1 PETERO 3:5 - BUKUIT NE TILIIL Sireet ne Dutero Kanon

⁵ Ki uu nooto kwonyiik che tiliileen chu ki po keny che ki imang'u Kamuktaindet, ki yaei lelesta icheeget ak kogase iit manong'otaikwak.

Bukuit Ne Tilil

⁵ Ki uu nooto kwonyiik che tiliileen chu ki po keny che ki imang'u Kamuktaindet, ki yaei lelesta icheeget ak kogase iit manong'otaikwak.

BUKUIT NE TILIL

⁵ Amu kiyaei lelesta ko u noto agichek kwonyik che tililen chu ki bo keny, che kiimang’u Jehovah, ak kogase it manong’otaikwak:

1 PETERO 3:5 Referencias Cruzadas

KALEWANAIK 31:10

Ng'oo ne imuuchi konyoor kwondo ne nyolunot? Amu siirei miising' kamanuutyennyi, ne po koik che kiguure peninim.

KALEWANAIK 31:30

Iberberisyei myeeindo, ak ko puch korooronindo, ago kilasu kwondo ne iywei Kamuktaindet ne Toroor.

JEREMIA 49:11

Pagakte lagoguk che ma tinyei kwanisyek, si ariip kosapcho; ak ingomang'wa mosogiguk.

LUKA 2:37

Ak ki tebi ko kwony ne ki kosiirtoe manong'otyot kenyiisyek tamanwogik sisiit ak ang'wan), koma mandoi eng' Hekaluut, ak kolasu, kobooto karugutetapkei, ak soomutik, kemoi ak peet.

POISYONIGAP CHE KIYOKTOI 1:14

Ki tebi chu tugul eng' kabwaatet agenge eng' kagiiletapkei ne po saaet, kobooto kobogorisyek ak Maria kametap Jeso, ak tupchosyegap Jeso.

POISYONIGAP CHE KIYOKTOI 9:36

Ki mi agenge eng' kasubik Joppa ne ki kiguure Tabita, ne ye kiweech eng' kutitap Yunanik ko Dorkas. Ki tinyei kobogoryondoni poisyonik che chaang' che myach ak kagoochinoik che ki igoitoi.

EPESOEK 5:33

Ago ingocham chii age tugul osotyonnyi, ko uu ole chamdogei; ak ingogonyit osotyot manong'otyondennyi.

1 TIMOTEO 2:10

ago (ko uu ye nyoljin kobogorisyek che ibortogei kole piigap Kamuktaindet icheeget) eng' poisyonik che myach.

1 TIMOTEO 2:15

ago kisaru eng' sigisyet, ngo tebyei icheek eng' kayaneet ak chamyet ak katabaanet kobooto riibetapkei.

1 TIMOTEO 5:10

ne kimwaitae ineendet poisyonik che myach; ngo kigo pai lagok, ngo ki kotaach toek, ngo kigoun keelyegap che tiliileen, ngo ki kotoret che nyalildos, ngo kigogiilgei eng' poisyet age tugul ne myee.

1 TIMOTEO 5:5

Ak ineendet ne mosoget iman, ne tebyei ineegei, kotinyei kamang'unennyi eng' Kamuktaindet, ak kotepto soomutik ak saautik kemoi ak peet.

HEBRANIK 11:11

Ki sich agot Sara agine kimnateet eng' kayaneet komanach ko kagosiirto kenyiisyekyik, amu kiit kole po iman ineendet ne ki iarorchi ineendet:

1 PETERO 1:3

Iberuurot Kamuktaindet Kwandap Kiptaiyandennyo Jeso Kristo, ne kisichech kogeny eng' rireenennyi ne oo kenyooru kamang'unet ne sabei eng' ng'eetyeetap Jeso Kristo ne ki mong' eng' che ki pek,

1 SAMUEL 2:1

Ak ki sa Hannah kole: “Igasegei muguleldanyu eng' Kamuktaindet ne Toroor, kagotesak kimnateennyu eng' Kamuktaindet ne Toroor. Arorechini puunikyuk, amu abaibai eng' yetuneng'ung'.