1 TIMOTEO 3:15 - BUKUIT NE TILIIL Sireet ne Dutero Kanon

¹⁵ ago ngot agagei, imuuchi inai ole kanyool kotepto piik eng' kootap Kamuktaindet, nooto kanisetap Kamuktaindet ne sabei, toloita ak irimeetap imanit.

Bukuit Ne Tilil

¹⁵ ago ngot agagei, imuuchi inai ole kanyool kotepto piik eng' kootap Kamuktaindet, nooto kanisetap Kamuktaindet ne sabei, toloita ak irimeetap imanit.

BUKUIT NE TILIL

¹⁵ ago ngot agage, imuchi inai ole kanyol kotepto bik eng’ gotab Jehovah, noto kanisetab Jehovah ne sobei, toloita ak irimetab imanit.

1 TIMOTEO 3:15 Referencias Cruzadas

1 LAITORINIK 2:2

“Neegit awo ole pendi piik tugul che po ng'wony. Kimitu anyun ak iegu muren.

1 LAITORINIK 2:4

si kobiit koogimiit Kamuktaindet ne Toroor ng'olyoondennyi ne ki mwa agobo anee, kole, Ngot koriip lagoguk ortinwekwak, kobendat eng' tainnyu eng' imanit eng' mugulelwekwak tugul ak eng' saboonwekwak tugul, koma petenen chiito ne tebee ng'echereetap laitornatet eng' Israel.

2 LAITORINIK 19:4

Abeere imuuchi kogas Kamuktaindet ne Toroor Kamuktaindeng'ung' ng'aleek tugul che po Rabsake, ne kagoyok `laitoryatap Assyria kiptaiyandennyi, konyo kochot Kamuktaindet ne sabei, ak koger kong' ng'aleek che kagas Kamuktaindet ne Toroor Kamuktaindeng'ung'. Ara anyun saa agobo piik che ng'etunotiin.”

1 ATEPTAP PEETUUSYEK 22:13

Ibore anyun, ngot iriip ak iyai kosupkei ak ng'atuutik ak kirwoogutik che ki iyomis `Kamuktaindet ne Toroor Musa agobo Israel. Kimitu ak nyiganitu. Meiywei anan itoptoben.

TIENWOGIKAL 42:2

Amei saboondanyu melelda agobo Kamuktaindet, Kamuktaindet ne sabei. Auiyo ye anyoone tainnyi si ageer togeetap Kamuktaindet?

TIENWOGIKAL 84:2

Amei emo saboondanyu, ee, machei kotanui agobo seremusyegap Kamuktaindet ne Toroor; Tyenjin muguleldanyu ak poortanyu, Kamuktaindet ne sabei.

JEREMIA 1:18

Keero, kayain peetuuni iegu nganaseet ne riiboot, toloitap karnet, ak irimoigap sugunwet, si igirinde emet komugul, igirinde laitorinigap Judah ak pounikyik, tisiikyik ak piigap emet.

JEREMIA 10:10

Ago Kamuktaindet ne Toroor ko Kamuktaindet ne Toroor ne po iman; ineendet ko Kamuktaindet ne Toroor ne sabei, ak ko laitoryat ne po koigeny. Bbotani ng'wony amu nereegekyik, amaimuuchi komuita pororyosyek eng' nereegekyik.

JEREMIA 23:36

Ama omwae mileetap Kamuktaindet ne Toroor kogeny: amu egu ng'olyootap chii age tugul lautyennyi; amu ki omaas ng'aleegap Kamuktaindet ne Toroor ne sabei, che po Kamuktaindet ne Toroor ne po lugoosyek, Kamuktaindennyo.

HOSEA 1:10

Ago tenitu piigap Israel ng'aniegap nyanja che ma kimuuchi kirogendoe kiy anan kiit; ak eng' ole ki kimwachine icheeget keele, “Ma oo piikyuk”, ko tuun ki leenjin, “Oo weeriigap Kamuktaindet ne sabei.”

MATAYO 16:16

Ki wol Simion Petero kole, “Ii Kristo, weeriitap Kamuktaindet ne sabei.”

MATAYO 18:18

“Amwaiwok iman ale, tuguuk alak tugul che orate eng' ng'wony keratei eng' kipsengwet, ak tuguuk alak tugul che otyachi eng' ng'wony kityaachi eng' kipsengwet.

JOHANA 1:17

Amu ki kigoon ng'atuutyet eng' Musa; konyo myeeindo ak imanit eng' Jeso Kristo.

JOHANA 14:6

Koleenji Jeso, Aa ooreet, ak iman, ak saboondo: ma nyoonjin chii Kwanda, ama eng' anee.

