1 PETERO 1:3 - BUKUIT NE TILIIL Sireet ne Dutero Kanon

³ Iberuurot Kamuktaindet Kwandap Kiptaiyandennyo Jeso Kristo, ne kisichech kogeny eng' rireenennyi ne oo kenyooru kamang'unet ne sabei eng' ng'eetyeetap Jeso Kristo ne ki mong' eng' che ki pek,

Bukuit Ne Tilil

³ Iberuurot Kamuktaindet Kwandap Kiptaiyandennyo Jeso Kristo, ne kisichech kogeny eng' rireenennyi ne oo kenyooru kamang'unet ne sabei eng' ng'eetyeetap Jeso Kristo ne ki mong' eng' che ki pek,

BUKUIT NE TILIL

³ Iberurot Jehovah Kwandab Kiptaiyandennyo Jesu Kristo, ne kisichech kogeny eng’ rirenennyi ne o kenyoru kamang’unet ne sobei eng’ ng’eetyetab Jesu Kristo ne kimong’ eng’ che kibek,

1 PETERO 1:3 Referencias Cruzadas

1 LAITORINIK 8:15

Ak ki le, “Iberuurot Kamuktaindet ne Toroor, Kamuktaindetap Israel, ne ki ng'alaalji eng' kutinnyi Daudi abba, ak kagosulda eng' eunekyik kole,

1 ATEPTAP PEETUUSYEK 29:20

Yeityo koleenji `Daudi tuiyet tugul, “Olasu Kamuktaindet ne Toroor Kamuktaindeng'wong'.” Ak ki ilas tuiyet komugul Kamuktaindet ne Toroor, Kamuktaindetap kwanisyekwak, ki ing'uruuk ak kogutung'ji Kamuktaindet ne Toroor, ak laitoryat.

2 ATEPTAP PEETUUSYEK 31:8

Kingo nyo Hezekiah ak pounik ak kogeer kayumanik, kolas Kamuktaindet ne Toroor ak piikyik Israel.

TIENWOGIKAL 41:13

Ingitoroor Kamuktaindet ne Toroor, Kamuktaindetap Israel, kobooch keny agoi koigeny. Amen, ak Amen.

TIENWOGIKAL 86:15

Ago inyee, ee Kiptaiyat, ko ii Kamuktaindet ne nyiitaat rireenet ak ko po myeeindo, Ne ma sip konereechi, ne tinyei chaang'indap rireenetapkei ak imanit.

TIENWOGIKAL 86:5

Amu ii myee inyee Kiptaiyat, ak ii choboot inyochi kaat, Ak itinye chaang'indap rireenetapkei eng' icheek che kuurin.

KOMONG'U 34:6

Ki pun Kamuktaindet ne Toroor tainnyi ak komwaita kole, “Kamuktaindet ne Toroor, Kamuktaindet ne Toroor, Kamuktaindet ne nyiitaat rireenet ak myeeindo, ma sip konereechi ak nyiitaat talasyet ak imanit,

ISAIAH 26:19

Tuun saptos cheguuk che ki kobek; ng'eetos muuswekyuk. Ong'eetyee ak otyen, okweek che omenye ng'ung'unyek! Amu uu rewondeng'ung' rewootap ingweek, ak koonu ng'wony che ki kobek.

JONAH 4:2

Ki sa Kamuktaindet ne Toroor kole, “Asaain, ee Kamuktaindet ne Toroor, tos ma ng'olyoondoniito ne ki kamwa ye kingo ta ami emennyu? Ki amwei anyun achakte awe Tarsis amu niito. Ki angen ale ii Kamuktaindet ne po myeeindo ak ne nyiitaat rireenet, ne ma sip konereechi ak kotinyei rireenet ne oo, ak iwale kabwaatutiguk agobo yaityet.

JOHANA 1:13

che ki kisich ama eng' korotiik, anan eng' mageetap poorto, anan eng' mageetap chii, ago eng' Kamuktaindet.

ROMANIK 12:12

oboiboitu eng' kamang'unet; omuitoi eng' nyalilda; ogiiljigei saaet kotugul;

ROMANIK 15:13

Nooto anyun, ingonyiitak Kamuktaindet ne po kamang'unet poiboiyet tugul ak kaalyeet eng' kayaneet, si kobiit otesage eng' kamang'unet, eng' kamuktaetap Kabuuset ne Tiliil.

