaei tengek ko po chesawil; amu ki yai chesawilyet tengek kobooch taunet. Kigeng'aany Weeriitap Kamuktaindet amu nooto, si kobiit kong'em poisyonigap chesawilyet.

NG'ANG'UTYET 17:5

ak ki kisirchi togeennyi kainet keele, “Ung'ootyet, Babilon ne oo, kametap chepkugonik ak ne po tuguuk che kiwechei che po ng'wony.”

NG'ANG'UTYET 17:7

Ak ki leenjo malaikaiyat, “Kekwong' amu nee? Amache amwaun ung'ootyetap kwonyito ak ne po tyondo ne keseni ineendet, ne tinyei metowek tisap ak kuinoik taman.

NG'ANG'UTYET 7:9

Kingo pata tuguuchu, ageer tuiyet ne oo ne ki ma komuuchi chii koiit, che punu pororyet age tugul, ooreet age tugul, piik ak kutusweek, kotonondos eng' taitap ng'echereetap laitornatet ak eng' taitap Aarwet. Ki ilaachi ngoroik che leelach ak kotinyei mooriigap sosik eng' eunekwak.