JOHANA 18:37

Koleenji anyun Pilato ineendet, “Ara, ii laitoryat so?” Kowol Jeso kole, “Imwae ile aa laitoryat. Ki kisicha amu niito, ak ki anyoo ng'wony amu niito, si kobiit abaoryanji imanit. Kasei kutinnyu chii age tugul ne po imanit.”

JOHANA 6:69

Ak ki kiyan ak kingen keele ii Ne Tiliil ne po Kamuktaindet.”

POISYONIGAP CHE KIYOKTOI 1:2

Ki atet anyun chooto tugul agoi peetuut ne ki kimuti kwo parak, ye kingo kagong'at `inee eng' Kabuuset ne Tiliil che kiyooktoi, chooto kiga kolewen.

POISYONIGAP CHE KIYOKTOI 14:15

“Choronochu, kalya si oyai tuguuchu? Ki piik agacheek che kergei ak okweek, ak kagiibwok logoiywek che myach, si kobiit oweeige omete tuguuchu ma tilei kiy ak obwonji Kamuktaindet ne sabei, ne kiyaei kipsengwet ak ng'wony ak araraita ak tugul che mi olooto.

ROMANIK 3:2

Oo eng' ooreet age tugul: ne po tai, ko amu ki kigoochi Yahudik kotononji ng'aleegap Kamuktaindet.

ROMANIK 9:26

“Ak eng' olooto ole ki kimwachine, keleenji, ‘Ma oo piikyuk,’ keguure eng' olooto weeriigap Kamuktaindet ne sabei.”

1 KORINTOEK 10:32

Amonach Yahudik anan Yunanik, anan kanisetap Kamuktaindet:

1 KORINTOEK 3:16

Mongen okweek ole oo Hekaluut ne po Kamuktaindet, ak menyok Kabuusetap Kamuktaindet?

2 KORINTOEK 3:3

oboortoige ole oo parweet ne po Kristo, ne ki kiyai, ne ki kisir ama eng' wino, ago eng' Kabuuset ne po Kamuktaindet ne sabei; ma eng' koik che lebeleen, ago eng' koik che lebeleen che mugulelwek che po poorwek.

2 KORINTOEK 6:16

Ak ting'egei nee Hekaluut ne po Kamuktaindet ak kanamonik? Amu ki Hekaluut ne po Kamuktaindet ne sabei; ago ko uu ye ki mwa Kamuktaindet kole, Amenye icheek, ak awendotee icheek; Ak aegu Kamuktaindet nenywa, Ak koek icheek piikyuk.

2 KORINTOEK 6:7

eng' ng'olyootap imanit, eng' kamuktaetap Kamuktaindet; eng' kariigap imanda eng' eutap tai ak eng' murot kaataam,

GALATYEK 2:9

ak ye kingo nai Jakobo ak Kepa ak Johana, icheeget che ki kiit keele tolochik, myeeindo ne ki kigoono, kogoono ak Barnaba eutap tai ne po yamdaet, si kobiit keebe ye mi Pororyosyek, koba icheek ye mi che kimuratani;

GALATYEK 3:1

Ee Galatiechu perberen, ng'oo ne kibanak, okweek che ki kinde Jeso Kristo taitap konyekwok kotook keele ki kigartaat?

EPESOEK 4:21

ngo ki ogas ineendet, ak ki kinetak eng' ineendet, ko uu ye mi imanit eng' Jeso:

NG'ATUTIK 31:23

Ki igoochi anyun Joshua weeriitap Nun ng'atuutyet ak koleenji, “Kimitu, nyiganitu. Amu imuti piigap Israel koba emet ne ki ayosyechi ak ami kobooten.”

NG'ATUTIK 5:26

Chii ng'oo eng' piik tugul ne ki kas kutitap Kamuktaindet ne sabei kong'alaali eng' maat ko uu ye ki kigas ak kosap?

KOLOSAIK 1:5

amu kamang'unet ne kigegonorwok eng' kipsengwet, ne ki osip ogas eng' ng'olyootap imanit ne po logoiywek che myach,

1 THESSALONIKEK 1:9

Amu icheeget che iboortoi agobo acheek ole ki kibwanunde oldang'wong'; ak ko uu ye ki oweekyigei Kamuktaindet olakte kanamonik, si kobiit oot Kamuktaindet ne sabei ak ko ne po iman,

1 TIMOTEO 3:14

Kasirun tuguuchu, amang'u ale anyoonjinin ko neegit;

1 TIMOTEO 3:16

Ak ne matiny, ko oo ung'ootyot ne po kayweet ne kiywei Kamuktaindet: Ineendet ne king'ang'ak eng' poorto, ki kiityi imanda eng' Kabuuset ne Tiliil, ne ki keer malaikaisyek, ne ki kiamda eng' Pororyosyek, ne ki iyan che po ng'wony, ne ki kimut kwo parak eng' toroornatet.