ROMANIK 4:25

ne ki kigoito amu pistautikyok, ak ki king'eet si kobiit kiityech imanda.

ROMANIK 5:10

Amu ye kita ko ki puunik, ko ki kituiyech ak Kamuktaindet eng' meetap Weeriinnyi, ne siirei miising' anyun, koga kituiyech, kesarwech eng' saboondanyi.

ROMANIK 8:11

Ago ngo menyok Kabuusetap ineendet ne ki ing'eet Jeso komang'une che ki pek, kosoobi poorwekwok che pegu ineendet ne ki ing'eet Kristo Jeso komang'une che ki pek, eng' Kabuusennyi ne menyei eng' okweek.

ROMANIK 8:24

Amu kigesarwech eng' kamang'unet: ago kamang'unet ne kigeerei koma kamang'unet; amu ng'oo ne imang'u nooto keerei?

1 KORINTOEK 13:13

Ago tebyei nguno kayaneet, kamang'unet, chamyet, chuuto somok; ago ne oo eng' chuuto ko chamyet.

1 KORINTOEK 15:20

Ago ki king'eet anyun Kristo komong' eng' che ki pek, tongoaniat ne po icheeget che ruitos.

2 KORINTOEK 1:3

Iberuurot Kamuktaindet ne Kwandap Kiptaiyandennyo Jeso Kristo, Kwanda ne po rireenosyek ak Kamuktaindet ne po kagaigaet tugul;

GALATYEK 6:16

Ak ingotebee kaalyeet icheek tugul che pendoti eng' ng'atuutyoni, ak rireenetapkei, ak eng' Israel ne po Kamuktaindet.

EPESOEK 1:17

ale ingogoonok Kamuktaindet ne po Kiptaiyandennyo Jeso Kristo, Kwanda ne po toroornatet, Kabuuset ne po utaatyet ak ng'ang'utyet eng' naetap ineendet;

EPESOEK 1:3

Iberuurot Kamuktaindet Kwandap Kiptaiyandennyo Jeso Kristo, ineendet ne ki koberuurech eng' konunotyot age tugul ne po Kabuuset eng' kipsengwet eng' Kristo:

EPESOEK 1:7

ne ki tinyei eng' ineendet katyagennyo eng' korotiikyik, nyoetap kaat ne po chalwogikyok, ko uu mogornatosyegap myeeindonyi,

EPESOEK 2:4

ago Kamuktaindet, ne mogoryot eng' rireenetapkei, eng' chamyennyi ne oo ne ki chamenech,

EPESOEK 3:20

Ingobunji anyun ineendet ne imuuchi koyai miising' inne kosiir tugul che kisoome anan che kibwaati ko uu kamuktaet ne poisyei eng' acheek,

KOLOSAIK 1:23

ngo tebi iman eng' kayaneet, ko oo lumdootin ak ko oo tononiotiin komyee, ama ki istok eng' kamang'unetap logoiywek che myach che ki ogas, che ki kiamda eng' yautyet tugul eng' kurereetap kipsengwet; ki kiyaa anee Paulo amu nooto aek kiboityot.

KOLOSAIK 1:27

che ki cham Kamuktaindet kong'aang'ji kiit ne uu mogornatosyegap toroornatet ne po ung'ootyoniito eng' Pororyosyek, nooto Kristo eng' okweek, kamang'unetap toroornatet:

1 THESSALONIKEK 1:3

kibwaati ne ma kisise, poisyeng'wong' ne po kayaneet ak poisyet ne uui ne po chamyet ak muitaetap kamang'unet eng' Kiptaiyandennyo Jeso Kristo, eng' taitap Kamuktaindet nenyo ak ko Kwanda.

1 THESSALONIKEK 4:13

Ago ma kimache anyun, che kitupche, oegu che mongen agobo icheeget che ruitos; keele amoaragense, ko uu piik alak che ma tinyei kamang'unet.

