1 PETERO 2:11 - BUKUIT NE TILIIL Sireet ne Dutero Kanon

¹¹ Chamanichu, asoomok ko uu ye oo toek ak ko oo kiprutoinik, ale oistoegei maguutik che po poorto, che poortos ak saboondo;

Bukuit Ne Tilil

¹¹ Chamanichu, asoomok ko uu ye oo toek ak ko oo kiprutoinik, ale oistoegei maguutik che po poorto, che poortos ak saboondo;

BUKUIT NE TILIL

¹¹ Chamanichu, asomok ko u ye o toek ago o kiprutoinik, ale oistoege magutik che bo borto, che bortos ak sobondo;

1 PETERO 2:11 Referencias Cruzadas

TAUNET 21:34

Ak ki ek toondet Abraham eng' emetap Philistik peetuusyek che chaang'.

TAUNET 23:4

“Aa kiprutoiyo ak ko aa punootyo eng' oling'wong'; ogoono yeto eng' oling'wong' kobunjo eng' ole kitupchin piik atupchi muusto, si ma ageere.”

TAUNET 47:9

Ak ki wolji `Jakobo Pharaoh, koleenji, “Kenyiisyekyuk che ki atar eng' rutoitanyu ko pogol ak sosom. Ng'ering' ak ko yaacheen kenyiisyekyuk che ki atar, ak ma iit kenyiisyekyuk che ki it kenyiisyegap kwanisyekyuk eng' rutoitonywa.”

1 ATEPTAP PEETUUSYEK 29:15

Amu ki toek eng' taing'ung', ak ki kiprutoinik, ko uu ye ki uu kwanisyekyok tugul. Uu peetuusyekyok eng' ng'wony urwet, ama mi ne tebyei agoi.

TIENWOGIKAL 119:19

Aa kiprutoiyo eng' ng'wony; ameung'ena ng'atuutiguk.

TIENWOGIKAL 119:54

Ki koek ng'atuutiguk tyenwogikyuk eng' kootap rutoitanyu.

TIENWOGIKAL 39:12

Kas saaennyu, ee Kamuktaindet ne Toroor; epchi iit riirekyuk; amat isiis igeere peekyuk po kong'. Amu aa kiprutoiyot kobooten, aa punootyot ko uu ye ki punootik kwanisyekyuk tugul.

ATEPTAP LAWIK 15:18

Ak ngo tuiyogei muren ak kwony ak komaanda kesweegap iyoteet, konyolu kouungei icheek tuwai, ak komurwoniitu tuwai agoi koimen.

ATEPTAP LAWIK 25:23

“Ma ki aldoi emonooto agoi, amu nenyu emet; amu oo toek ak kiprutoinik kobooto eng' emonooto.

LUKA 21:34

“Ago oriipkei anyun okweek, si ma nyi mugulelwekwok keiyandit, ak pogitet, ak kaimutigap sabeetap peetuusyechu, ak konyonjok peetuunooto kocheak ko uu mesteet:

POISYONIGAP CHE KIYOKTOI 15:20

ago ongesirchi icheek keleenji kotabaanegei murwoonindap kanamonik, ak sokseet, ak ne po tuguuk che kagiget, ak korotiik.

POISYONIGAP CHE KIYOKTOI 15:29

keele otabaanegei tuguuk che kieng'jin kanamonik, ak korotiik, ak panyeegap che kagiget, ak sokseet; ngo tabaanegei chooto, komyeeitu eng' okweek. Saisere.”

ROMANIK 12:1

Nooto anyun che kitupche, asoomok miising', eng' rireenosyegap Kamuktaindet ale, ogoite poorwekwok koek tiseiywot ne sabei, ne tiliil, ne taachaksei eng' Kamuktaindet, nooto ko poisyeng'wong' ne nyolu.

ROMANIK 7:23

ago ageere ng'atuutyet ne teer eng' kebeberwegap poortanyu, kobortos ak ng'atuutyetap ng'omnatennyu, koyaa aek luulenetap ng'atuutyet ne po tengekto ne miitei kebeberwegap poortanyu.

ROMANIK 8:13

amu ngo subi poorto, obegu matiny; ago ngo par eng' Kabuuset ne Tiliil poisyonigap poorto, osaptosi.

2 KORINTOEK 5:20

Nooto anyun kitononjinik agobo Kristo, ko uu ye igoigook Kamuktaindet eng' acheek; kigoigook agobo Kristo, keele otuiyegei ak Kamuktaindet.

2 KORINTOEK 6:1

Kisoome acheek che keboisyei ak Kamuktaindet keele amotaach myeeindap Kamuktaindet puch

2 KORINTOEK 7:1

Amu ki tinyei arorutichu anyun, chamanichu, ongitiliilgei, keiste simdo tugul ne po poorto ak ne po saboondo si keityi tiliilindo eng' kaiyweisyetap Kamuktaindet.

GALATYEK 5:24

Ak icheeget che po Kristo Jeso ko ki kogartaat poorto kobooto maguutikyik ak kasetap myat che po chooto.

EPESOEK 2:19

Nooto anyun ma ko oo toek ak punootik ago oo piigap nganaseet agenge ak che tiliileen, ak che po kootap Kamuktaindet.

EPESOEK 4:1

Nooto anyun, anee ne aa kimonjororyot eng' Kiptaiyat, asoomok miising' ale obendate ko uu ye nyoljin kuurseet ne kigeguurok,

2 TIMOTEO 2:22

Ago mwee maguutik che po neranik, ak isup imanda, chamyet, kayaneet, kaalyeet, kobooto icheeget che kuurei Kiptaiyat eng' mugulelwek che tiliileen.

HEBRANIK 11:13

Ki pek chuuto tugul eng' kayaneet, ama taach arorutichooto, ago kiga kogeer ak koboiboitu kota komi ole loo, ko kagong'aany kole ki toek ak ko kiprutoinik eng' ng'wony.

HEBRANIK 6:9

Ago chamanichu, kiyani eng' okweek tuguuk che myachen kosiir chooto, ak tuguuk che namegei ak yetunet, agot ngemwae ko uu nooto:

JAKOBO 4:1

Punu ano lugoosyek ak pooryosyek eng' kwenung'wong'? Ma punu maguutikwok che poortos eng' kebeberwekwok?

1 PETERO 1:1

Petero, kayooktoindet ne po Jeso Kristo, asirchini che ki kilewen, punootik che po piik che ki koiyesta, eng' Ponto, Galatia, Kapadokia, Asia, ak Bithynia,

1 PETERO 1:17

Ak ngot oguure ineendet oleen Kwanda, ne irwoochi ko uu ole teptoi poisyetap chii age tugul, ama eng' tiytiyet, obendoti eng' kaiyweisyet eng' peetuusyekwok che omi ko oo toek:

1 PETERO 4:12

Chamanichu, amokwong' eng' tyemisyet ne po maat ne mi kwenung'wong', ne nyoonjinok si kobiit kotyemak ko uu ye kaityok kiy ne okwong'ee:

1 PETERO 4:2

si ko mata osapche eng' poorto eng' peetuusyekwok che ng'etunotiin eng' maguutik che yaach che po piik, ago si osapche eng' mageetap Kamuktaindet.

2 PETERO 3:1

Chamanichu, parwaani asirwok nguno ko ne po aeng', ak eng' tuwai ang'eeti kabwaatutikwok che ma tinyei keniisyet ye agoonok obwaat;