1 TIMOTEO 3:2

Kanyolji anyun riibindet koek ne ma kigeerchin ng'olyoo ne ma litit, manong'otyotap osotyot agenge, ne riibegei, ne litit ng'omnateet, ne tebyei komyee, ne taachei toek, ne chepchep koneetis;

1 TIMOTEO 3:5

(ago ngo ma nai chii ole poundoi koonnyi, koriiptoi ano kanisetap Kamuktaindet?)

1 TIMOTEO 4:10

Kiyae anyun poisyet ne oo amu niito ak ki kiiligei, amu miitei kamang'unennyo Kamuktaindet ne sabei, ineendet Yetindetap piik tugul, ago ne siirei ko po piik che iyani.

1 TIMOTEO 6:16

ne tinyei ineegei saboondap koigeny, ne menyei eng' lapkeiyet ne ma kimuuchi keriikyi; ne tomo kogeer chii, amaimuuchi kogeer: ingobunji ineendet teegisto ak kamuktaet koigeny. Amen.

2 TIMOTEO 2:19

Ago tononi lumeiywot ne kiim ne po Kamuktaindet, kotinyei ng'ooksoni keele, Ingen Kiptaiyat icheek che chechiik; ak, Ingoistoegei yaityet age tugul ne mwaei kainetap Kiptaiyat.

2 TIMOTEO 2:20

Ago eng' koot ne oo koma mi tereenigap thahabu ak fedha kityo, ago che po keetiik ak ng'ung'unyek ak icheek; ak po alage teegisto, koma po alage teegisto.

HEBRANIK 10:21

ak amu ki tinyei tisiindet ne oo ne pou kootap Kamuktaindet;

HEBRANIK 12:22

ago kaoit okweek tulweetap Zion, ak nganaseet ne po Kamuktaindet ne sabei, Jerusalem ne po kipsengwet, ak tuiyosyek che po malaikaisyek che ma iitoksei,

HEBRANIK 3:12

Oriipkei anyun che kitupche, si ma piit chii age tugul eng' okweek ne tinyei muguleldo ne ya ne po pistoet, koistoegei Kamuktaindet ne sabei:

HEBRANIK 9:14

kotiliili anyun ne tya korotiigap Kristo, ne ki igoochigei Kamuktaindet eng' Kabuuset ne po koigeny, koma tinyei peruut, kotiliil kabwaateng'wong' eng' poisyosyek che meiyotiin si oboisyechi Kamuktaindet ne sabei!

JOSHUA 3:10

Ki testai Joshua kole, “Onae eng' ni ole mi kwenung'wong' Kamuktaindet ne sabei, ak oonei ineendet eng' taing'wong' ne matiny Kanaanik, Hitik, Hibik, Perisik, Girgasik, Amorik ak Jebusik.

1 PETERO 2:5

ak okweek, che oo koik che saptos, kiteechok oegu koot ne sabei, oegu che poisyei eng' tiseinateet ne tiliil, si ogoite korosegap saboon, che taachaksei eng' Kamuktaindet eng' Jeso Kristo.

1 PETERO 4:17

Amu kagoit peetuut ne kitaune kirwooget kootap Kamuktaindet: ak ngot ketaunenech acheek, kotam nee kagesunetap icheek che ma kase iit logoiywek che myach che po Kamuktaindet?

NG'ANG'UTYET 7:2

Ak ki ageer malaikaiyat age kotogosta kobunei kong'asiis, kotinyei ng'ooksetap Kamuktaindet ne sabei. Ki mwachi ineendet eng' kutit ne oo malaikaisyek ang'wan che ki kigoochi kong'em ng'wony ak nyanjet

1 SAMUEL 17:26

Ki ng'alaalji `Daudi piik che kitonondos eng' ye mi ineendet koleenji, “Kiyachin nee chiito ne parei Philistindoni ak koisto teweernatani eng' Israel? Amu ng'oo Philistindoni ma kimuratan kot koreeny lugosyegap Kamuktaindet ne sabei?”

1 SAMUEL 17:36

Ki par otwogindeng'ung' tyong'ichooto tuwai, ng'etundo ak magalaluut. Igeitu anyun Philistindoniito ma kimuratan age eng' icheek, amu kogoreeny lugosyegap Kamuktaindet ne sabei.