2 THESSALONIKEK 2:16

Nguno anyun, ingogaigai Kiptaiyandennyo Jeso Kristo, ak Kamuktaindet Kwandanyo ne ki chamech ak kogoonech kagaigaet ne po koigeny ak kamang'unet ne myee eng' myeeindo,

1 TIMOTEO 1:14

ak kitesak myeeindap Kiptaiyandennyo kobarait kobooto kayaneet ak chamyet ne mi eng' Kristo Jeso.

TITO 2:13

kigeni kamang'unet ne iberuurot, nooto ko tagunetap toroornatetap Kamuktaindet nenyo ne oo ne Yetindennyo Jeso Kristo;

HEBRANIK 3:6

ago Kristo ko uu weeriit, ne pou koonnyi; acheek koonnyi, ngenam miising' nyiganatennyo ak toroornatetap kamang'unennyo agoi kagesunet.

JAKOBO 1:18

Ki isichech eng' magennyi eng' ng'olyootap imanit, si kobiit keegu che tongoanigap yautikyik.

1 PETERO 1:13

Eng' nooto anyun ogermen suenutigap kabwaatutikwok, oriipkei ak omang'u eng' kagesunetapkei myeeindo ne tuun ki ibwook eng' ng'ang'eetap Jeso Kristo;

1 PETERO 1:21

che oo kayanik eng' Kamuktaindet amu ineendet, ne ki ing'eet ineendet komong' eng' che ki pek, ak kogoochi toroornatet; si kotebi kayaneng'wong' ak kamang'uneng'wong' eng' Kamuktaindet.

1 PETERO 1:23

amu kigesichok kogeny, ma eng' kesweek che ng'emaksei ago eng' che ma ng'emaksei, eng' ng'olyootap Kamuktaindet, ne sabei ak kotebyei.

1 PETERO 2:2

omach miising' cheego che po ng'omnatetap saboon, che ma tinyei ng'aalseet, ko uu manyurunik, si kobiit onerye agoi yetunet;

1 PETERO 3:15

ago ogonyit Kristo koek Kiptaiyat ne tiliil eng' mugulelwekwok: ak oegu che chobootiin kotugul owolji chii tugul ne teebenok ng'olyoo agobo kamang'unet ne miitei eng' okweek, ago eng' talasyet ak kaiyweisyet:

1 PETERO 3:21

kergeindap tuguuchuuto ko kabatisanet, ne sarwok agine eng' peetuusyechu, ma keele istoetap simdap poorto, ago waluunetap kabwaatet ne myee ne tokyingei Kamuktaindet, eng' ng'eetyeetap Jeso Kristo;

1 PETERO 3:5

Ki uu nooto kwonyiik che tiliileen chu ki po keny che ki imang'u Kamuktaindet, ki yaei lelesta icheeget ak kogase iit manong'otaikwak.

1 JOHANA 2:29

Ngot ongen ole po imanda ineendet, ongen ole age tugul ne yaei imanda kogigesich agine eng' ineendet.

1 JOHANA 3:3

Ak chii age tugul ne tinyei kamang'unoni agobo ineendet kotiliilegei, ko uu ye tiliil ineendet.

1 JOHANA 3:9

Chii age tugul ne kigesich eng' Kamuktaindet koma yaei tengek, amu tebyei keswondennyi eng' ineendet: amaimuuchi koyai tengek, amu ki kisich eng' Kamuktaindet.

1 JOHANA 4:7

Chamanichu, ongechamye: amu chamyet ko po Kamuktaindet; ak age tugul ne tinyei chamyet ko ki kosich Kamuktaindet, ak kongen Kamuktaindet.

1 JOHANA 5:1

Age tugul ne iyani kole Jeso ko Kristo kogigesich eng' Kamuktaindet: ak age tugul ne chamei ineendet ne kisichei, kochamei agine ineendet ne ki kisichei eng' ineendet.

1 JOHANA 5:18

Kingen keele ma yaei tengekto chii age tugul ne kigesich eng' Kamuktaindet; ago ineendet ne kigesich eng' Kamuktaindet koriibei ineendet, ama twaei chiichooto ineendet ne ya.

1 JOHANA 5:4

Amu age tugul ne kigesich eng' Kamuktaindet koterteeri ng'wony. Ak ni ko katerteeret ne iterteeri ng'wony, nooto kayanennyo.